بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
ــــــــــــــــــــــــــــــــــــــــ
*لما مشيت الحوش الصغير، اللي هو حوش الباب الخلفي، وقفت بعييد أعاين منو الجاء، لقيت رنا واقفة ليها مع ناس بتكلموا معاها مدني ضهرهم، استغربت وبقيت ماشة عليهم، ولمن حسوا بي قربت اتلفتوا علي، تتخيلوا ياخوانا هنا كانت المفاجأة!!!!، إنه ديل ياهم خالة وأبو فارس ومعاهم فارس ذاته، اتفاجأت لما شفتهم، ووقفت لحظة بعاين...*
_السلام عليكم يا دكتورة
_ع عليكم السلام ورحمة الله، أهلين يا أستاذ
_كيف حالك؟
_الحمد لله انتوا كيف؟ وفارس دا بقى كيف؟
_الحمد لله أهو أحسن، وأحسن الله عزاءكم الدوام لله، ربنا يرحمه ويغفر ليه ويجعله من أهل الجنة
_اللهم آميين يارب، ويرحم أم فارس ويجعلها من سيدات أهل الجنة، اتفضلوا ياخوانا اتفضلوا
*دخلوا معاي لجوة كدا، ودخلنا غرفة أمي وعزوا معاها، قعدوا على الكراسي فارس كان نايم في حضن أبوه، بس بعد دقائق كدا صحى، كان بيبكي شديد،حسيته مخنوق فبدوا يهدوا فيه، بس أبا يسكت، شلته منهم وبديت أسكت فيه وسقته طلعت برة، مشيت بيه السطوح فوق، وقعدت أفرجه في الناس الماشة والجاية وشربته شوية عصير ليمون، هدأ وقدر ينوم تاني مع النسيم العليل الجاء، سرحت في ملامحه البريئة وهو نايم، وتاني سرحت فوق للسماء...*
*لقد كان الهواء يداعب وجهها في كل مرة تقف تتأمل فيها السماء أو تفكر، ويلعب بخصيلات شعرها، إن هذا الهواء الربيعي يحبها، ويحب قلبها اللطيف...*❤️🌸
*قطع شرودي صوت...*
_بت النسمة
_ماازن، يا أهلين
_كيفك؟
_بخير الحمد لله وانت كيف؟
_بخير والله
_دائماً
_كالعادة قاعدة براك، وملطفة لينا الجو
_لطيف من ربنا
_بس ظاهر إنك مبروكة من ربنا
*اكتفيت بابتسامة بس، وقمت على حيلي، ونبهته إنه يقول "مباركة" ما "مبروكة"...*
(بالمناسبة كلمة مبروكة كلمة غلط، لأنه معناها مبروك من البرك في الأرض وهكذا، أما مبارك فهي الصحيحة، حبيت أنبه للمعلومة دي...)
_انا حأمشي تحت عشان أودي الصغير دا لأنه نام
_هو دا منو؟
_بحكي ليك بعدين
*نزلت تحت ومشيت أديته لأبوه، لقيت ناس أمي وشوشهم حزينة، فرتيل قالت لي عرفوا بالقصة وكدا، وكان معاهم عمي مراد، ورياض وكلهم، استغفرت واتنهدت ووصيته على فارس...*
_ زائداً لإني حأبدأ أداوم من بكرة المرضى قاعدين يتضرروا في غيابي، ودكتور عثمان ما مداوم طوالي، وانت يا رياض حتبدأ تمشي جامعتك من بكرة فهمتني؟
_ما عايز أمشي هسي
_من دون ولا اعتراض، تمشي
_اسمعني يا ولدي الضيوف انا معاهم ما تخاف، انت اسمع كلام أختك لأنها عارفة مصلحتك ويين
_يا جماعة
_سمعت عمي مراد ولا لأ؟
_أمري لله، طيب
_يا جماعة نحن نستأذن
_ ما بدري يا ولدي
_بدري من عمرك يا خالتي، لازم نمشي بعد دا
_صح، جيب لي فارس دا بعد يومين تاني، القلب محتاج متابعة طوالي، وما تأكلوه حاجات برة دي كتير، يعني شيبس ومقالي ما ينفع كتروا ليه من شوربة الخضروات والأكلات الخفيفة المفيدة
_تسلمي ان شاء الله يا دكتورة
_ولو واجبي
_سلام يا جماعة نشوفكم بخير
*وطلعوا على طول مشيت قدمتهم لحد الباب، لمن اتلفت ارجع، لقيت مرت عمي مراد واقفة وراي، وكانت كالعادة مدياني نظرة الكراهية البتعاين لي بيها من أنا صغيرة، ما عارفة السبب البيخليها تكرهني شنو، بس اتعودت وبقيت بتجاهلها، ماشة كدا، وقفتني...*
_اقيفي اقيفي يا بت النعم انتِ
*من ناحية تانية*
*بلسان سماح*
*أول ما دخلت سحبني ليك عمي سعيد من الباب، ومن دون أي مقدمات نزل فيني ضرب وجلد بالحزام، كالعادة عيونه الحمراء وترنحه وعصبيته بيدلوا على إنه سكران كعادته، ضربني وما خلى شبر في جسمي سليم، وكان بس بيضرب من دون أي رحمة💔 اتعودت، اتعودت شديد بس بقيت ببكي من دون أي صوت، أمي ما كان عندها قدرة توقفه بس تبكي وتكورك، وقع دايخ على الأرض، وقمت جاريةة على غرفتي...*
يتبع...🤎
