عندما يكون الرَجل حنوناً ، تتمنىٰ المَرأة لو أن لَها قَلبين لـ تعطيه أكثر مما كان يَتوقع.
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
علي : بعد اسبوعين لن جاي يحظر بالغرفه
بسمه : لو مخليها بعد لن بعدني منفوخه من الحمل
علي : تخبلين حبيبتي والله....... بسمه شوكت تروحين تشترين ملابس
بسمه : والله ما اعرف
علي :لعد اني اجيبلج من تركيا
بسمه : ليش انته شوكت تسافر
علي : بعد يومين
بسمه : وشكد اتضل بتركيا
علي : شغلة اسبوع او 10 ايام ما اعرف كم يوم ويخلص شغلي ........ بسمه ليش ما انروح انسافر سوه
بسمه : لا علي ما اكدر وسراج بعده صغير من يكبر انسافر سوه ان شاءالله
علي : عبالي هم اطلعين تغيرين جوء وهم تختارين ملابس...... لعد اني اشتري على ذوقي
بسمه : لا علي فدوه خاف تجيب كولش قصير او دلع
علي : لا حبيبتي شلون اجيبلج قصير او دلع اني اخاف عليج من روحي مو اخلي عيون الناس تشوفج
بسمه : شكراً على خوفك عليه.......... هاي الجمله طلعت من نص گلبي لن صدوك احس علي يخاف عليه
علي : اكولج انتي خايفه تره بس بنات واحنه ما نخلي غريب يدخل
بسمه : وسلام ميقبل فدوه علي هوه اني اروح بملابس عاديه وهوه يضل يحجي
علي : بسمه اني مسؤول عنج محد اله الحق يدخل لا سلام ولا غيره
بسمه : فدوه علي مو بالعرس ويصير اصياح ومشاكل من ورايه اذا تصير حته روحه ما اروح من يخلص العرس اروح ابارك لحسن
علي : لا حبيبتي تروحين وياي لعد تريدين تعوفين زوجج الوسيم بنص البنات
بسمه : هسه زوجي عساس راح يركضن وراه البنات بس انته بالعرس وثانياً كلها تعرف بيك متزوج بعد شيسون بيك
علي : لا اكو يركضن ورايه حته اذا متزوج
بسمه : الضاهر تعرفهم
علي : هسه اله اعرفهن
بسمه : علي ما انصحك بهذا الاسلوب لن ما اغار اني
علي : انشوف بله
بسمه : خلص اليوم عادي وثاني يوم رحنه للزيارة الحمدلله جانت زيارة كولش حلوه وجنت محتاجه ازور لن نفسيتي تعبانه كملنا زياره وراها رحنه للمول شتريت ملابس للبيت وكم شغله بس شنو سراج تعبني هوايه يبجي رجعنا للبيت تعشينه وعزلت الغراض الي شتريتهن وثاني يوم حضرت جنطة السفر........ بس احس ضايجه لن علي راح يسافر ما اعرف ليش.........كملت كل شغل البيت بيومها علي ما اجه حتى على الغده......اتاخرت الساعه بــ 11 بليل دخل علي للبيت
علي : هااا حبيبتي شلونج
بسمه : هلو بيك الحمدلله زينه وانته
علي : الحمدلله زين............اعرف بيج ضايجه مني لن تاخرت اليوم بس والله عندي شغل هسه كملت وجيت
بسمه : لا علي ما ضايجه منك عادي غير عندك شغل...... بس بداخلي صدك ضايجه منه لن تاخر وهوه ثاني يوم يسافر الضهر
علي : بسمه اكولج سراج بس لا نايم
بسمه : اي قبل شويه نومته........ اسويلك اكل
علي: لا حياتي متعشي بس تعالي يمي مشتاقلج تره خاصه هاي الفتره من الحمل ونوب استاذ سراج ليل كله يبجي
بسمه : خجلت منه شلون يحجي وياي عزا
علي : شوكت يخلص هذا الخجل رحمه لربج
بسمه : لا ما خجلانه
علي : اي ابد ما خجلانه بس الخدود صارن طماطه
بسمه : هذا اليوم ما ناوي يعدها سلامات. ......... ثاني يوم كعدت من وكت حضرت جنطتي لن علي كال ما اعوفج ابوحدج بالبيت روحي يم اهلج
علي: صباح الحب حبيبتي
بسمه: صباح النور يله تعال اتريك
علي : ليش كاعده من وكت
بسمه : نظفت البيت خاف اروح ولميت جنطتي وملابس سراج
علي : لعد تعالي اكعدي يمي اريد اشبع منج خاف اتاخر بتركيا
بسمه : حابه اسلوب علي وياي هاي الفتره بس مشكلتي بعدني اخجل منه ...... ضلينا نسولف صارت 9 ونص كملت كولشي وعلي حظر السياره طلعت قفلت البيت وصلنا لـــ بيت اهلي
علي : يله حبيبي وصلنا ديري بالج على نفسج وعلى سراج
بسمه : ان شاءالله وانته هم
علي : بسمه حبي
بسمه : هااا علي
علي : بسمه اني احبج مووت
بسمه : انصدمت من كالها علي...... خجلت بعد ما رفعت عيني انوب اخذ ايدي وباسها
علي : يله حبيبي انزلي اعرف بيج راح تموتين من الخجل فدوه اروح بس للخجل مالتج
بسمه : توصل بالسلامه ان شاءالله
علي : شوكت تكولينها بس كوليلي راح اموت واني ما سامعها منج
بسمه : لا علي اسم الله عليك
علي :لعد هيج تحبيني
بسمه : ضليت ساكته انوب فتحت باب السياره ونزلت..... توصل بالسلامه ان شاءالله ومن توصل خابرني
علي : اوكي حبيبتي..... سلميلي على اهلج
بسمه : يوصل ان شاءالله.............. راح علي واني دخلت لبيت اهلي لكيت بس ماما وبابا كاعدين
ام رائد : هلو ماما هسه نور البيت شلونه سراج
ابو رائد : بابا بسمه لعد وين علي وليش هيج جايبه جنطة وياج صاير شي بينج وبين زوجج
بسمه : على كيفكم وياي بس خليني اكعد ماما هذا سراج اخذي الج النوم ما شايفته من وراه...... وعلي راح هسه للمطار عنده سفره لتركيا وكالي اسلم عليكم
ابو رائد : وعليكم السلام ان شاءالله يروح ويرجع بالسلامه
بسمه : ان شاءالله
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
