" လွန်းတောင် နိုးလာပြီ ။ ဒီနေ့ ဆေးရုံကို စဆင်းရမှာမလား သမီး ။ "
" ဟုတ် မေမေ ။ စိမ်းလဲ့တို့နဲ့ ဆေးရုံရှေ့မှာ တွေ့ဖို့ ပြောထားတယ် "
မေမေက လွန်းရဲ့ ရှေ့ကို မုန့်ဟင်းခါးထည့်ထားတဲ့ ပန်းကန်ကို ချပေးသည် ။
" မမရော "
" အိပ်တုန်းနေမှာပေါ့ ၊ ဒီနေ့ သူ အလုပ်နား__ "
" မေမေ ဘာစားစရာရှိလဲ ။ "
မေမေ့စကားပင် မဆုံးသေး ဝတီဟေမာန်က အိပ်ချင်မူးတူးဖြင့် ထမင်း စားပွဲပေါ် ရောက်လာသည် ။
" မုန့်ဟင်းခါး ချက်ထားတယ် ၊ မစားခင် ကြီးကြီးတို့ကို အရင် သွားပို့ဦး "
" သမီး သွားပို့လိုက်မယ် မေမေ "
" ခဏနေ သွားရတော့မှာဆို "
မေမေက ဟင်းရည်ချိုင့်ကို စားပွဲပေါ် တင်ပြီး မေးသည် ။
" ရတယ် ၊ အခုပို့ပြီး ပြန်လာမယ် "
စားလက်စ မုန့်ဟင်းခါး ပန်းကန်ကို ထားခဲ့ပြီး ချိုင့်ဆွဲကာ တစ်ဖက်အိမ်သို့ ကူးလာခဲ့သည် ။
" မားရေ ၊ ဒီမှာ မုန့်ဟင်းခါး လာပို့တာ ။ "
မီးဖိုချောင်သို့ ဝင်ပြီး ချိုင့်ကို စားပွဲပေါ် တင်ပေးလိုက်သည် ။
" အေး အေး ၊ လွန်းလေး ခဏနော် ။ မား ဘုရားသောက်တော်ရေ လဲဦးမယ် ။ "
အပေါ်ထပ်မှ လှမ်းပြောသော မား၏ အသံကို ကြားလိုက်သည် ။
ဧည့်ခန်းသို့ ထွက်လာခဲ့ပြီး ခုံတွင် ထိုင်နေလိုက်သည် ။ မျက်နှာချင်းဆိုင် နံရံပေါ်တွင် တစ်ယောက်သောသူ၏ ဘွဲ့ဓာတ်ပုံတစ်ပုံ ရှိနေသည် ။ အသေအချာကို မေးထောက်ပြီး ငေးနေလိုက်သည် ။
နည်းနည်းလေးတောင် ပြုံးမနေဘူး ။ ဘယ်လိုလေးလဲ မသိဘူး ။
" စောင့်ရတာ ကြာသွားလား သမီး ၊ မား သောက်တော်ရေ လဲနေတာ ။ "
" မကြာပါဘူး မားရဲ့ ၊ မီးဖိုထဲမှာ လွန်း ချိုင့်တင်ထားတယ် ။ ပါးရော အလုပ်သွားပြီလား "
" အစည်းအဝေးရှိလို့တဲ့ လွန်းရေ ၊ မနက်က အစောကြီး ထွက်သွားရော ။ သမီးလည်း ဒီနေ့ ဆေးရုံစဆင်းရမှာမလား ၊ အစစအရာရာ ဂရုစိုက်ပေါ့ လွန်းရယ် "
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
