تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
في مثل هذا اليوم أصبت بفاجعة رحيلك من هذه الدنيا، في مثل هذا اليوم بكيت حد الانكسار.. غمرني الحزن ولا زال قلبي يتألم من فراقك ، مرت سنه على تاريخ وفاتك، مضت الدنيا وكأني افتقدتك بالامس ولا زال خبر وفاتك عالق في مسمعي، ولا زال قلبي مكسور بفقدك يا حبيبي 💔.. رحل ليعيش تحت الأرض بسلام تام ، رحل وترك خلفه غصة ومرارة ومكان يعجز الجميع عن ملئه، فقدُك موجع وفراغ غيابك موحشّ ولرحيلك حزن مختلف. ___________________________ •◌•◌•◌•◌•◌•◌•◌•★•◌•◌•◌•◌•◌•◌•◌• الكاتبة فاطمه علي🦋🦋 •◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : رحنه للنجف وصلنا المقبره....... وصار سنه على فرگاكم تعبت بعدكم يا روحي انتم عفتوني بدون روح من رحتو كعدت يمهم ضليت ابجي وابجي بس ما تفيد دموعي ما ترجعهم رجعنا زرنه امير المؤمنين كاعدين بالصحن واجه سلام سلام :كومي عندي حجي وياج بسمه : ما بيناتنا اي كلام سلام : كتلج كومي بسمه : عندك شي احجي هنا....... شفته صار عصبي خالتي كالت يمه شوفي بروح علي بسمه : كمت تفضل شتريد سلام : البارحه الحجي الي صار بينج وبين زينب تنسي بسمه : انته ما تفرض عليه وشغله ثانيه سلام شنو الي براسك سلام : كل خير بسمه : انته ما يجي من وراك خير...... بس اريد اكولك شايف هذا امير المؤمنين وحق امير المؤمنين تحلم تلزم شعره مني لو اعرف انتحر وما اخليك تصيرلي رجال سلام : انشوف يا بسمه اني لو انتي بسمه : انشوف واني بت ابويه بسمه : رجعنا كل واحد راح للبيته فد يوم جنت راجعه اني ورسل من الدكتوره جان يجي سلام بسياره عاليه طبك علينا سلام : هااا حبابه شنو كلتي على موضوعنه بسمه : انته ما عندك كرامه يا اخي كتلك ما اريدك ما اريدك الله ياخذك ويخلصني منك رسل : كافي بسمه لا تعبين نفسج..... باوعلي عوف بسمه تره والله اكول لاخوانها عليك ويسحلونك سحل سلام : انتي مو وياج الحجي بسمه راح اودي خطابه الكم اليوم بسمه : من هسه اكولك لا تودي نفس جوابي رسل : امشي بسمه هذا الحجي ضايع وياه بسمه : رجعنا للبيت وللمغرب اجتي مشيت زلم .........خواني تخبلو صارت مشاكل وصياح علكت بين رائد وسلام وره نص ساعه طلعوا بصياح وهذا سلام يتوعد لــ رائد بسمه : يا ربي ليش خليتني ما موتتني ويه علي جبت المشاكل لاهلي والقهر ابو رائد : بابا بسمه لا تكولين هيج انتي معليج هذا يرادله واحد يوكفه عد حده بسمه : ضليت 3 ايام اني نفسيتي رجعت للصفر من وره سلام كلش كرهته من يطلعون اخواني كلش اخاف عليهم من سلام فد يوم جنت كاعده العصر بالحديقة اجه بابا ابو رائد : بابا بسمه ليش هيج متعبه نفسج والله يا بنتي من اشوفج هيج اتعب بسمه : تعبانه يا بابا حيل ابو رائد : بابا بسمه ليش ما تروحين لــ بيت عمتج بسمه : بابا اني ما رايحتلهم صار هوايه ابو رائد : هيه خطيه من سمعت بيج تعبانه كالت خلي تجي يمي تكعد البيت فارغ....... بابا منو يمها بس بتها وزوجها ابن عمج يعني مراح تحسين روحج غريبه وهم غيري جوء........ هاااا شدكولين بسمه : بكيفك بابا ابو رائد : باجر نروح للبصره اني اعرف راح تتونسين وياهم حتى تخلصين من هذا سلام بسمه : تمام يمكن صدوك محتاجه اطلع واغير مكاني صح راح اشتاق لاهلي بس خلي ابتعد شويه عن بغداد بليل حظرت جنطتي واخذت صور جهالي و علي وكلشي احتاجه نمت وكعدت بــ 5 كمت صليت وسويت ريوك وكعدت بابا و بسام تريكنا ودعت اخواني وماما ورسل مصطفى حبيبي نايم طلعنا بــ 6 ونص الطريق كلش طويل بابا خطيه تعب بسام : يا بابا مو كتلك تتعب ابو رائد : ما تعبان كلشي مابيه شوفني بعدني شباب بسمه : شيخ الشباب ابويه بسام : شوف الحجي الحلو بس لابويه واحنه شنو هنا بسمه : انته هم حلو بس مو بجمال ابويه ابو رائد : يا بابا وين الجمال احنه كبرنا الخير والبركه بيكم بسام : لا بويه انته خيمتنه وبركتنه بسمه : ضلينا سوالف وضحك ابويه يسولف علي ايام زمان...............وصلنا بــ2 الظهر.....البصره حلوه ♥♥ رحنه لــ بيت عمتي ابو رائد : السلام عليكم ........... شلونج خيتي شخبارج..........البنات شلونهم ام مصطفى : هلا خويه الحمدلله بسمه وبسام: شلونج عمه ام مصطفى : هلا بيكم عمه الحمدلله بخير مروه : عاش من شافج بسمه بسمه : هلو بيج مروه انتي العايشه حازم : اي خالي شلونكم بغداد شلونها ابو رائد : الحمدلله بخير بغداد بسمه : رحت ويه مروه عمه مجهزتلي غرفه الي بوحدي خليت كل اغراضي تغدينه ردت انام بس استحيت لليل ضلينا كاعدين سالفه تجر سالفه ما حسينه غير بــ 11 كلها راحت لاغرفها ابويه وبسام بالاستقبال وعمتي بغرفتها واني بغرفتي واكو بعد غرفتين فارغه بيت حازم ماخذين الطابق الثاني كله الهم ثاني يوم من التعب ما حسيت غير بسام يكعدني بسام : يله بسومه احنه رايحين وهذا مصرف الج بسمه : بسام عندي ما اريد رائد قبل لا اطلع انطاني 100 الف قابل شسوي بيهن طلعت ودعتهم وبابا هم انطاني 100 الف وبسام 50 صارت 250 الف واني متاكده ما اصرفهن كلهن لن قابل وين اروح ام مصطفى : ابو رائد.......... ميصير والله عيب تنطيها فلوس هيه غير يم عمتها شنو تحتاج عيوني الها بسمه : سالمه عيونج عمه رجعوا لــ بغداد واني ضليت بوحدي اول ما طلعو خنكتني العبره عبالك ضايعه منهم ضليت يم عمتي شهرين كل يوم اخابر اهلي وعمتي ابد ما مقصره وياي من تصعد مروه نكعد اني وياها نتفرج تلفزيون هيه متابعه مسلسلات وتسولفلي لو اطلع مسرحيه لو نكعد بالحديقة وتسولفلي على ايام شبابها حازم ابد ما مقصر وياي كل يوم يجيبلي وياه علاكة حلويات لو من يجي ينطيني فلوس اكوله عندي يكولي تره ازعل كلهم زينين وياي خاصه عمتي كلش تحبني وتصيحلي ماما بسمه
بيتهم كلش جبير يعني الحديقه صايره داير ماداير البيت
فد يوم الصبح خلصت كل شغلي بيومها مروه ما نزلت من وكت يمكن بعدهي نايمه وعمتي راحت للسوك اني كاعده على كرسي بالحديقة انفتحت الباب اني عبالي حازم لن هوه طلع من وكت اليوم جان تدخل طفله صغيره تجي بعمر سراج او اصغر يعني هيج عمر الطفله : هلو اني بتمه( بسمه)انتي منو بسمه : هلو حبيبتي انتي منين اجيتي خاف ضايعه من اهلج تعالي بله خل اشوف........ بس وكفت دخلت بنيه شابه حلوه و مرتبه ملاك :السلام عليكم بسمه : وعليكم السلام.......... انصدمت دخل مصطفى مصطفى : 😳😳😳 ....... شلونج بسمه بسمه : هسه عرفت ليش حازم طلع من وقت راح للمطار يجيب مصطفى ............ هلو مصطفى الحمدلله انته شلونك مصطفى : الحمدلله.......... اعرفج هاي ملاك زوجتي بسمه : اتشرف بيج الحمدلله على سلامتكم تفضلو حازم : هااا شلونها المفاجأة بسمه : غير تكول هسه عمتي بالسوك و مروه نايمه حازم : عمتي هسه تجي و مروه اكعدها بسمه : احجي واتصرف بس بغير عقل بعدني بالصدمه قدمت مي وعصير وكعدت يمهم مصطفى كبران اخير مره شفته بالمستشفى صح شفته بالكاميرا بس مو مثل الواقع الطفله : بابا هاي ماخذه اسمي مصطفى : لا بابا ما ماخذه اسمج بسمه : زين انتي ضايجه لن اسمي مثل اسمج الطفلة : اي ثايجه لان بابا يتول بس بتمه وحده بتلبي بسمه : زين اذا صرنا صديقات العادي اخذ اسمج الطفله : اي احنه ثديقات بسمه : اباوع على مصطفى صافن ملاك : فدوه بس وين الحمام بسمه : اي تفضلي منا وصلت البنيه وسمعت صوت شي نكسر رحت شفت بسمه الصغيره كاسره كلاص بسمه : ديري بالج لا تتعورين.......... مصطفى كوم شيل بسمه بسمه : لميت الكزاز وجان تنزل مروه هيه واطفالها شبكت مصطفى وضلت تبجي خطيه اخوها وره نص ساعه اجتي عمتي وهنا بده البجي والعتاب وهاي بتهم بس شافت جهال بدت تلعب وتصعد وتنزل خطيه فرحانه اباوع عليها واتخيل سراج
___________________________________💜🦋 لا تنسون التصويت والتعليق فراشاتي الحلوين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
