ကော်ဖီခွက်ကို မတို့မထိသေးဘဲ လွန်းကို စိုက်ကြည့်နေသော ပါးကြောင့် ခြေဖျားလက်ဖျားတွေ အေးစက်လာရသည်ည် ။
" ပါး ... လွန်းကို ___"
" လမ်းခွဲလိုက် "
" ပါး "
" မဖြစ်သင့်ဘူးဆိုတာ သိနေပြီးသားမဟုတ်လား ၊ သမီးကို ပါး စိတ်မဆိုးချင်ဘူး ကလေး "
" ဒါပေမယ့် ပါးရယ် ၊ လွန်းက ... အစ်မကို တကယ်ချစ်တာ "
ခေါင်းငုံ့ချလိုက်ကာ ငိုသံစွက်နေသည်ကို ဖုံးကွယ်ရန် ကြိုးစားနေသည် ။
" နှိုင်းမခရဲ့ လက်ထဲမှာ ရှိသမျှက သူ့ရဲ့ တက်လမ်းတွေချည်းပဲ "
" ခွဲစိတ်ပါရဂူတစ်ယောက်ဖြစ်ချင်နေတာကို သမီး သိတယ် မဟုတ်လား "
လွန်း အဖြေပြန်မပေးမိ ။ လွန်း၏ မေ့လျော့နေမှုတစ်ခု ဖြစ်သည် ။ လွန်းက ကိုယ့်အိပ်မက်တွေကိုသာ လိုက်လံဖမ်းယူနေသော်လည်း နှိုင်းမခကတော့ သူမ၏ အိပ်မက်တွေကို သိမ်းဆည်းထားသည် မဟုတ်ပါလား ။
" သူ အကုန်လွှတ်ချဖို့လုပ်နေတယ် "
" မင်းရဲ့ လက်ကို ဆွဲဖို့ ငါ့သမီးက သူ့ရဲ့ တက်လမ်းတွေ အကုန်လုံးကို စွန့်လွှတ်နေတယ်လို့ လွန်းဟေမာန်ငယ်ရဲ့!! "
စားပွဲခုံကို လက်ဖဝါးဖြင့် ရိုက်ချကာ ဒေါသတကြီးဆိုလာသော ပါးကို လွန်း ကြောက်နေမိသည် ။ ငယ်ငယ်လေးကတည်းက ဆိုဆုံးမခဲ့သော ပါးကို လွန်းအလွန် ချစ်ကြောက်ရိုသေသည် ။ ယခုတစ်ကြိမ်တွင် ထပ်မံကာ လိုက်နာစေရန် ပါးက တိုက်တွန်းနေပြန်သည် ။
စားပွဲပေါ် ရောက်လာသော စာရွက်များမှ နာမည်ကြီး တက္ကသိုလ်များ၏ အမည်များကို မြင်နေရသည် ။ Andrew Grace ဟူသော နာမည်ကို လည်းကောင်း နှိုင်းမခဟူသော အမည်ကိုလည်းကောင်း တစ်စွန်းတစ်စတွေ့နေရသေးသည် ။
" မင်း ရွေးချယ်ပါ ၊ နှိုင်းမခကို ရိုးရိုးဆရာဝန်တစ်ယောက်ရဲ့ ဘဝနဲ့ အဆုံးသတ်စေမလား ၊ ဒီ့ထက် မြင့်တဲ့ နေရာတစ်နေရာဆီကို ရောက်ဖို့ လက်လွှတ်ပေးမလားဆိုတာ "
အရာတောင် မယွင်းသော ကော်ဖီခွက် နှစ်ခွက်ကို စိုက်ကြည့်ကာ မျက်ရည်ကျမိပြန်သည် ။ ပျော်ရမည့်လမ်းကို ရွေးလျှင် နှိုင်းမခ၏ အရှိန်အဝါသည် ဤမျှဖြင့် ရပ်တန့်ကာ တဖြေးဖြေး မှေးမှိန်သွားပေလိမ့်မည် ။ လွန်း၏ ရွေးချယ်မှုဟာ လူနှစ်ယောက်၏ ဘဝကို ပြောင်းပြန်အချိုးကျစေလိမ့်မည် ။
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
