تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
بسمه : ضلينا ننتظر يصيحون اسمي او يجي المحامي ماكو وره ساعه طلع المحامي المحامي : رائد طالع شويه وراجع بسمه : راح المحامي خارج المحكمه وهم ضلينا ننتظر وماكو بسام : رائد روح شوف وينه رائد : يله رايح بس ضل يم بسمه بسام : يمها اني بسمه : راح رائد يدور على المحامي شويه ورجع رائد : ماكو دورت الشارع كله ماكو وين اختفى ما اعرف خلي اتصل علي احسن اشوفه وين راح........................ الووووووو ........ شنو....... انته صدك تحجي............. لا لا هاي مو طلعه تطلعها ويانه. ......... اي ميخالف تكلي مو تعوفنه واكفين ننتظرك بهل شمس.................. هاي هيه..... مع السلامه رافد : شكو رائد وين راح المحامي رائد : والله ما اعرف شكول........... هذا من داخل وياهم مهددينه يترك القضيه بسام : وهسه شلون بسمه : رب العالمين موجود لا تخافون........ وره ربع ساعه صاحو اسمي كمت دخلت للقاضي ضل يسالني عن يوم الحادث واني اجاوب بس الخوف اكلني........ طلعت وجان اشوف سلام انرعبت اكثر بسام : هااا بسمه بشري بسمه : ما اعرف شي القاضي ضل يسالني وراها كال تفضلي رافد : تعالي اكعدي رائد راح يشوف محامي بسام روح جيب شي لبسمه تاكله وجيب وياك عصير وبطل مي لن عطشت بسمه : ضليت كاعده وصفنت اباوع على الناس شفت شخص بعيد واكف مثل هيئة وجسم وطول علي ضليت اباوع علي واكول بلكي رجع رافد : بسومه ضلي هنا گاعده اني راح استنسخ هاي الوراق بسمه : روح رافد لا تخاف وين اروح قابل ......... راح رافد وره شويه جان اشوف سلام هوه نفسه الشخص الي جنت صافنه بي....... بده يتقدم بتجاهي..... اني خفت منه بس سويت نفسي ما مهتمه سلام : شلونج بسمه بسمه : هم الك عين وتسالني سلام انته ليش هيج والله حرام عليك تأذيني سلام : لا حرام عليج انتي اني اجيتج مثل الاوادم وردت نتزوج بس انتي معانده بسمه : ردت نتزوج لو حته تاخذ فلوس علي سلام : ثنينهن بسمه : ولك تحلم تلزم فلس احمر من فلوس علي سلام : بعصبيه...... لعد بعد لا تلوميني شنو اسوي بيج بسمه : من صيح عليه سلام كمزت وكمت وكفت....... الي يطلع بيدك سوي سلام : شكد كرهتج يا بسمه وراح اراويج وجه سلام الجديد بسمه : مو شي جديد عليك انته نذل...... بس كلت هيج اجه يتهجم عليه خليت ايدي على وجهي..... جان يسحب ايدي بكل قوته سلام : شايفه لو مو مكان عام جان كسرت سنونج بحلكج بسمه : بديت ابجي وكولش خفت منه ردت اوخر ايدي منه ما اكدر هوه قوي...... ما احس اله ولد ضخم اجه جر ايدي من يمه وخلاني وره ضهر........ كل ضني علي لزمت قميصه حيل......... فدوه علي خلصني من سلام سلام : انته منو سمحلك تدخل المجهول : من اشوف شي خطا ما انتظر احد يسمحلي حته ادخل بسمه : اني بضهر هذا الولد ومجلبه بقميصه وابجي ما حسيت غير بسام يمي بسام : شبيج بسمه........... هاي شكو هنا..... سلام انته شجابك يم اختي سلام : ردت انطيها فرصه اخيره تفكر قبل المحكمه بسام : تعال اني اعلمك الفرصه الاخيره بسمه : تعاركو بسام وسلام صارت بوكسيات اجه الامن مال محكمه ولتمت الناس كلها عليهم ....... اخذو بسام وسلام بره المحكمه من نص هاي الناس شفت رافد خطيه ضل حاير يروح وره بسام لو يبقه يمي............ رافد روح لــ بسام اني هنا محد يمي......... ضليت شويه اكعد وشويه اوكف اريد واحد من اخوتي ماكو وره نص ساعه دخل سلام يعدل بملابسه وشعره جان يخزرني ويأشرلي بيده عود اصبريلي اوانتظري...... انتبهت نفسه الولد بعده موجود كاعد بعد من يمي بمتر.... خليت وكمت وكفت بعيد اجه عليه محامي سلام المحامي : السلام عليكم بسمه : وعليكم السلام المحامي : اخت بسمه اني اكول لو تتنازلين لــ سلام عن الاملاك مو احسن بسمه : لا مو احسن المحامي : اني اجيت انصحج تره القضيه منتهيه بصالح سلام هاي الي جاي انسوي كله شكليات لن احنه بزمن الواسطات كولشي يصير بسمه : من حجه هيج اني احس مثل الصاعقة ونزلت على راسي معقوله انسجن سلام : هااا بسمه شنو كلتي بسمه : ردت اتنازل بس سمعت صوت علي بأذني يكولي بسمه خليج قويه ................... اعلى ما بخيالك اركبه ما يهمني شي سلام : راح اندمج افتهمتي لو لا بسمه : سلام يحجي وياي وصاك على سنونه وجهه بوجهي........ نزلت دموعي لن ضليت وحدي اخواني راحو وعلي بس صوته اسمعه احس روحه يمي بس ماكو اريده يطلع يشوف شجاي يصير وياي المجهول : انته ليش مو محترم جاي تصيح على ابنيه هيه هاي رجولتك سلام : وانته شكو تدخل المجهول : اني المحامي مالتها بسمه : نفس وكفتي ودموعي تنزل وسلام يصيح عليه من بين اسنونه صح صوته ناصي بس الي يشوف حركات ايده و وجهه قريب من وجهي يعرف بي جاي يتعارك وياي...... ما حسيت غير نفس الولد اجه علينه ضل يحجي على سلام....... الى ان انصدمت من سمعته يكول اني المحامي مالتها راح سلام هوه والمحامي ضليت اني واكفه بس ادموعي ما بطلن بجي ابد مدنكه راسي وادموعي تنزل على اديه الي افرك وحده بالثانية المجهول : بيج شي بسمه : اهزر براسي بــ لا المجهول : تريدين شي بسمه : اي اريد اخواني ما اعرف وين راحو المجهول : الولد الي تعارك ويه هذا........ يقصد سلام...... طلع بره بعد ما يخلو يدخل بسمه : عزا بعيني شلون ابقه بوحدي المجهول : هذا الولد شيريد منج بسمه : هااااا لا ما يريد شي بس فدوه وخر منا لا احد يشوفك يمي وتصيرلي مشكله المجهول : ماكو اي مشكله اني المحامي مالتج بسمه : اخي فدوه روح منا اني ما اريد محامي المجهول : واني مهنتي ما تسمحلي اشوف شخص محتاج مساعدة وما اساعده بسمه : ضل واكف يمي لشويه واجه سلام سلام : شوفي اذا ما خليتج تخيسين بالسجن اني مو سلام بسمه : حجه هذا الحجي سلام وراح.............. فدوه يا ولد عليك الله شوفلي اخواني...... كمت ابجي لن صدوك خفت من سلام المجهول : بس اكعدي و هذا مي اشربي شويه أهدئي وسولفيلي شيريد منج هذا بسمه : اباوع على الولد وخايفه منه المجهول : لا تخافين والله اني محامي وهاي هويتي اذا ما تصدكين احجيلي راح اساعدج بسمة : كعدت شربت مي بس كل جسمي يرجف وخايفه وعيوني ما بطلت دموع المجهول : كافي بجي شوفي عيونج ورمت كتلج لا تخافين اني يمج
بسمه : شفت رائد اجه عليه.......... من شفته حسيت بالامان رائد : السلام عليكم المجهول : وعليكم السلام رائد : شكو هاي شصاير هنا بسمه : سولفت كولشي لــ رائد بس ما كتله لزمت قميص الولد المجهول : اخي اني هنا من دخلتو المحكمه وانتبهت عليك من خابرت وهذا المحامي العافكم........ اني محامي للمدام اذا تقبلون رائد : اول شي هاي اختي وثاني شي والله يا استاذ ما اعرف شنو اكولك الله يكثر من امثالك ما تعرفنه وتريد توكف ويانه المجهول : لا تكول شي كل احنه اخوان ان شاءالله................... هسه اريد اعرف القصه كلها رائد : .....................................
لا تنسون التصويت والتعليق حبايبي💗
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
