انا امرأةٌ قلبها يحترُق ، وأفعالها باردة .
أنا تلك الفتاة التي لا تهتم لما يقال عنها.... لأنني أعرف جيداً من أكون💛
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : طلعنه اني وعلي من الغرفه واسمع خالتي تحجي ولج بسمه بس انتي عرفتج
علي : ليش يمه
ام علي : يمه ما تشوف كلها مسويه وجهه تكول مهرجان
علي : ههههههههه والله يا يمه عليج سوالف
بسمه : ضحكت بس بكلبي...........خالتي هم تصنف
ساره : علي طالع شكد حلو...... خلي ناخذ صوره
علي : شكراً الج..... لا ما احب الصور
بسمه : هاي شنو شكد لزكه....... حبيبي علي حته ناخذ خالتي ويانه
ساره : علي واني هم وياك بالسيارة
ام علي : لا خاله روحو بوحدكم اني اروح ويه سلام
بسمه : من كالت خاله تروحون بوحدكم ساره رادت تموت........ طلعنه كلها توزعت ع السيارات علي ما قبل اطلع اله يجب السياره بالباب
صعدت بالسياره
علي : تعالي كوليلي انتي نفسج بسمه زوجتي لو تغيرتي
بسمه : ليش علي
علي : قبل شويه كلتي حبيبي لو اني مشتبه
بسمه : دنكت راسي عبالي ما سمعها...... هااا اي كلت
علي : لا اليوم اني اموت ولج سنه اتوسل بيج تحجين من اجيت من السفر لليوم انتي متغيره عيني وحبيبي واحبك لا الوضع صار خارج السيطرة
بسمه : اضحك على كلام علي شلون يحجي وياي........ علي انته فرحان
علي : يا روح علي ولج شنو فرحان راح اموت من الفرح
بسمه : سلامة گلبك
علي : ولج كافي من هذا الكلام الحلو
بسمه : بس انته استاهل اكثر كل ذيج المده متحملني وما حسستني فد يوم انته ضايج مني وتسمعني كلام حلو وبي حنيه واني متاكده انته جنت اتضوج
علي : احجيلج الصدوك جنت اموت الف موته من احجي وياج وتكليلي باسمي لو من اكولج احبج وما تردين عليه جنت احس روحي فاشل لن فشلت ادخل كلبج اما اليوم فه اني اسعد انسان بالدنيا ولج احبج واموت عليج
بسمه : واني هماتين
علي : شنو انتي هماتين
بسمه : اني هم احبك
علي : فدوه لعصفورتي...... انتي راح ادخلين هيج للناس
بسمه : اي ونوب اذب الصايه
علي : والله خايف عليج من عيون الناس
بسمه : وصلنا لبيت العروس جانت الحنه تخبل كولش حلوه وحسن وزوجته يخبلون تعبت من صوت الاغاني وكعدت يم خالتي اجتي مره تسلم تصير جوارين بيت العروس كالت ام علي عيني رايده ابنيتج لابني فدوه تخبل
ام علي : يا خيه هاي جنتي مو بنتي
بسمه : اعتذرت المره وراحت وخالتي تضحك عليه تكول اله اكول لاعلي خطبو زوجتك ..... خلصو ورجعنا صعدنه بالسيارات بس علي اول ما طلعت يخزر بيه صعدت جان يضل يرزل ويحجي
علي : انتي ليش هيج تسوين ولا توقعت فديوم انتي تسوين هيج
بسمه : علي جاي تخوفني منك شكو شنو سويت اني
علي : انتي الي عمري كله اكول ماكو ابنيه مثل بسمه عاقله ثكيله ورزنه
بسمه : اي غير اعرف شكو
علي : ليش هاي المره خطبتج غير شافتج اتركصين وشعرج وهوستج
بسمه : علي اني ركصت
علي : لعد ابويه زين انتي مو تعبتي ونوب كعدتي يم امي ونوب انخطبتي يا ست الحسن والجمال
بسمه : علي منو اكلك هيج
علي : مو مهم منو المهم الي صار
بسمه : علي انته ليش ضايج كل البنات ركصت واذا المره خطبتني تره عادي واذا على شعري كل البنات طالع شعرها وبس حسن موجود.
علي : واني معليه بالبنات اذا ركصت او لا وحسن شنو اخوج هم ما اقبل وفرحانه لن انخطبتي
بسمه : علي لا اطلع الفرحه من عيني بس ردت اكولك اني ركص ما ركصت وشالي جان ع راسي من دخل حسن
علي : يله انزلي وصلنا
بسمه : يعني شنو هذا تصرفك........ ضل ساكت اني راح انزل بس من يخلص العرس اروح لهلي لن اني مو جذابه وما تصدك بيه ........ نزلت من السياره بس كولش مقهوره من علي ليش جاي تصرف وياي هيج...... زين منو الي كايله اني هيج مسويه دخلت للبيت ساره تباوع عليه وتضحك وتسولف ويه سحر ما اعرف ليش حسيت هيه او سحر المهم رحت ذبيت صايتي وشغلوا اغاني البنات تركص ماكو ولا شاب اني نزعت شالي وكعدت يم خالتي
ام علي : شبيج يمه منو وياج
بسمه : خاله ما اعرف منو موصل لعلي اني ركصت بالحنه وطالع شعري وحته على المره الخطبتني
ام علي : خلي يروح علي اني احجي وياه
بسمه : لا خاله عادي مصار شي
زهراء : ولج بسمه كومي اركصي هناك كلتي استحي من حسن هنا شكو
بسمه : والله سوتلي واهس واني مقهوره كمت ذبيت لحم وياهن وهاي زهراء وزينب عبالك اعرفهن من اسنين ضليت بفستاني وركصت لمن هلكت
زهراء : شعرج طويل اركصي بشعرج
بسمه : اني هم ما كلت لا اني وزهراء وزينب ركصنه بشعرنه جنت مدنكه رفعت راسي شفت بالباب خالتي وعلي واكفين فد استحيت من علي لن ابد ما شايفني اركص......... و نوب اني قبل شويه اكوله ما ركصت
................................
علي من وصلنا لبيت العروس نزلت بسمه وره نص ساعه اجتي ساره جان تكولي
ساره :بالعافيه زوجتك انخطبت
علي : شبيج بابا روحي ادخلي جوه شنو انخطبت
ساره : طبعاً من دخلنه لهسه تركص وفاتحه الشعر من شافت المره تباوع عليها سوت روحها تعبت وكعدت يم خالتي
علي : ضليت صافن معقوله هاي تطلع من بسمه هيه تستحي تسلم على اخوتي شلون تركص كدام حسن
صرت شخصيتين واحد يكول واذا ركصت غير عرس وفرحانين والبنات كلها تركص ....... والثاني يكول بسمه بس الي هاي ملك علي وبس وما قابل على كل تصرفاتها
من اجتي وضلت تحجي وياي صدكت بيها بس بعدني عصبي منها ما اعرف ليش صدكت بــ ساره انقهرت من كالت تريد تروح لاهلها حسيت قهرتها
وره ما راحت بنص ساعه خابرتني امي تريدني
ام علي : يمه علي هيه هاي تربيتي الك انته العاقل هيج تسوي واني اكول بس علي عرف يختار ويكون عائلة ويتفاهم
علي : يمه شنو سويت
ام علي : لا ما مسوي شي انته منو وصلك حجي على بسمه......... البنيه جانت يمي ومن دخلنه لما طلعنه گبال عيني من دخلنه ذبت صايتها وخلتها يمي وضلت واكفه تصفك ويه البنات .... من كالو حسن راح يدخل اخذت الشال من يمي وخلته على راسها وره شويه كعدت يمي من شافتها المره كاعده يمي عبالها بنتي واجتي تخطبها
علي : يمه..................
أنت تقرأ
الحياة على قيد الامل
Chick-Litتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
