" အားးး နေကြာတွေကွ ၊ ငါ့ရဲ့နေကြာတွေ အီးဟီး "
" လွန်းဟေမာန်ငယ် ရူးနေလား ၊ ဘာလို့ အသံပြဲနဲ့ အော်နေတာလဲ "
နေကြာခင်းကို တွေ့လို့ စိတ်မထိန်းနိုင်ပဲ အော်မိတော့ နှိုင်းမခက လွန်းကို ကြည့်ပြီး ခေါင်းတခါခါ ။ မခံစားတတ်တဲ့ လူ ၊ နှလုံးသားမရှိတဲ့လူ ။ နှလုံးသား ရှိလား မရှိလားတော့ မသိ ၊ မရှိဖို့ကတော့ များပါတယ်လေ ။
" အစ်မကလည်း .... အစ်မသာ ညီမနေရာ ဝင်ကြည့်ပါလား ။ ရူးတောင်သွားမယ် ။ "
" အခုလည်း လွန်းက ရူးနေတာပဲကို "
" ဘာပြောတယ် ! "
နှိုင်းမခရဲ့ လေသံလောက်ကိုလည်း လွန်းက ကြားရတယ်ဆိုတာကို မေ့လျော့နေလေသလား ။ လွန်းရဲ့ အော်သံကို ကြားမှ ပြီတီတီမျက်နှာပေးဖြင့် ပြန်ကြည့်လာသည် ။
" အဟမ်း ဘာမှ မဟုတ်ဘူး ။ အအေးသွားယူဦးမယ် "
" လိမ္မော် "
သေချာပေါက် လွန်းကို မျက်စောင်းထိုးသွားမှာ ။ နှိုင်းမခက သူ့ကို ဆရာလုပ်ရင်မကြိုက် ၊ နှိုင်းမခကို ဆရာလုပ်လို့ရတာကလည်း လွန်းပဲ ရှိသည် ။
" အစ်မရာ ကြာလိုက်တာ ၊ အအေးဗူးသွားယူတာ အအေးဗူးများဖြစ်နေပြီလားလို့ ။ "
အေးစိမ့်စိမ့်အအေးဗူးက လက်ထဲ မရောက်ဘဲ ပါးပြင်ပေါ်ရောက်လာတယ် ။ လွန်းရဲ့ ပါးက သူ့ဆော့စရာ ကျနေပါရော ၊ ဆွဲဆိတ်လိုက် လာညှစ်လိုက်နဲ့ ။ ပန်းခင်းထဲမှ ခိုးချိုးထားသော အနေတော်အရွယ် နေကြာတစ်ပွင့်ကို နှိုင်းမခထံသို့ ကမ်းပေးလိုက်သည် ။
" ဓာတ်ပုံရိုက်ပြီးရင် ပြန်မယ် ၊ လူကြီးတွေက ရွှေဘတောင် သွားမယ်တဲ့ "
" ရိုက်ပေး "
" အိုခေ ညီမလေး ဘယ်နားလေးကို ရိုက်ပေးရမလဲ "
ဝတ်ထားတဲ့ လက်ရှည်ကို ခေါက်တင်ပြီး လွန်းကို ထပ်စတော့ ဒေါသဒီဂရီက အတိုင်းအတာတစ်ခုကို ရောက်သွားတော့သည် ။
" အစ်မ ! "
" ပေး ကင်မရာ "
တကယ်တော့ နှိုင်းမခက လွန်းကို အနိုင်ယူခြင်း မရှိခဲ့ ။ သူမနိုင်လို့လည်း ဖြစ်ကောင်းဖြစ်နိုင်သည် ။ စကားလုံးနဲ့ စနောက်တာကတော့ လွန်းရဲ့ ဒေါသကို အဆွနိုင်ဆုံး လုပ်ရပ်ပင် ။
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
