........................
الحلم كبرن جناحه الجنت اشوفك بيه
الخذك ما كفه طولك خذا الحلم وياك ...
الخذاك من كلب جرا اثنعش شريان اثنعش معصوم جر من كلبي من جراك ............💔💔
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
.............
بسمه :ما جنت مصدكه مصطفى مقابيلي
بسمه : هذا انت مصطفى ليش رحت ما توقعت تستسلم بسهوله
مصطفى : شلونج بت خالي شلونج يا بت گلبي
بسمه : الحمدلله زينه اني.............الحمدلله على سلامتك
مصطفى : الله يسلمج شكد مشتاقلج ومشتاق لهذا الوجه
بسمه : من كال مشتاقلج تمنيت ابجي انوب يلزم بخدي
مصطفى : بسمه ليش هيج تعبانه
بسمه : نسيت الدنيا والعالم ونسيت اني متزوجه من كال هيج راسن وخرت ايده مني
بسمه : لا ماكو شي عادي
مصطفى : شوفي رجعنه لهذا المكان نفس المكان الي بي فترگنه
بسمه : بس انته ليش رحت سافرت
مصطفى : وره الي صار انتي ما عفتيلي اي حل سافرت ابدي حياتي هناك بس جنت بكلشي اشوفج ويايه ابد ما غبتي عن بالي ولا لحظه شلونج بحياتج الجديدة
بسمه : دنكت راسي الحمدلله زينه
بهل لحظه سمعت بسام يصيح فرحان فاز على رافد
مصطفى : هاي بعدهم على نفس الخبال
مصطفى : ولك بسام الضاهر انته محد ساحلك بالبلي وهل تصيح
بسمه : من دخل مصطفى على رافد وبسام صار بجي وضحك واحد يضرب الثاني انوب على الصياح كعدو بابا وماما ورسل ورائد
رائد حظن مصطفى وصار يبجي اني من شفته بعد لازم ابجي لن من شفت مصطفى لهاي الحظه اني حابسه دموعي بعد لازم ينزلن
كعدو صار بابا يساله شنو سويت وشنو هناك شغله انوب عرف رائد سمه ابنه على اسم مصطفى وضل يتشاقه ويه رائد وميصير غير تاخذ رائي شنو بكيفك تاخذ اسمي وره ساعه اندك الباب
رافد : بنات اجه علي
بسمه : اباوع على مصطفى صافن بوجهنا بنضراته يسال منو علي
علي: السلام عليكم
الجميع: وعليكم السلام
ابو رائد : عمو علي اقدملك مصطفى ابن اختي
ابو رائد : خالو مصطفى اقدملك علي زوج بسمه
علي : تشرفت بمعرفتك
مصطفى : يحاول يكون طبيعي اهلاً وسهلاً الي الشرف
بسمه : ما جنت مستعده لهذا الموقف اباوع لمصطفى صار اعصاب بس يحاول ما يبين علي
علي : بسمه فدوه روحي سويلي چاي راسي يوجعني
بسمه : حاضر هسه اسوي
مصطفى : جنت كاعد على اعصابي زين هذا ميشوفها هيه تعبانه
بسمه : حضرت الجاي وصبيت على العدد ورحت انطيتهم واحد واحد من وصلت لمصطفى يحجي على كيفه
مصطفى :ليش تعبتي نفسج يطبه مرض واذا ما شرب چاي
بسمه : بس اباوع بعيوني ما اكدر اجاوب
رافد: علي ومصطفى ما تلعبون ويانه
مصطفى :لا راسي يوجعني
علي : اني اللعب بس اخلص استكان الچاي
علي : اكولك مصطفى انته البارحه مو جنت بالمطعم اخذت لفات وطلعت حته جنت تخابر
مصطفى : اي صح انته شمدريك
علي : مو اني البارحه جنت يمك جاي اخذ اكل بس ضليت انته ابالي لن انتبهت عليك تحجي انكليزي ومن شفتك تذكرت البارحه اني شايفك
مو بس اني هوايه ولد انتبهو عليك شلون تسولف عادي بالانكليزي
مصطفى : اي جان موبايل من الشغل بالنمسا
بسمه : ضليت صافنه يعني صحيح الي شفته البارحه جان مصطفى جان گلبي حاس هوه
علي : صدوك اني ما شفتك بعرسنه شنو ما جنت حاضر
مصطفى : بله هذا شجاوبه ....... مو جنت مسافر
علي : حرامات لو موجود العرس جان يجنن الحمدلله الله رزقني بسومه
مصطفى : كاعد بصفها ويتغزل بيها كدامي احس الدم صعد براسي اريد اكوم افلش سنونه واخذ بسمه وروح لغير دنيا بس بعد غلطت من ذيج السنين بعد ما يتصلح الي سويته لو مخليها تدرس هيه سنتين بس اوووف بعد ما يتصلح شي
بسمه : علي يله انروح للبيت من كلت هيج انتبهت على مصطفى مثل الضاج بس لازم كل واحد من يمنه يتقبل امر الواقع
علي : بسمه شبيج بس اللعب كيم واحد
بسمه : علي بطني توجعني اريد اروح للبيت ارتاح
مصطفى وهوه يكوم يروح لبسمه : شبيها بطنج اخذج للمستشفى
علي : مابيها لا تعب نفسك جاي تدلل
مصطفى بصوت ناصي : لو ادفره جان ارتاحيت
بسمه تحجي بكلبها : اذا هيج اتحبني ليش فرطت بيه ليش كتلت كلشي حلو بيه
بسمه : لا مصطفى مابيه شي زينه هسه ارتاح
مصطفى : اباوع على بسمه تتوجع وجعت گلبي وياها ولكم يا ناس يا عالم هاي بت گلبي ما اكدر اشوف هذا حالها
مصطفى : بعد ما كدرت اتحمل بسمه تتوجع وهذا يلعب ولا هامه شي اصلاً كمت طلعت ادخن جكاره بالطرمه وكفت شويه شفتهم ملتهين كلت اصيح لبسمه بس اشلون هااا هسه لكيتها.... بسمه بسمه هاي انتي ناسيه الصونده مفتوحه بالحديقة
بسمه : عزا العزاني صدوك شلون نسيتها
بسمه : طلعت ما شفت اي صونده ماكدرت ارجع بعد لازم اوكف شويه عرفتها هاي حركه من مصطفى
مصطفى : شنو عجبج بهذا واخذتي هااا كوليلي من رفضتيني كلت راح تاخذ واحد بي ميزه ما موجودة عندي بس احجي بشنو احسن مني هااا بشنو
بسمه : اني اعترف كل صفات الي تعجبني بيك وعلي مابي شي احسن منك بس بشغله علي يحترمني من اكله على شغله ما تعجبني ميغصبني على شي هوه رايده
مصطفى : بشنو اني ما حترمتج
بسمه : كتلك مصطفى دراستي اني احبها بس اكمل السادس نتزوج انته شنو سويت دمرت كولشي لا حصلنه شي من علاقتنه بس القهر والفراك وكلمن راح بطريق ولا كدرت احافظ على دراستي بسبب شنو بسبب انانيتك
مصطفى : يعني لفهمه منج انتي تحبيني
بسمه : وشنو الفايده اذا احبك او لا مصطفى اصحى احنه مو لبعض خلصة قصتنه وانتهاء كولشي من زمان من عفت كولشي وراك ورحت من ما كدرت تصبر سنتين عليه من فكرت بس بروحك مصطفى بس اريد اكولك كولشي صار وياي وراح يصير بذمتك انته
انته سبب تعاستي لا خارج العراق مرتاحه منك ولا من رجعت اطلع من حياتي ومن گلبي وعقلي ابوس ايدك مصطفى حبي الك جان غلطة حياتي
مصطفى : يروحلج مصطفى سبع فداوت كافي عيونج تعبن لا تبجين الله ياخذني شمسوي بيج
بسمه : لا اسم الله عليك لا تدعي
مصطفى : فدوه اروحلج تخافين عليه بت كلبي
بسمه :حسيت بوجع مو طبيعي ابطني
بسمه: مصطفى صيح علي جاي اتوجع
مصطفى : شبيج بسمه اخذج للمستشفى
بسمه : لا مصطفى صيح علي خل يجيني بطني تگطع بيه
مصطفى ما كدرت اصيح علي كولش كارهه
مصطفى : رسل......عمه تعالو بسمه ما اعرف شبيها
علي بركض : شبيها
بسمه : علي بطني توجعني .........
....................
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
