تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
وره شهر من وفاة علي ................. بسمه : خلص شهر واني ما شايفه علي صار شهر حياتي سوده مابيها اي طعم بس بجي ونوم بلحظه وحده خسرت كولشي جهالي وحبيب روحي وابني الي بعده ما نولد كله بسببي اني المفروض ما انام او المفروض ما رايحين لن بيومها كولش ختنكت...... بجيت وصرخت بس ما يفيد دموع عيني ما كدرت ترجعهم الي......الايام الي جنت اكعد من الصبح حته اخلص شغلي اخاف جهالي يكعدون واحضر غده لعلي لن يرجع من الدوام...... التعب وقلة النوم والاكل....... كل هاي الاشياء شتاقيتلها.... صارت ايامي عباره عن نوم ساعات طويله او اضل على الجربايه صافنه وافز من صفنتي لو اشوف رسل يمي لو ماما لو واحد من اخواني مو يشوفوني ابجي همه هم يبجون....الاكل مرات معدوده وكولش قليل خلص الشهر بالمغذيات ما اعرف شنو ضوء شمس ما اشوفه لن اليل كله سهر وبجي وبالنهار انام وحته اذا اكعد ابقه وحدي اسولف ويه علي والجهال بليل لن اشوفهم بالسماء وعلي يسولفلي شنو جاي يسون...... اني مو مجنونه بس فعلاً اشوفهم شويه وتروح صورتهم من السماء اضل ابجي بس ميرجعون بعد لحد ثاني يوم بنفس الوقت يله يجون
صار يوم 38 لــ وفاة علي جانت يوم عصريه اهلي طلعو ضلت بس رسل بالبيت.........خطيه تجي يمي تواسيني تضل تحجي عليه انو اني لازم اصير قويه بس كل حجيها يدخل من هاي الاذن ويطلع من لاخ..... نزلت جوه ماكو ولا واحد خليت وطلعت من البيت اخذت جنطه مال ايد نفسها بيوم الحادث ختنكت كولش من البيت ضليت امشي بالشوارع موبايلي عندي وره ساعه صارو اهلي يتصلون عليه بس ما ارد ضليت امشي لحد ما اخذتني رجليه لبيتي...... فتحت الباب صارت عيوني على الصاله دخلت اباوع بيها هنا شكد كعدنه وسولفنه هنا علي حاسبني لن ضميت علي شغلة مصطفى هنا علي جان يتغزل بعيوني هنا سراج اول خطوه مشه هنا جان مكان علي من يتابع فلم ....... اباوع على بيتنه اعيوني ما بطلت بجي...... اسمع صوت علي يصيحلي بس من التفت ما اشوفه......اسمع صوت لعب سراج وبجي ريتاج وضحك علي من يحجي ويه سراج........ دخلت للغرفه البيت مثل ما هوه محد داخله رحت على سرير ريتاج اشتم بفراشه يا روح امج وين رحتي فدوه لريحتج يا ماما.... رحت على كنتور بي ملابس سراج.... اوووووف يا سند امك الي عفتني يا حبيبي يا اول فرحه بحياتي....... اخذت ملابسهم و كعدت على الجربايه بمكان علي ..........ضليت ابجي بالساعات بس كمت ما اشوف ابد عيوني قفلن من البجي راسي ما احس بي من الوجع......اوووف يا عطرك يا حبيبي. علي تسمعني حبيبي تعال اخذني وياكم علي تعبت بغيابك ...... ضليت احجي ويه علي وابجي ومرات اتذكر شغلات وابتسم و ارجع ابجي ...... صار البيت اضلم خلص النهار واني بالبيت اهلي يتصلون بس ما اكدر ارد عليهم لن اعرف بس ارد يجون ياخذوني تعب جسمي نمت على مكان علي واشتم ريحته بالمخده من التعب نمت فزيت على صوت اذان صلاة الصبح اول مره انام مرتاحه لن احسهم يمي نمت وبيدي ملابس جهالي ونايمه على مخدة علي كعدت مرتاحه بس ما اكدر اكوم اريد اكوم اصلي ما كدرت بس نزلت رجليه من الجربايه بجيت...... علي شوف فراكك شسوه بيه علي كل حيلي هديته من رحت علي عافيتي راحت ويه جهالي... علي اخذني وياكم بعد لمن ضاله عايشه لا انته ولا جهالي... علي مثل ما الموت فرقنه اريده يلم شملنه اريد اموت علي فدوة تعال وخذني مثل ما اخذت الجهال...... كل هذا الحجي اني ابجي...... حسيت بخطوات تجي بدء ضوء النهار يبين بس ما اشوف بس خيال رجلين تتقدم عليه ابد ما خفت لن اني اريد علي يجي ياخذني حته اذا مو هوه واجتي روحه اني اريدها كعد بصفي بسمه : اي هاي هيئة علي نفس الطول ونفس الجسم. ..... هااا حبيبي اجيت تاخذني....... اي علي اريد اروح وياك اخذني لا تعوفني بوحدي هنا الدنيا بعدك مو حلوه ومالها طعم ..... لزم ايدي..... بس مابيها دفو ايد علي........ المجهول : ليش تريدين تروحين بسمه : انته منو هذا مو صوت علي ولا دفو ايد علي عوفني المجهول : انتي شوكت تستوعبين علي مات وبعد ميرجع بسمه : اعرف ميرجع اني راح اروحله ......... سلام هذا انته هنا سلام : بسمه انسي علي كافي خلص هوه مات بسمه : انته شلون دخلت لهنا انته شلون كدرت تلزمني اني ملك علي سلام : لا مو ملك علي..... علي مات وكولشي انتهى بسمه : سلام وخر مني و روح اطلع من بيتي سلام : بسمه انتي الي كتلتي علي وجهالج بسمه : لا ما كتلتهم كم مره اكولك الحادث صار النه كلنه سلام : بس السيارة باسمج وانتي جنتي تسوقين بسمه : واذا السيارة باسمي.... وشغله ثانيه علي هوه جان يسوق وعلي هوه الي سوه حادث لن غفه سلام : بس اني اكدر اثبت انتي الي قتلتيهم و بطريقتي وتعرفين هل ايام بالواسطات كولشي يصير بسمه : وانته شنو تستفاد من هذا الشي........ سلام انته ليش تكرهني.... من اول يوم شفتك بي وانته تحاول تقهرني اني شنو سويتلك هاي فوك ما تجي تواسيني سلام : بسمه اني ما اكرهج انتبهي لكلامج بسمه : لا تكرهني هسه دكول راح اثبت انتي كتلتيهم سلام : لا ما اكرهج بسمه : لا تكرهني سلام : بسمه ما اكرهج...... ولج اني احبج من اول يوم شفتج بي وحبيتج قبل ما يشوفج علي جنت اوصل منى واشوفج تجين لو من اخذها طلعين توكفين ومره شفتج تحجين بالموبايل وضحكتي وشفت غمازاتج وعيونج بيهن الفرحه من يومها اني حبيتج بسمه : سلام انته شجاي تحجي.... انته واعي للشي الي جاي تكوله ولك سلام اني زوجة اخوك....... واني اكول ليش دايماً تحجي عليه كدام علي سلام : اي ردت تخرب علاقتكم باي طريقه وبعرس حسن اني عزمت ساره واني الي وديتها تحجي عليج يم علي...... ولج بالعرس من وراج ما جنت موجود ما اريد اشوفج انتي وياه ومن حسن يحجي وياج تمنيت مو اخويه جان كسرته ومن حاجيتج بالحنه لن جنت متلهف علي عيونج ردت اشوفهن ردت اسولف وياج........بسمه من وراج صرت اضوج من اخويه من وراج كمت اقهره بسمه : اسمع ومصدومه......... انته شكد نذل لعد تباوع على زوجة اخوك الله يسامحك سلام كولشي ما اكولك.... زين ومرتك زينب ما فكرت بيها من حبيتني سلام : زينب ما حبيتها ابد زواجنه تقليدي بسمه : واذا زواج تقليدي تروح تحب عليها.... اني هم زواجي تقليدي وحبيت علي بس انته هذا طبعك مو بيدك سلام : عوفج من هذا الحجي اريد اكولج شغله..........................
شنو توقعاتكم للبارت الجديد لا تنسون التصويت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
