*رحاب*
_هل أفهم من ذلك أني قُبلت في عملي؟؟
_أجل لديك كل المؤهلات التي تجعلك طبيبة قلبية في مشفانا، مرحباً بك
_شكراً لك يا سيدي
_ولو نحن من نشكرك لانضمامك إلينا، سأرسل خبراً إلى الطبيب رئيس شعبة القلبية كي تعطه ملفاتك وبحسب أوامره يسري الفريق
_حسناً، شكراً لك سيدي استأذن
_اهلاً بك على الرحب والسعة
*الحوار أعلاه كان بالإنجليزي *
*طلعت وانا مبسوطة بعد الحوار الدار بيني وبين الإدارة العليا دا، فرحت شديد اني اتقبلت في المستشفى دي، شايلة ملفاتي وماشة بسرعة، لاقتني واحدة من السسترات فسألتها من مكتب رئيس شعبة أطباء القلبية، وصفت لي، صح قلت ليها فهمت، بس صراحة ما فهمت ولا شيء، المستشفى كبيرة وتتوه الراس، بقيت ماشة بس حسب إشارات يدها البتذكرها، فجأة وانا ماشة قربت أضرب في واحد كدا وقفت، قلت ليه أعتذر هل تعرف مكتب رئيس شعبة أطباء القلبية؟...*
_نعم؟ معاك الرئيس بذات حده
"بيني وبين نفسي اتخلعت، هو بيتكلم عربي لا في العربي الدارجي بتاعنا دا؟، دا ممكن أقول عليه ألماني أو مواطن نيوزيلاندي أو أي شيء إلا سوداني بستبعد خالص، لكن إنه يتكلم عربي زيي عادي كدا، وقفت متحيرة قال لي يا استاذة..."
_نعم، معليش يا استاذ أنا طبيبة جديدة عينوني ودلوني على مكتبك انضميت للفرقة جديد
_ معاك إشعار توظيف؟
_لا بس طلعت وقالوا لي حيرسلوا ليك إشعار
_لما يرسلوا تعالي المكتب
_طيب يا استاذ يا استاذ مكتبك وين؟؟...
*مشى من غير ما يسمعني، أصلاً وأنا بتكلم معاه حسيت بالضيق وبإنه زول مغرور، اتنهدت وقلت مشيها مشيها، انتظرت في واحدة من البينشات لحدي ما جات سستر كدا وسألتني...*
_هل أنتِ الطبيبة الجديدة؟
_أجل أنا
_الطبيب هزاع يطلبك في مكتبه
_حسناً يمكنك أخذي؟؟
_بالتأكيد بالتأكيد تفضلي
_شكراً....
*وصلتني لحدي المكتب، دقيت الباب ودخلت، كان المكتب كبير بشكل، وقفت بعاين، طرقع لي بيده وأشر لي إني أقعد، قعدت قصاده ومن أولها شميت الوضع، نظراته تحسس الزول بإحساس غريب...*
_إسمك؟
_رحاب عبد الرؤوف عاصم
_من وين؟
_السودان
_طبيبة من؟
_سنة أو ما يزيد
_وعمرك 21؟
_أيوة
_اممم، ممكن تقولي مقبولة مبدئياً لحدي ما نجري ليك اختبار من بكرة إن شاء الله وتثبتي فيه مقدرتك، إنصراف...
_ممكن أقول حاجة؟ معليش يعني..
"فتح الملف وبيقلب فيه، وقال لي اممم"
_انا مافي مدرسة عشان تقول لي انصراف يعني بالله قول اتفضلي اي حاجة
_طيب..
*وأشر لي على الباب، بنرفزة كدا قلت اللهم طولك يا روح من أولها عولاق، وطلعت برة سديت الباب بزهج، نازلة على السلم كدا طقشت في واحدة، قلت ليها معليش، اه اقصد Sorry...*
_على فكرة أنا سودانية زيك يا حلوو انت
_اااه، حلووو
_الحلوو زعلان ماله وشك دا شوية وبقع منك
_لالا ماف حاجة اتضايقت شوية من حد بس
_ دا منو الزعل بت بلدي الحلوة دي، تعالي تعالي يا السمحة
