تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
بسام : رجعنه لــ بغداد الطريق كله هيه دمعتها على خدها ما نشفت مقهور عليها بس شبيدي ما اكدر كلشي اسوي هاي قسمتها من الدنيا............ خلصت 6 اشهر على وفاة علي وبسمه مثل ما هيه مجرد تتنفس ضعفت حيل قبل وجهه الحلو...........ابد متحجي اله للضروره متكعد ويانه حياتها بس صافنه لو تبجي لو تسولف ويه السماء بسام : بسمه كومي بدلي خلي نروح اني وياج نطلع بسمه : هااا بسام اي نطلع بسام : يله حبيبتي راح انتظرج بره بس ما نروح بالسيارة لن اعرف بيج تحبين تمشين بسمه : اي بسام : مقهور عليها لن لابسه اسود ولا اكدر اكولها انزعي .... بسمه بعدهي بعز شبابها بس الدنيا كولش ذاتها...... طلعنه الطريق كله اسولف وياها بس هيه ابد مو يمي تعبتني لن صافنه اريدها ترجع مثل قبل ...... كعدنه بـــ منتزه صغير بسام : بسمه جوعانه اجيبلج شي تاكلين بسمه : اي بسام اريد اكل جوعانه بسام : ما صدكت رحت ركض اجيبلها لن هيه ابد ما تاكل او تكول جوعانه شي كولش قليل.................. رجعت شفتها تباوع على اطفال يمنه يلعبون...... اريد اشتت نظرها...... بسمه يله خلي ناكل اني هم جوعان بسمه : بسام شوف ذاك الولد بعمر سراج بسام : يله حبيبتي اكلي بسمه : اي لحظه ............... بسام : راحت للطفل انطته الاكل وحظنته وكامت تبجي....... يا ربي صبرها ......... بسمه ليش هيج تسوين بروحج راح تموتين ولج والله فطرتي گلبي عليج بسمه : اي بسام اذا تحبني ادعيلي اموت.... وهيه تبجي....... بسام اريد اموت والله مرات احاول انتحر بس ما جاي اكدر اريد اروح يمهم بسام : بسمه ينطيج گلبج تأذين امي وابوي واحنه شلون...... ينطيج گلبج امي وابوي يحسون بنفس شعورج هذا...... انتي مؤمنه شلون تكتلين روحج.... اسالج سؤال هسه لو علي موجود يقبل بهذا وضعج يقبل عليج تسوين هيج بسمه : لا ميقبل بسام : هاي هيه اذا تحبينهم اصلي واقري قرآن لروحهم.... بسمه انتي قويه ارجعي مثل قبل.......يله حبيبتي اوعديني تتغيرين انتي شايفه امي وابويه من يشوفونج هيج شيصير بيهم البارحه انتي نايمه وبابا يم راسج يبجي وامي بليل كل شويه تجي تشوفج و رسل مالها واهس مثل قبل ضحكتنه راحت من البيت علمودج كلشي ماله طعم بالبيت لن انتي تعبانه....... يله بسومه خلي نرجع للبيت..... بالطريق..... بسومه الي صارلج كله اختبار من رب العالمين لازم تكونين كد هذا الاختبار لا البجي ولا دموعج ولا قلة اكلج وكلامج راح يرجعهم او يغير شي من الي صار....... هاي قسمتهم من الدنيا ....خلص لازم تتقبلين امر الواقع ....... وصلنه للبيت... بسومه اريد تسويلي كيكه من ايدج الحلوه صار هوايه ما ماكل من اديج بسمه : صار علي بسام : الله يرحمه...... بسومه اني بسام مو علي بسمه : 🥺 الله يرحمه.... اسفه بسام بسام : لا حبيبتي عادي... بس اذا تريدين اقبل عذرج تسويلي كيكه وما تنطين لــ رافد ولا قطعه....... جان يندك الباب.................... هلاً وسهلاً تفضلوا............. بسام : بسمه هذولي عيالج جايين شعجب بسمه : ما ادري........... عرفت هذا سلام الي جايبهم بس والله لا ادخل ولا اسلم ..... رحت صحت بابا والولد حته يجون بسام : زارتنا البركه سلام : البركه بيكم..... الوالد موجود بسام : اي موجود لحظه هسه يجي..... شلونك عمي صحتك شلونها ابو سلام : الحمدلله يا وليدي بعد ماكو صحة وره العزيز راحت وياه دفنتها بسام : الله يرحمه ويجعل مثواه الجنة الجميع امين دخل ابو رائد و رائد و رافد ابو رائد : زارتنا البركه اهلاً وسهلاً
بسام :ضلو يسولفون سوالف عاديه بالربع ساعه وراها حجه سلام سلام : عمي احنه جاينكم على ام سراج صح مو وكتها بس بعد البنيه وخلصت عدتها ابو رائد : بويه سلام انته شتقصد سلام : نريد نخطب بسمه ابو رائد : ابو سلام انته احجي ليش ساكت ابو سلام : ابو رائد البنيه بتنه ورايدينها على سنة الله ورسوله هسه بس نقره الفاتحه وره ما دير السنه ناخذها بسام : اباوع على ابو سلام و حسن واحمد كولش مستحين وما قابلين على هذا الشي ابو رائد : حجي اني الغريب ما اقبلها المرحوم ماصارله سنه .... ميخالف لمن تخطبونها الولد صلاوات كلهم متزوجين سلام : اليه والشرع حلل اربعه ابو رائد : وليدي انته مو مزوج وعندك اطفال ومرتك صغيره ليش تريد تتزوج بسمه سلام : البنيه جانت زوجة اخويه احسن ما تروح للغربه ابو رائد : سلام انته ما تحكم عليه لمن انطيها وانته كلت جانت زوجة اخوك وهسه اخوك مات يعني هسه اني وصي عليها وقبل ما اسالها اني اعرف بيها رافضه سلام : مو من حقك اسالها وشوف رافد : اشو انته كلش ضيعت الاصول والله لو مو بيتنه جان عرفت شلون اتصرف وياك ابو رائد : عوفه بويه......... سلام اني راح اكوم اسال البنيه بس اذا ما قبلت بيك بعد ما اريد اشوف وجهك رائد : سلام تعرف بختك بابوك وخوتك لن احترمهم اني ساكتلك بسام : رحت اني وابويه دخلنه لـــ بسمه جانت كاعده بالصاله والظاهر سمعت الحجي لكيناها شابعه بجي بسمه : بابا ابد لا تكولها ولا تسال ...... بسام : بويه اني تعجبت اجيت تسال بسمه والله لو مو دايس بيتنه جان فلشت وجهه........
ابو رائد : ابو سلام اعذرني البنيه ما قابله ولا متقبله الفكره كلها سلام : يصير خير رائد : انته شنو حضرتك تهدد....... شو تعال صار ساعه متحملك بسام : صارت عركه بين رائد وسلام فاككناهم وماكو لمن تخربط ابو سلام يله احمد ضل يصيح واخذو وطلعو حسن : بسام تسمحلي بس احجي ويه بسمه بسام : راح اسمحلك تشوفها بس لخاطر علي الله يرحمه حسن : تسلم بسام : تعال ادخل........ بسمه البسي حجابج وتعالي حسن : عادي تعوفنه بوحدنه بسام : انته شتحجي شلون اعوفكم بوحدكم تره اختي هسه غريبه عليكم بسمه : بسام عوفنه خلي افتهم بسام : بس بسمه ميصير بسمه : اوكف بالباب وضل باوع علينه بسام : راح اصير بعيد عليكم حسن : شلونج ام سراج بسمه : شلوني يعني الي فاكد واحد ينكسر ضهر واني فاكده 3 حسن : الله يرحمهم ويصبرج..... شكراً لن قبلتي تحجين وياي بسمه : تفضل حسن كول حسن : بسمه وره وفاة علي بشهرين عرفنه مسجل قطعة ارض والمعرض مال السيارت بأسمج بس البيت والمحلات بأسمه بسمه : انصدمت علي مسجل بأسمي حسن : اي بس مو هذا المهم.... المهم سلام يريد ياخذهن منج بسمه : حسن انته عاجبك الشي الي اجه علي حسن : بسمه كلنه ما قابلين وابويه اجه وياه من المشاكل وامي عفناها متخربطه لن ما تقبل تكله شلون الك روح تاخذ روح علي لن تكول انتي روح علي هوه جان هيج يكلج..... هسه اني اجيت احذرج من سلام
بسمه : من سمعت كلام حسن طكيت بجي اي اني روح علي بس هوه عاف روحه وراح بسام : شفت بسمه كامت تبجي. رحت عليهم ردت اضرب حسن بسمه : لا بسام ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
