နှစ်ဦးသားဖူရွေ့တောထဲတွင် ရက်အနည်းငယ်လောက်နေခဲ့ရ၏။အကြောင်းမှာတော့ ရှိူးယွမ်၏အားနည်းနေသောအခြေနေကြောင့်ပင်။ သူတို့ ဖူရွေ့တောနားက မြို့လေးကိုပြန်ရောက်တော့ အလာတည်းကတည်းခိုခန်းမှာပဲတည်းဖြစ်ကျပြီး ထိုညတွင် ရှုရွယ်က မအိပ်ပဲတစ်စုံတစ်ယောက်ကိုစောင့်နေခဲ့သည်။
ရှုရွယ်ထင်သည့်အတိုင်းပါပင် ထိုညတွင် တစ်စုံတစ်ယောက်ကသူ့အားလာရှာခဲ့၏။ ထိုသူကတော့ မလွဲမသွေ ရှန်ကျင်းလုံပါပင်။
ဒီတစ်ခါတော့ အနှီရှန်ကျင်းလုံက တံခါးကနေပင်ဝင်လာတာဖြစ်ပြီး ရှုရွယ်မအိပ်သေးသည်အားမြင်သော် မဲ့ပြုံးပြူံးလာပြီး...
"ဘာလို့ အဲလောက်သတိကြီးနေရတာလဲ "
ရှုရွယ် ထိုရှန်ကျင်းလုံအား လုံးဝပင်ကြည့်မရ။ ဖြစ်နိုင်လျှင် သူနှင့်ဘာမှပင်မပက်သတ်ချင်ပေ။ သို့သော် သူ့တွက်လည်းအခက်ခဲလေးများရှိနေပြီး သည်ရှန်မျိုးရိုးနှင့်သားရဲကလည်း သူ့ထံကတစ်စုံတစ်ခုကိုလိုချင်နေသည်ဟု သူခံစားရသည်။ ဒီလူနှင့် အချိန်အများကြီးမဖြုန်းချင်တာဖြစ်လို့ ရှုရွယ် လိုရင်းကိုပဲတန်းသွားလိုက်သည်။
"ခင်ဗျားပြန်လိုချင်တာဘာလဲ"
တည်းခိုခန်းလေးသည် စျေးမများသည်နှင့်အညီပင် အခန်းထဲတွင်ကုတင်တစ်လုံးသာပါရှိပြီး ထိုင်ရန်ခုံပင်ရှိမနေခဲ့ချေ။ ထို့ကြောင့် အနှီရှန်ကျင်းလုံက ရှုရွယ်ရှေ့တွက် ပျင်းရိပျင်းတွဲရပ်နေပြီး ပြောလာ၏။
"ကိုယ်လိုချင်တာ...ကိုယ်လိုချင်တာဘာများပါလိမ့် "
ရှုရွယ်က ဤသို့ဝေ့လည်ကြောင်ပတ်လုပ်နေခြင်းများကိုလုံးဝမနှစ်မျို့ပေ။ သူက ထိုလူအား စူးစူးရဲရဲနှင့်စိုက်ကြည့်လိုက်သည်။ရှန်ကျင်းလုံကလည်း ထိုအကြည့်တွေအားနားလည်ပါ၏။ ရှန်ကျင်းလုံမှာရယ်နေရင်း...
"ဘာတွေလျောက်တွေးနေတာတုန်း ကိုယ်မင်းကိုမတောင်းပါဘူးနော် အဲလောက်ခက်ထန်မနေစမ်းပါနဲ့"
ဒီနေ့အတွက် အနှီရှန်ကျင်းလုံက အရင်နဲ့မတူပဲ တစ်မျိုးဖြစ်နေသည်ဟုရှုရွယ်ခံစားရသည်။ အရင်ကဆိုလျှင် ဒီလူက သူ့အားသရိုးသရီလုပ်ရတာကို အလွန်သဘောကျသည့်ပုံရှိသော်လည်း ဒီနေ့တွင်တော့ ထူးထူးခြားခြားပင် ထိုသို့ပြုမူမလာပါချေ။ သူ့ပုံစံက စိတ်အခြေနေမကောင်းသည်ကို အတင်းဖုံးကွယ်နေသည်နှင့်တောင်တူသည်။ သို့သော် ဒါက ရှုရွယ်အတွက် အရေးကြီးသည်မှမဟုတ်တာပဲလေ။ အဓိကက ဒီလူအပေးယူပြန်တောင်းမယ့်အရာက ရှုရွယ်ထင်နေတာမဟုတ်ရင် ပြီးတာပဲ မဟုတ်ဘူးလား။
YOU ARE READING
ကံၾကမၼာကႀကိဳး / ကံကြမ္မာကကြိုး
Fantasyကံကြမ္မာဇာတ်ခုံကြားမှာ ကပြဖျော်ဖြရတဲ့အခါ... လှည့်စားတတ်တဲ့ကံကြမ္မာအကြောင်း တစေ့တစောင်း။ #ပန်းမိုးလိပ်ပြာ ### ကံၾကမၼာဇာတ္ခုံၾကားမွာ ကျပေဖ်ာ္ျဖရတဲ့အခါ... လွည့္စားတတ္တဲ့ကံၾကမၼာအေၾကာင္း တေစ့တေစာင္း။ #ပန္းမိုးလိပ္ျပာ
