" အာ shit "
နွေကန္တာဦး၏ စောစောစီးစီး အဆဲစကားဖြင့် မနက်ခင်းကို စတင်ရသည် ။
" နွေ ဘာတွေ ဖြစ်နေတာတုန်း "
" ကြိုးပြတ်သွားလို့ဟေ့ ၊ ပြတ်သွားလို့ "
နှိုင်းမခက ကော်ဖီခွက်ကို ကိုင်ကာဖြင့် ကန္တာ့ နံဘေးသို့ ရောက်ရှိလာသည် ။
" ပေး ငါ ပြန်ချည်ပေးမယ် "
လွန်ခဲ့သော ဆယ်ရက်ခန့်က သူမချည်ပေးခဲ့သော အဖြူရောင်ကြိုးလေးမှာ ပြုတ်ထွက်သည်ပင် မမြည်နိုင်အောင် ပြတ်ကျသွားရသည် ။
" Andy "
" ဟေ "
" ဒီကြိုး ပြတ်သွားသလို နင်နဲ့ငါရော ... "
" အဟက် "
အသံထွက်အောင် ထရယ်သော နှိုင်းမခကြောင့် ပြောလက်စ စကားကိုပင် ကန္တာ့မှာ ဆက်မပြောနိုင်ရှာတော့ ။ နေသူရာသာ ရှိနေလျှင် လှောင်ရယ်မှာ အသေချာပင် ။ သို့သော် နိုက်ဂျူတီကျသော နှိုင်းမခမှလွဲ၍ မည်သူမျှ မရောက်သေးသော မနက် ၇နာရီ အချိန်ဖြစ်နေသည် ။
ကန္တာက ဘာလို့ ရောက်နေတာလဲဟု ဆိုပါလျှင် ညကတည်းက မပြန်ရသေးတာ ဖြစ်သည် ။ နေမကောင်းဖြစ်ပြီးသည့် နောက်ပိုင်းမှ စ၍ နှိုင်းမခကို မျက်စိအောက်ကပင် အပျောက် မခံချင်တော့ ။ သို့သော် ကိုယ်ပိုင်အချိန်ကို အလွန်သဘောကျတတ်သော နှိုင်းမခကြောင့် အချိန်ပြည့်တော့ ကပ်မနေနိုင်ရှာ ။
" နင့်ကို သေးသေးလေး ခေါက်သိမ်းထားလို့ ရရင် ကောင်းမယ် သိလား ၊ အိတ်ကပ်ထဲ ဟောသည်လို ခေါက်ထည့်ပြီး သွားလေရာ ခေါ်သွားလို့ရအောင် "
ကန္တာ၏ လက်ဟန် ခြေဟန် ဘာသာစကားကိုလည်း နှိုင်းမခက သဘောတကျ ရယ်ပါသည် ။ အသက်ရှူခြင်းဟူသော လုပ်ငန်းဆောင်တာကိုသာ လုပ်နေသော်လည်း နှိုင်းမခသည် အလွန်အမင်းကို လှပလွန်းနေသည် ။ ပြုံးရယ်လိုက်သော အခါများတွင်တော့ နေ့ခင်းဘက် မတွေ့နိုင်သော ကြယ်များကို နှိုင်းမခ၏ မျက်ဝန်းများတွင် ရှာတွေ့နိုင်သည် ။ ကော်ဖီခါးခါးတစ်ခွက်ကို ရှေ့ချထားလျှင်တောင် ထိုအပြုံးက သကြားထက်ပင် ချိုသွားစေသည် ။
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
