*لاقيت مرت عمي في وشي، كانت واقفة كعادتها بتعاين لي بنظرات كراهية وبتلوي لي في خشمها، ما وقفت عليها كتير اتجاوزت وقعدت في السرير، قبلت علي وبدت تتكلم معاي...*
_بت النعم، قلتي لي دا أبو طفلك المريض
_أيوةة
_ أبو مريضك بجيك في أوقات زي دي؟
_اه يا خالتي، أنا الطلبت منه يجيب لي فارس في شيء؟
_اتكلمي بأدب، ثم ثانياً تطلبي منه ليه؟ مسؤولة منه انتِ؟ ولا دي قلة أدب جديدة؟
_ما مضطرة ابرر ليك حاجة، دي حاجة تخصني والطفل حالته ما بتسمح أبرر
_أوهووو، يعني انتِ تجيبي رجال عادي وماف زول يسألك عشان انتِ شنو؟ عشان انتِ مسؤولة ولا عشان ليك حرية التصرف يا تافهة،أسمعيني هنا جيرانكم ديل نحن عندنا معاهم علاقات سمحة بالله ما تخربي لينا سمعتنا بتفاهتك دي سمعتي؟؟
*كل مرة أنا مرت عمي دي بتسم لي بدني بكلامها، بس المرة دي نزلت لي غصة في قلبي، ما بحب زول يتكلم عن تربيتي أو يسيء لأخلاقي أبداً💔، وقفت علي حيلي بعاين ليها ودموعي كانت قريبة، بس صديتها عشان ما تنزل واخدت نفس وزفرته بضيق...*
_كل مرة يا خالتي أنا بسكت ليك أولاً إكراماً لإنك أكبر مني وثانياً عشان خاطر عمي فؤاد ومرافي ومازن، وبفتكر كلمتك الكلام دا قبل كدا كلمتك ليه، بس رجاء تربيتي ما تقربي عليها عشان بعد كدا ما حيحصل خير
_خير؟! خير شنو بيجي من الناس الغريبة؟، أمشي عليك الله
*قالت كلامها دا وطلعت رزعت الباب وراها بقوة، من تاني شتتت لي أفكاري بكلامها الما مفهوم دا، وذكرتني موقف قبيل الأنا بحاول أتناساه، نفضت راسي عشان أقدر استوعب، طلعت تاني قعدت برة الحوش بستغفر وبحاول قدر الإمكان ما أركز، بس كلامها معلق في ذاكرتي وكأني لسة بسمعه منها، غمضت عيوني واتنهدت، العشاء أذن قمت اتوضيت وصليت، واستغفرت قريت الورد الثابت بتاعي اليومي، قلت لنفسي "ما تركزي أنتِ بكرة عندك دوام لازم تنومي"، طبقت مصلايتي وختيتها في التربيزة وكنت عايزة أمشي على غرفتي، طلع لي في وشي مازن، خلعني لأني ما كنت منتبهة...*
_وه، اتخلعتي؟
_بسم الله مازن دا شنو؟
_شنو؟؟
_حركات الشفع دي
*ضحك بصوت كدا...*
_وااااععع معليششش يا بت النسمة
_كنت قاصد مش؟
_والله احتمال ياخ
_غايته،زح لي أنا ماشة
_وين؟
_غرفتي
_ دايرة تنومي؟ ها بتنومي زي الجداد بدري كدا مالك؟
_عندي دوام بكرة
_سمح خليك شوية كدا، أنا حأمشي بعد يومين عشان الشغل، خليك شوويةة
*عاينت ليه، واتنهدت...*
_ طيب، أها وتاني؟
_تاني تعالي معاي شويةة يا بت النسمة
_ وينن؟
_السطوح
_اه، طيب
*طلعنا السطوح فوق، اخدت نفس طوييل، وقعدت اتأمل في السماء، وهو جاب تربيزة قعد قدامي، كنت مركزة مع السماء شديد، بحاول أنسى العلي...*
*بلسان مازن*
*كنت بتأمل ملامحها النسيمية، كانت ملامحها بتوحي ليك بالأمل والهدوء وكل شيء فيها باختصار، الإنسانة الأنا حبيتها من كنت صغار ولحد هسي، رغم إنها رافضة أي ارتباط في حياتها بس برضي بحبها...*
*ملامحها كانت توحي لك بجمال فصل الربيع، إنها حبيبة النسيم...مازن🧡🦋*
_أها كيف وكيف؟
_شنو؟
_حاسة كيف؟
_ااا كويسة والله
_نفسي أعرف قصتك مع النسيم دي شنو؟
_حكاااية طويلة ما بتفهمها
_اااا عاملة فيها عميقة وكدا
_دا كلامك أم العمق هخخ
_رحاااب
_نعم
_أنا عارف إنه أمي ما قاعدة تريحك، آسف شديد لكونها ما بتريحك بسببي
_ بتعتذر ليه ما ليك ذنب انت وبعدين منو قال ليك انك السبب؟ عادي
_ما عادي ولا حاجة انتِ بتتحملي كتير شديد
_قلنا عادي يخخ وانسى الموضوع دا
_طيب
_أحكي يا شافع أها ملتزم بدوامك وكدا؟
_شافع؟ عليك الله عاملة فيها دييك يا الكبيرة؟ أنا زول كبير وملتزم
_يعني ما بتتغيب؟
_أبداً أحممم
_كويس بكرة بسأل مرافي وبيظهر كله
_ااا زولة هوووي مرافي شنوو
*ضحكت، وكالعادة ضحكتها بتخليني افرهد...*
_عايني بتشربي ليمون فريش؟
_ااااي
_ورح ننزل أشربك أحلى ليمون فريش من يدي
_بقيت شيف؟ لالا ما اتعرفناا
_قومي بس وبتعرفي
*نزلنا ومشينا على المطبخ...*
*بلسان رحاب*
*مشينا المطبخ طلعت ليه الليمون وبقيت بقطع في وهو بيقطع، بعد خلصنا خلطهم وكبيناهم في كبابي وبدينا نشرب، بيتكلم معاي شوية بتجاوب معاه تاني بنسكت...*
_عانن هسي انتِ بتعرفي الفي القلب كله؟
_لازم أعرف
_سمح المشاعر دي في ياته حتة بالضبط
_في المعدة القلبية
_دا شنو دا كمان؟ علي بالطلاق قريت أحياء لكن ما سمعت بحاجة إسمها زي دي
*ضحكت على كلامه دا...*
_طيب قريت أحياء ما عارف مكانها، يا سيدي المشاعر دي هرمونات أو إشارات عصبية بتنبعث للقلب
_ابو الزفت ذاته كدا الدكاترة ولا بلاش
_احمم سمح يلا أنا خلصت كبايتي طلعت شيف لكنن، ماشة أنوم
_شفتي كيف، بالعافية
_تصبح على خير
_تلاقيه
*طلعت ومشيت على غرفتي رقدت واتقلبت على صفحتي اليمين وغمضت علشان أقدر أنوم...*
*من ناحية*
*حسيت بضربة قوية في ضهري، طوالي قمت عايزة أشاكل لقيتها ليك عنان، صرخت بصوت...*
_عناااان؟؟؟؟!
_ياها ذاتها يا مجنونة
_واااااي وربي الخالق مشتاقيننن
*وضمتني بقوة...*
_خلاص سمح فكيني خنقتيني
_أها فكيتك، الخبر؟
_تماام الحمد لله انتِ كيفك؟ وأمك وأخواتك؟
_ بخير الحمد لله
_حمد لله، أها هسي عمي ما قال لي بتجي بكرة
_كنت عاملاها ليك سربرايز قلت ليه قول ليها بجي بكرة
_وااااي يا العولاقة، وجيتي متأخرة كدا ليهه؟؟!
_والله اتحركت من هناك متأخخخرة أصلاً عشان كدا
_أهااا، هااا عانن العشاء أذن
***سمعنا الأذان لحدي النهاية وقعدنا دقائق كدا وقمنا نصلي، صلينا وجبت ليها الأكل حلفت إلا آكل معاها، أكلنا واتونسنا كدا أخدتني الونسة معاها لحدي ما حسينا بالتعب ونمنا...
يتبع🤎...
