نظرت إليك بملايين الطُرق ، أحببتك في كل منها ♥
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : بس اني................
علي : ليش سكتي انتي شنو
بسمه :علي ما اريد احد يتقرب عليك
علي : ليش
بسمه : علي اني احبك
علي :😳 بسمه عيديها ولج شكلتي يا روحي علي يا گلب علي...... وهوه يحضن بسمه
بسمه : اي علي اني احبك وما اريد احد بحياتك بس اني
علي : واني احبج واموت عليج وعمري وحياتي بس الج يا روحي
بسمه : ما اعرف شلون طلعت مني اول مره اكولها حتى مصطفى ما كلتها اله صح حبيته بس ما حجيتها
ضلينه واكفيم بالغرفه بس اول مره احس روحي مرتاحه هيج علي يستحق كولشي حلو
........................... اندك الباب..........................
زينب : علي سلام يريدك
علي : اي زينب جاي............ ولو ما يهون عليه اعوفج بس راجعلج بس انخلص شغل وعندي وياج احساب طويل
بسمه : طلع علي اني دخلت للحمام غسلت وجهي بس بعدني مصدومه من نفسي بس نفس الوقت مرتاحه انو طلعت مني حجيتها ارتاحيت .... رتبت وجهي وطلعت كالو راح تجي ام الصالون كلها تريد اول وحده جان يدخل سلام
سلام : ولجن شنو هل صوت
زينب : ماكو شي عيني هاي هوسة نسوان
سلام : شلونج ام سراج شخبارج
بسمه : صفنت على سلام مثل الخبله....... هااا هلو الحمدلله انته شلونك........... معقوله هذا سلام
ساره : شبيج تحجين هيج شكد بارده
سلام : لا ساره ما اسمحلج هاي ام سراج
بسمه : اتمنى احد يصحيني هذا سلام ونوب يدافع الي
علي : يله افرشن السفره راح اندخل الاكل
بسمه : اوكي عيني فد لحظه وتكون مفروشه
علي : وهوه يشاور بسمه فدوه لعينج
بسمه : 🥰 ......... جاي اخلي الاكل اني وزهراء وزينب دخلن نسوان بيت عمامهم وعماتهم وقبلهم بشويه اجتي هوايه ناس كرايبهم يعني البيت عباره عن ناس
بعدنه ما مكملين دخلت ام الصالون كلها راحت ضليت اني وزهراء وزينب بالمطبخ كلها بالغرفه الفوك وام الصالون جايبه وياها ثنين بنات بس هيه حسابها بس علينه احنه الجناين واخوت علي اما البقايه هنه يدفعن حسابهن ضلينه نرتب بالبيت وغسلنه المواعين بالمطبخ قبل ما يكملون اكل حته ما تصير هوسه وكل اشويه وحده تنزل مخليات مكياج كله حته ملامحهن مختفيه
علي : هااا حبيبتي ما خلصتي
بسمه : لا علي بعدني
علي : اتغديتي
بسمه : لا بعدني
علي : لعد اسبقيني للغرفه وراح اجيب غده حته ناكل سوه اني هم ما متغدي
بسمه : اخذت خبز و ببسي ورحت للغرفه جان يدخل علي بيده ماعون جبير لحم وتمن.... اني احب اكل العراس......... اكلت لمن مليت بس بنفس الوقت متعجبه ليش هيج شهيتي مفتوحه
علي : شبيج عمري راح تغصين
بسمه : علي كولش جوعانه
علي : اول مره اشوفج هيج جوعانه انتي اكلج كولش قليل. ............. هااااااااا شخبار ام الصالون
بسمه : خطيه حته ما تغدت مباشرتاً صعدت تشتغل كلت من يكملن اخليلها هيه والبنات الي وياها اكل
علي : اكولج قبل ما تطلعين حظريلي قاطي واغراضي لن مو هنا ابدل عند الحلاق اني وحسن
بسمه : اوكي طلعت لكيت زينب و زهراء جاي يتغدن بس شنو الصاله وغرفة خالتي والاستقبال عباره عن ناس وهوسه خليت الاكل على الكاونتر ورجعت غسلت ونوب دخلت حظرت اغراض علي............ طلعت ويه البنات اني نضفت الصاله ونوب رحت للمطبخ اغسل المواعين وزهراء تنظيف المطبخ وزينب راحت تكنس البيت لن كولش صار هوسه كملنه كولشي اني جاي اسبح كالو منو تريد ام الصالون تعدل وجها لن كملت ام الصالون البنات كلهن......صعدت وديت غده الهم لن خطيه شنو ذنبهن..... اجتي زينب وزهراء يريدن ام الصالون تخليلهن مكياج
بسمه : اوكي بنات اني راح انزل اسبح
زهراء وزينب : لعد لمن يكملون اكل.......احنه هم نلبس جهالنه ونسبح ونرجع
ام الصالون : اذا بيها مجال ننزل جوه لن هنا الجو بي حرارة
بسمه : اوكي عيني تفضلو بغرفتي
ام الصالون : انكمل اكل وننزل
بسمه : نزلت جاي ادخل اسبح اجه علي جان مستعجل سبح واخذ اغراضه وطلع.......دخلت اسبحت وطلعت جاي امشط ودكت زهراء الباب
بسمه : تفضلي
زهراء: ام الصالون راح تنزل
بسمه : اوكي خل تنزل ماعندي شي ...... نزلت ام الصالون وبدت بــ زهراء ونوب زينب
ام الصالون : هسه انتي يا حلوه شلون تريدين مكياجج
بسمه : ما اريد كولش هوايه اريده بسيط ونازك
ام الصالون : هااا عبالي هم مثلهم لن اني ردت اكولج حرامات ملامحج حلوه ميحتاجلها هوايه مكياج..... يله اكعدي ومعليج
بسمه : تذكرت من جنت بالصالون بعرسي هسه شعوري احلى من العرس
ام الصالون: شنو لون فستانج
بسمه :فضي لونه
ام الصالون : اوكي
بسمه : اسمع هوستهم والاغاني شكد حلوه اجواء العرس ..... اقل من ساعه كالت يله كومي كملت...... اباوع بالمرايه شكد حلوه طلعت..... شكرت ام الصالون على شغلها الحلو ونوب ضليت ابوحدي بالغرفه.... خابرني علي
علي : هااا حبيبتي كملتي
بسمه : اي علي كملت
علي :لعد خضري نفسج راح نرجع اني وحسن حته نروح نحني البنيه ....
بسمه : لبست فستاني وخليت عطري المفضل ورتبت نفسي وكعدت اخذ صور .............دخل علي
علي : ولج شنو هاي شطالعه اليوم ما شاءالله
بسمه : علي جان بقمة اناقته يخبل...... انته هم طالع كولش حلو
علي : شلون راح اطلعين هيج وهاي الشباب تشوفج كوليلي
بسمه : راح البس شال واذا تحب البس صايه
علي : اي والله تريحين گلبي اذا لبستي صايه ولو اني لو بيدي هسه اخذج ووديج للبيت ما اريد احد يشوفج
بسمه..............
👇👇هاي صور مشابهة لــ فستان بسمه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🤍🤍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🤍🤍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
الحياة على قيد الامل
Chick-Litتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
