خطايا بريئة (مُكتملة)

تنويه

قمراتي الحلوين 🤍
بإذن الله هيكون في خاتمة هتنزل خلال ايام 😍
وتعالوا اقولكم على مفاجأة حلوة 💃💃☺
فاكرين المشهد ده 🙈
-هو مين اللي بيخرف أنت هتتصاحب عليا يا روح أمك... ابقى وفر كلامك ده لما تتعرض على النيابة ومن هنا لوقتها تبلع لسانك ومسمعش صوتك.

انحصر الحديث بحلق "حسن" و وقف ينظر له بنظرات زائغة غير مستوعبة

ليصيح "سليم" بعدها بصوت جهوري رج الجدران بإسم أحد أمناء الشرطة:

-يا "مطاوع"

هرول "مطاوع" إلى داخل مكتبه ليأمره "سليم" بنبرة  صارمة للغاية:

-غوره من وشي و خدوه على الحبس

حاول "حسن" الاعتراض من جديد بينما كانت قبضة "مطاوع" رادعة له فكان يجره جر.

بينما "سليم "جلس  خلف مكتبه وتناول أحد سجائره يشعلها ثم تناول هاتفه ينقر على شاشته برقم أقرب أصدقائه وإن أتاه الرد قال:

-حصل… و الراجل ده شكله بجح وعينه يدب فيها رصاصة وأنكر  بس متقلقش هيتعمل معاه الصح  يا دكتور الحريم

اتاه الرد متبوع بصوت قهقهة من الطرف الأخر:

- يا دي النيلة هو أنت بتعايريني يا "سليم "

أجابه "سليم" بخشونة:

-اعملك ايه ما أنت دون عن التخصصات كلها اخترت تخصص مهبب شبهك

-شبهي ...بسم الله ما شاء الله عليك ثابت على وضعك مبتعرفش تزوق الكلام ابدًا

-وازوقه ليه انا مبحبش النحنحة زيك

-نحنحة كمان! لا يا عم  انا هقفل أحسن بكرمتي

-كرمتك في ذمة الله بلاش تعيش الدور

قهقهوا سويًا وبعدها أتاه سؤال  الطرف الآخر عابثًا كعادته:

-ماشي نتكلم جد شوية بقى وقولي أيه أخبار ورق العنب الملفوف؟

نفرت عروق" سليم"وصاح بعدم رضا من سخريته المبطنة:

-"نضال" اظبط ومتخليهاش تخرب عليك عارف لو كنت قدامي كنت عرفتك تمامك

-متتحمقش يا صاحبي انا كنت  بناغشك بس

-طب يلا انا مش فضيلك وعندي شغل سلام

أغلق الخط معه وقبل أن يستأنف "سليم" عمله حانت منه  بسمة عابرة  وهو يتذكر تلك الفاتنة التي مازال يقرع ضميره طبولًا من أجلها.

بينما عند الأخر كان يهاتف "سعاد" ويخبرها أن تطمئن ابنة عمها أن ذلك المتبجح سينال جزائه على أتم وجه.
----------
كنت قاصدة اعرفكم على شخصية سليم واعرفكم انه هو و نضال اصحاب علشان نضال هيكمل معانا بأحداث مختلفة ومنفصلة  في الرواية الجديدة (ذنبي عشقك)