*رحاب*
*جيت داخلة البيت سلمت على الكل وطلعت غرفتي غيرت ملابسي، قعدت في الأريكة، اتنهدت وغمضت عيوني ومسحت على جبيني بيدي، فجأة سمعت صوت صراخ برة، اتخلعت وقلت دا شنو؟، سحبت لي طرحة وختيتها في راسي وطلعت، لقيت أمي قاعدة في الأرض ومغطية وشها بتبكي، جريت قعدت جنبها قلت ليها أمي أمي في شنو أمي بسم الله....*
_اخخخ يا رحاب ااخخخ من عمك
_عمي؟ عمي منو؟؟
_مراد يا رحاب مراد
_عمي مراااادد؟؟؟؟!!!!! ماله عمي يمة؟؟؟؟!!!!!!
_مات يا بتي مات...
*هنا أنا شبه بقيت ما واعية وما فاهمة اي حاجة، فكيت أمي وقمت على حيلي وبقيت بقول لأ لأ مستحيل، جات وسن جنبي مسكتني صرخت بأعلى صوتي وقلت مستحييييييلللللل، ليه؟ ليه عمي مراد يمشي يخلينا؟ ليه يمشي يخلينا زي ابوي؟ غمضت عيوني شديد وبقيت شايفة طيف عمي مراد ماشي قدامي، وهو بيقول لي يا بتي وبيبتسم، بقيت بتمتم وشغالة ع عمو ت تعال يا عمو، أمي كانت بتبكي وابتهال قاعدة جنبها بتصبرها، ورنا كانت بتبكي بصوت عاااالي وتقول عمي البريده مشى خلانا، ووسن المشت جنبها وحضنتها وبقت تبكي معاها، كيف يعني عمي فات خلاص؟ يعني أنا تاني حأتحرم من حب الأب خالص؟ عمي الكنت بحبه وبعتبره زي أبوي مشى خلاص؟ وقعت من طولي وقعدت في الأرض ببكي، ببكي بقهر، حسيت روحي للحظة من الزعل كنت حألحقه، ليه كل زول بحبه وبعتبره سند لي بيمشي؟ استغفر الله استغفر الله يارب تصبرني، تاني قمت على حيلي ومشيت وقفت أمي وقعدتها في الكرسي، مسحت دموعي قلت ليها نقوم السودان طوالي، بكرة دا على طول، جاء داخل وقاص في اللحظة ديك وقال في شنو يا جماعة، ماف زول رد عليه وأنا جريت عليه حضنتنه...*
_ر رحاب؟ مالك يا بت في شنو؟؟
_عمي يا وقاص عمي
_عمك.. منو تقصدي عمو مراد؟
_ااي
_وماله عمي مراد؟
_مااااات، خلاص عمي فات مشى لأبوي
_كيفف؟؟؟
*اتصدم وما عرف يقول شنو، مسح بيده على راسي قال لي رحاب استغفري قولي إنا لله وإنا إليه راجعون، وأنا ببكي بطول حسي، ما قادرة اتكلم كنت، قعدني في الكرسي وكب لي كباية موية مداها لي، بقى بيحاول يهدي فيني...*
_خلاص خلاص ما تبكي
_و وقاص خلينا نرجع دايرة ارجع السودان
_طيب طوالي نرجع بكرة هسي حأقوم احجز تمام؟، خلاص ما تبكي استغفري واتصبري
_وقاص يا ولدي احجز لي معاك
_ليه؟؟
_عشان حامشي معاكم
_لا ما ينفع انتِ تمشي وعلاجك؟
_يا ولدي بشيلهم معاي هناك ونحن ما حنطول بس يا ولدي أنا ماشة
_وانا كمان ماشة مع ماما
_يا جماعة
_وقاص احجز لينا الله يرضى عليك
_وانت يا حاج عايز تمشي؟
_اي احجز معاك
_طيب...
*من ناحية*
*رياض*
*كنت قاعد مع امان الله مع الشباب في الحلة بنتكلم عن الجامعة وما الجامعة، ومشغلنها لي بالخطوبة، فجأة تلفوني ضرب رفعته ولقيت المتصل"Mazen" فتحت الخط...*
_أووو ابو الشباب كيفك، مالك انت صوتك دا كدا؟ كيف؟؟؟؟؟ إنا لله وإنا إليه راجعون، عاين بحاول اتصرف اجيكم في عطبرة، يلا يلا
_في شنو يا مان؟
_عمي مراد توفي
_لا حول ولا قوة إلا بالله، هم ما هنا صح؟
_لالا في عطبرة
_عاين يا مان حرم نمشي كلنا ونتشايلها سواء
_اي أصلاً أنا امجد اخوي بكرة كان مسافر عطبرة الأمش اخليه يشوف لينا طريقة يشيلنا معاه
_تسلموا يا شباب ما بتقصروا
_افو يا معلم ياخ ولو واجبنا شنو غير كدا
*ودعتهم ومشيت البيت شلت شنطة ضهر، شلت تلفوني اتصلت على ناس رحاب اتكلمت معاها وقالت لي جايين بكرة، قفلت منها كدا دخلت الفيس ونزلت بوست بصورة عمي ودعاء بترحم عليه فيه، قفلت التلفون واستغفرت، نفس الشعور الكنت حاسيه في موت ابوي رحمة الله عليه، الليلة تاني رجع بموت عمي، ضغطت على عيوني شديد عشان اقدر اتماسك، فجأة تلفوني ضرب وكانت"ثريا خالتي" فتحت الخط، وسمعت صوت سماح...*
_ألوو رياض
_اهلين يا سماح
_انت ص صحي عمو مراد توفي؟؟
_ايوة
_إنا لله وإنا إليه راجعون، ربنا يرحمه ويغفر ليه ويجعل مأواه الجنة
_اللهم اميين اميين
_ناس خالتي عرفوا؟
_اي
_حيجوا؟
_اي بكرة إن شاء الله، حينزلوا عطبرة بغادي
_وانت حتنتظرهم؟
_لا حاكون سبقتهم عندي أخو صاحبي بكرة قايم
_طيب وانا حأجي
_تجي كيف انتِ؟؟
_حأكلم خالي يخليه يحجز لي
_براك؟
_أي عنان حتفضل هنا تخلي بالها من أمي وخالي قاعد
_طيب
_رياض، خليك قوي طيب؟
_طيب
_يلا...
