Dangerous Love [BoyxBoy]

Chapter 5

This is my second story. Hope you'll like it. Don't forget to Follow, Vote and Comment

For any comments, suggestions and corrections about the story I will appreciate it more.

________________________________________________________________________________

Unang araw ng klase ngayon. Hindi naman ganun kaaga ang schedule ng klase ko pero since first day ngayon at may orientation kaya umaga pa din ako ng gising.

"Kain ka na anak ng makapag intindi ka na sa pag pasok mo" utos sakin ni Mama at naupo kami sa mesa.

"Mag iingat ka sa pag pasok at pag uwi huh, lalo na at may pang gabi kang klase" paalala nito sakin. Actually mga isang daan na ata niya itong paalala sakin. Nang malaman niya kasi ang schedule ng klase ko na may pang gabi nag alala siya kasi nga baka may kung anong mangyari sakin.

"Opo Ma, mag iingat po ako lagi." Paniniguro ko naman sa kaniya.

Nagpatuloy na kami sa pagkain at patuloy din si Mama sa kaniyang mga pangaral at mga paalala. Matapos kumain ay dumiretso na ako sa kwarto para maligo at magbihis. Naplantsa ko na kagabi ang aking uniform. Meron kaming 3 sets of uniform. Tuwing Monday ay polo na may kulay green sa collar at sleeves. Pag Tuesday naman ay long sleeve na may blazer na green. Pag Wednesday at Friday free style at pag Thursday, College polo. Nakuha ko naman ang aking uniform nung nag enroll din ako kasi provided naman siya ng school.

Matapos ko maligo at mag toothbrush nag bihis na ako ng aking uniform. Humarap ako sa salamin at pinagmasdan ang aking sarili. Isang ngiti ang iginawad ko sa aking sarili dahil bagay na bagay sakin ang uniform. Sinuot ko na din ang black leather shoes na regalo sakin ni Mama.

Sunod ko namang inayos ang aking buhok at nilagyan ng wax ang aking buhok para hindi pakalat kalat. Sinuklay ko ito at medyo pinatayo na nakahawi papuntang kanan. Nang makontento ako, nagpabango naman ako. Hindi naman ganun katapang yung pabango na binili ko sapat lang na kapag may lumapit saakin saka lang nila maamoy.

Bumaba na ako sa sala dala ang aking sling bag. Dalawa lang naman kasi ang notebook ko. Yun kasi ang turo sakin ni Trev. Pagkakita sakin ni Mama napangiti siya sakin.

"Ang gwapo naman ng anak ko. Binatang binata na" masayang wika nito at lumapit sakin. Inayos niya ang aking uniporme at binigay ang aking I.D.

"Syempre Ma, sa inyo ako nagmana" nakangiti kong sagot sa kaniya.

"Oh sige na, baka malate ka pa. Ito nga pala ang baon mo. Baka kasi kung anu-ano lang ang pagkakainin mo dun" inabot niya sakin ang aking lunch box.

"Salamat Ma. Mag-iingat kayo dito, at huwag masyadong magpakapagod." Sambit ko sa kaniya sabay halik sa kaniyang cheeks.

"Sige anak, mag iingat ka. Lagi mo akong itext huh" paalala nito sakin.

"Opo Mama" paalam ko sa kaniya at tuluyan na akong lumabas ng bahay.

Hindi pa man ako nakakalayo sa bahay at nakita ko si Aleng Nena na bitbit ang mga pinamili para sa lulutuin nila ni Mama.

"Napaka gwapo mo talaga ijo. Mag iingat ka at mag aral ng mabuti" payo nito sakin.

"Salamat po Aleng Nena. Kayo na po ang bahala kay Mama." Wika ko sa kaniya.

"Wala kang dapat ipag alala, ako ang bahala sa Mama mo" nakangiti nitong sagot sakin. Napangiti din naman ako dahil alam kong hindi niya pababayaan si Mama.

"Salamat po ulit. Mauuna na po ako sa inyo" paalam ko sa kaniya. Tumango naman siya bilang pag sang ayon. Nagsimula na akong mag lakad hanggang sa highway. Nag hintay ako ng bus na may ruta na paapunta sa aking paaralan.