شرايك نلتقي وندفن الثار الراح
وجرحك فوگ جرحي بچفك تشده؟ ✨💔
#سجاد_الغريب
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
علي : كافي حبيبتي اني اسف لن صيحت عليج او ضوجتج
بسمه : كولش ضجت من علي ما جاوبته
علي : راح اعوفج ترتاحين وبعدين نحجي
بسمه : طلع علي من البيت ما اعرف وين راح اني رحت بدلت ملابسي ورحت للغرفه اول ما خليت راسي على المخده تذكرت شلون سلام يحجي ويه علي حته اذا اخو الجبير مفروض يحترمه زين اني شنو مسويتله وهيج يكرهني ليش دائماً ينتقد بكلشي بيه انوب تذكرت علي من صيح عليه وكام يحجي
حسيت بنفس الغصه تذكرت من كال ما اخلي دمعتج تنزل اني ما استحق منك كل هذا ما سويت شي
ضليت ابجي لحد ما نمت كعدت علي صوت علي يكعدني صايره بالــ10 بليل
بسمه: عزاااا هاي صار شكد اني نايمه
علي : يله كومي غسلي وتعالي جبتلج عشه
بسمه : شكراً مو جوعانه
علي : بدون اعناد وتعاي تعشي
بسمه : مو جوعانه من اجوع اني اكل
علي : بسمه تعوفيني اكل بوحدي
بسمه : انقهرت علي اغسل واجي نكعد بالصاله
علي : اوكي انتظرج
بسمه :غسلت وخليت الاكل بالصينية وكعدنه بالصاله نباوع تلفزيون
علي : بعدج ضايجه مني
بسمه : لا عادي بس انته ما فهمتني اني ما حجيت شي يقلل من احترامك
علي : ادري اني غلطان جانت ردت فعلي متسرعه وموحلوه
بسمه : هاي هيه مصار شي
علي : باجر تروحين للدوام
بسمه : لا احس روحي تعبانه ما اكدر انته اخذ اجازه الي
ثاني يوم كعدت سويت ريوك ونوب كعدت علي راح للدوام عندي كم شغله بالبيت خلصتهم وسويت غده رجع علي
بسمه : الله يساعدك
علي : هلو بيج حبيبتي شلونج اليوم
بسمه: زينه الحمدلله احسن من البارحه روح بدل حته نتغده
علي : يله ابدل واجي حضري الغده تره ميت جوع
بسمه :حضرت الاكل كعدنه نتغده دك موبايله
علي : هلو بيك اي زين شنو شصار هااا اوكي ان شاءالله امر عليكم
بسمه: عرفت اهله جاي يحجون وياه
علي : هذا حسن اخويه يكول سلام متعارك ويه احمد لازم اروح اشوف شصاير سلام ولا يبطل عصبيته
حبيبتي محتاجه شي
بسمه: لا سلامتك اذا رحت لبيت عمو سلملي على عمو وخاله
علي: الله يسلمج اوكي لعد اني طلع من اجي نطلع نتونس اوكي
بسمه : اوكي
بسمه : طلع علي اني لملمت البيت بس احس روحي تعبانه مع العلم كولشي ما مسويه كعدت بالصاله ع مسلسل ما حسيت بنفسي من نمت كعدت على صوت علي
علي:هاي شنو بسمه عبالي محضره نفسج ليش نايمه
بسمه : ما ادري ليش احس نفسي تعبانه ومنعسه واريد ابجي
علي : شبيج بسمه بعدج ضايجه مني من البارحه
بسمه: لا علي مو يمك بس يجوز نفسيتي تعبانه
علي : لعد كومي بدلي نطلع نتونس
بسمه : اوكي راح اكوم اغير ملابسي
بسمه : لبست بنطلون اسود وقميص شويه طويل احمر مقفل بلون اسود و خليت مكياج خفيف وطلعنه افترينه بغداد
علي : يا مطعم عاجبج انروحله
بسمه : بكيفك بس ما اريد مطعم بي هوايه ناس لن اني مختنكه علي شنو رائيك تجيب لفات ونشوف حديقه ونكعد بيها
علي : اوكي لعد انزل اجيب لفات من هذا المطعم واجي بس يجوز اتاخر عليج لن هذا ازدحام
بسمه : اوكي انتظرك
بسمه : نزل علي واني صافنه بالشارع فوك الــ10 دقائق وعلي ماكو طبگة مقابيلي سياره نزل ولد احس شايفته بس هوه جان مستعجل ويحجي بالموبايل فه ما عرفته كلت يجوز من مراجعين على الشركه وره شويه رجع علي جايب الاكل
علي : شوف نسيت الببسي بسمه خلي الاكل يمج بس اجيب شي انشربه وراجع
بسمه : نزل علي اني لتهيت بالموبايل بس رفعت راسي احس شفت مصطفى نفسه الولد الي نزل من السياره
لا بسمه شبيج كمتي تتخيلين شيجيب مصطفى من النمسا لهنا بس گلبي يكولي هوه من اجه علي گطع كل افكاري رحنه تعشينه بحديقة عامه بس احس ارتاحيت
علي : مدام خلصتي اريد اكولج شي
بسمه : شكو علي صاير شي
علي : لا ماكو شي بس اني اخذت اجازه لنه باجر اني وياج لن باجر عندي شغل
بسمه : يعني راح تعوفني بوحدي بالبيت
علي : اذا حابه اوديج لبيت اهلج ومن اكمل ارجعلج
بسمه : علي ابد ما يدخلني بالمشاكل الي تصير يم اهله ما اعرف ليش واني هم ما سالته شكو لن اعرف اكو شي صاير اوكي علي زين شكد اضل يمهم
علي : ساعتين وارجع عليج
بسمه : اي علي لن اني عندي ملابس لازم اكويهم كمل ونرجع للبيت من وقت
بسمه: رجعنه للبيت بدلنه ملابسنه ونمنه ثاني يوم بالتسعه كعدت رحت سبحت ونوب حضرت ريوك
كعد علي
علي : صباح الخير
بسمه : صباح النور يله كوم اسبح حته احضرلك ملابس
علي : اوكي
بسمه : حضرت ملابس وريوك لــ علي اني ما اشتهي وداني لبيت اهلي وهوه راح
بسمه : صباح الخير بسام شعجب كاعد من وقت
بسام : صباح النور يا وقت بــ11 هسه اليوم عندي عطله وكلت خلي اسحل اخوانج بالبلي
بسمه : ههههههههههه بعدكم نفس سولف قبل اسحلني واسحلك ونوب تتعاركون الي يخسر يجيب موطات للبيت كله
بسام : لا تغيرت الي يخسر هسه ياخذنه كلنه للمطعم
رافد : صباح الخير شلونج بسومه شخبارج
بسمه : صباح النور الحمدلله انته شلونك
رافد : الحمدلله زين بس شويه تعبان من الدراسه
بسمه :الله كريم ربي لا يضيعلك تعب
رافد : ان شاءالله
رائد : صباح الخير سمعت واحد يريد يسحلني منو هذا
بسام : هاي بسمه هيج تكول
بسمه : بصدمه اني!؟
بسمه :عوفكم من هذا الحجي شو لا بابا ولا ماما ولا رسل ومصطفى وينهم
رائد : بابا راح للزيارة من البارحه ورسل وماما ومصطفى بالسوك يشترون ملابس
بسمه : هااا بالعافيه ان شاءالله
بسمه : ضلينا نتشاقه اني وخواني لحد ب12 رجعت ماما و رسل ومصطفى من السوك مشترين ملابس لصوفي
ماما : بسومه بيج شي شو احسج تعبانه
بسمه : لا ماما ماكو شي
بسمه : بــ12 ونص رجع بابا من الزياره
زيارة مقبولة بابا
ابو رائد : يتقبل اعمالج بنيتي رحت ازور ابويه وامي مشتاقلهم
بسمه : اباوع للوقت راح تصير بالوحده وعلي ماكو كال ساعتين واجيج اخابر لو لا خاف يطلع يمه هذا الحقنه سلام لا خلي انتظره احسن
تغدينه وابويه وامي نامو ورائد ورسل هماتين بسام ورافد يتعاركون ع البلي
اني طلعت بالحديقة لعبت شويه بالمرجوحه نزل شالي من شعري وكع بالكاع رحت اشيله شفت صار بي تراب خليته على المرجوحه واني وكفت بين الورد والاشجار احس لون الخضار يريح نفسيتي صار الجو بي نسمة ابروده فتحت شعري اريد البروده تدخل بكل جسمي وشعري وكفت اباوع على كل شجرة هاي من جنه صغار زرعناهم ويه بابا حسيت اكو شخص ورايه عرفته علي
بسمه : ليش هيج تاخرت مو كتلك لا تعوفني هوايه اني تعبانه
ابد ما حجه حسيته يلزم بشعري ويشتم بي
حسيت بحرارة جسمه عليه
بسمه : يله خلينه انرو.......... ح
بسمه : بصدمه احس عيوني مجاي تشوف
هذا انته
أنت تقرأ
الحياة على قيد الامل
Chick-Litتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
