နှိုင်း အလုပ်ကို ရောက်လာတော့ နှိုင်းရဲ့ အလုပ်စားပွဲပေါ်မှာ ချောကလက်တောင့်တွေနှင့် ပြည့်နေတာကို တွေ့လိုက်ရသည် ။ ဖေဖော်ဝါရီလ ၁၄ ရက်နေ့ ဖြစ်မှန်းကိုလည်း သတိပြုမိသွားသည် ။
" ငါတို့ရောက်ကတည်းက နင့်စားပွဲက အဲ့လိုဖြစ်နေတာ "
သူရာက ရှင်းပြပြီးနောက် စားပွဲပေါ်ရှိ ချောကလက်တစ်တောင့်ကို ယူကာ ဖောက်စားသည် ။
" ကလေးတွေကို ဝေပေးလိုက်ဦး ၊ ငါ့ကို ဆေးရုံအုပ်ခေါ်ထားလို့ "
ဆေးရုံအုပ်ရုံးခန်းဆီသို့ လာသည့် လမ်းတစ်ယောက်တွင်လည်း အလုပ်သင်ဆရာဝန်ငယ်လေးများက နှိုင်းကို ချောကလက်ဘူးများလာပေးသည် ။ အနောက်တိုင်းယဥ်ကျေးမှုတွင် မိန်းကလေးဘက်ကသာ ပေးလေ့ရှိသော်လည်း နှိုင်း၏ မွေးရပ်မြေကား ထူးခြားဆန်းကျယ်လှ၏ ။
ဆေးရုံအုပ်၏ အမှာစကားများကို အတန်ကြာနားထောင်ပြီးနောက် ပြန်လာခွင့်ရခဲ့သည် ။ ဂျူတီအချိန်မကျသေး၍ အခန်းထဲတွင် ထိုင်နေကြတုန်းဖြစ်သည် ။
" ဒီနေ့ ခွဲစိတ်ဖို့ မရှိဘူး ခ ၊ နင့်လူနာက မနေ့ညက ဆီးချိုတွေ အရမ်းတတ်လာလို့ ခွဲစိတ်ဖို့ကို နောက်ရွေ့လိုက်ရတယ် "
ခွဲစိတ်ရန်အလုပ်ကို ကြောက်ကြသည်မှာ အဆန်းမဟုတ်လှပါ ။ မိမိကိုယ်တွင်းရှိ ကိုယ်အင်္ဂါ အစိတ်အပိုင်းများကို ကိုင်တွယ်နေခြင်းကို မည်သူကမျှ နှစ်ခြိုက်မည် မဟုတ် ။
" Andy ငါ နင့် ချောကလက်တွေအကုန် စားပစ်လိုက်ရင် ဘာဖြစ်မယ်ထင်လဲ "
" ချောင်းဆိုးမှာပေါ့ "
" မှားတယ် ၊ နင့်ကို ချောကလက်ပေးတဲ့လူတွေ တစ်ယောက်မှ နင့်ကို မရတော့ဘူး "
နွေကန္တာဦး၏ အတည်ပေါက်ဟာသများကလည်း တစ်နေ့တာအတွက် မပါမဖြစ်ပင် ။
" လွန်း ဘာဖြစ်တာလဲ .. လွန်း "
" လွန်း "
စိမ်းလဲ့နှင့် ပိုးဖြူ၏ အလန့်တကြား အော်သံကို ကြားပြီးနောက် ခြေလှမ်းများက အလိုအလျောက် သူတို့နားဆီသို့ရောက်သွားသည် ။
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
