" ဒါဆို ငါပြန်မယ်နော် Andy ... တစ်ခုခုဆို ဖုန်းလှမ်းဆက်လိုက် နော် ။ အိပ်ပေးချင်ပေမယ့် အဒေါ်တွေက ပြန်မှာမို့လို့ ညကားနဲ့ လိုက်တင်ပေးရမှာ "
" ရပါတယ် ၊ စိတ်ချပါ ။ ငါ ကလေးလေး မဟုတ်ပါဘူး နွေရဲ့ "
" ကလေးလေးဆိုရင် ရိုက်ပြီး ဆုံးမလိုက်ပြီ ' ညကြီးမိုးချုပ် အအေးပတ်အောင် ရေချိုးရလား ' ဆိုပြီးတော့ ။ အခုက လူကြီးလေး ဖြစ်နေလို့ ခက်နေတာ "
ကန္တာက နဖူးကို တစ်ချက်စမ်းကြည့်သည် ။
" ကိုယ်တော့ မပူတော့ပါဘူး ၊ စကားပြောလိုက်တော့ ချွေးထွက်သွားတာ နေမယ် ၊ ဆေးတော့ သောက်အိပ်နော် ။ ပိုးသတ်ဆေးက ပြတ်လို့ မရ ... "
" ငါ ဆရာဝန်ပါ နွေကန္တာဦးရယ် "
" ငါလည်း ဆရာဝန်ပါပဲ ၊ လျှာမရှည်ပါနဲ့ "
" စိတ်ချမယ်နော် Andy "
နွေကန္တာဦး ထွက်သွားတော့မှ တံခါးကို လော့ချကာ အိမ်ထဲ ပြန်ဝင်လာလိုက်သည် ။ လွတ်လပ်သွားပေမယ့် တစ်ပြိုင်နက်တည်းမှာပင် ထိုင်းမှိုင်းမှုကို ခံစားလိုက်ရသည် ။
" အစ်မ "
" အမေ့ ..."
အခန်းထဲမှ ခေါင်းပြူထွက်လာသော သူမကြောင့် ထိုင်နေရင်းနှင့် ထအော်မိသည် ။
" မပြန်သေးဘူးလား "
" ဘာလို့ ပြန်ရမှာလဲ ၊ အစ်မမှ နေမကောင်းသေးတာ "
" သက်သာတယ် ပြန်တော့ "
လွန်းက နှိုင်း၏ အနားသို့ ကပ်လာကာ နဖူးကို စမ်းသည် ။ ယနေ့ တစ်နေ့အတွင်းမှာပင် နှိုင်း၏ နဖူးသည် နွေကန္တာဦးနှင့် လွန်း၏ လက်ကို မပြတ်ရအောင်ပင် အလုပ်များစေခဲ့သည် ။
" ကိုယ်မပူတော့ဘူးပဲ ၊ ပန်းသီး မစားလိုက်ဘူးမလား ။ ဒေါက်တာ နွေကန္တာဦးရှေ့မှာမို့လို့ ဘာမှ မပြောတာ ၊ အစ်မက ဖျားရင် အသီးတွေ စားလို့မရတာ သိတယ်မဟုတ်လား "
" အင်း "
" လိမ္မာတယ် ၊ အစ်မ စားဖို့ ဆန်ပြုတ် ပြုတ်လိုက်ဦးမယ် "
" ခေါက်ဆွဲပြုတ် ... "
" ခေါက်ဆွဲပြုတ် စားချင်တယ် "
အစာစားရန် အဆင်မပြေသော နှိုင်း၏ လူနာတိုင်းအား ဆန်ပြုတ်ကို အစေ့ပျောက်အောင် ပြုတ်ပြီးသာ စားရန် ညွှန်ကြားခဲ့သည် ။ ယခုတော့ တစ်ရက်ပင် မပြည့်သေးပေမယ့် နှိုင်းကိုယ်တိုင်တောင် ထိုဆန်ပြုတ်ကို ထပ်မစားလိုတော့ချေ ။
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
