حبيني .
ترى بيه بشر ينحب .
بيه عيون شبعت بالبچي ولايه .
بيه ملاگه من فرگاج
لحد اخر حرف من ذيج الأحجايه ..💔
الشاعر سجاد الغريب
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه: ضليت يم اهلي اسبوع ما بين سراج ومرات يخابرني علي وبسام ورافد يطلعوني لو نتعشه بمطعم لو نروح للمول يوم الثامن جاي اسولف ويه علي
علي : بسومه حبيبي ما شتاقيتي لحبيبج و زوجج
بسمه:.......... اي علي
علي : يروحلج فدوه علي تعرفين انتي عليتي گلبي
بسمه : ليش علي شسويت اني وضوجتك بي
علي : ولج شوكت گلبج يحبني
بسمه : علي بس اني ما اكرهك
علي : بس ما تحبيني.......اني اعرف انتي ما تحبيني بس صابر عليج لن الحب مو بلكيف هوه يجي بوقته
مدام ما مقصره بحقي وحق ابني وبيتي ما عندي شي وياج...... بسمه لا تضوجين لن اني اول مره احجي وياج بهذا الموضوع بس والله اتمنه من تخابريني تكولين الووو حبيبي لو من اجي من الشغل تستقبليني الله يساعدك عمري لو حياتي انتي ابد ما تحجين هذا الحجي من تزوجنه لليوم انتي كل اسلوبج وياي محترم ومؤدب اي خطأ مابي بس اني اريد منج شويه........................كافي خل اسكت ادري قهرتج بس والله يجي يوم و تكولينها انتي بوحدج........... شو سكتي ولا كلمه ليش عصفورتي سكتت
بسمه : لا مو سكتت بس جاي اسمع كل الحجي الي يطلع من گلبك
علي : ولج انتي گلبي بسمه مشتاقلج مووت يا عمري والله بس اكملي شغلي لو بليل هم احجز وارجع
بسمه : ان شاءالله تخلص وترجع بالسلامه
علي : ان شاءالله...... اكولج بسمه هيه شغلة يوم لو يومين بعد ما اتاخر اهوايه هسه بــ 6 .....عندي اجتماع بــ9 من اخلص ادزلج رساله شوكت ارجع باجر او الي وراه
بسمه : علي باجر اريد اروح للصالون عندي كم شغله اسويها
علي : انتي تخبلين عصفورتي ميحتاج الصالون ولج ميت على الغمازات الي بخدج لو عيونج اموت عليهن من تصيرين عصبيه
بسمه : ........ بسمه وهيه تحجي بكلبها.......لالا فدوه ربي لا تذكرني بي..... تذكرت مصطفى من كلي فدوه لهاي العيون المعصبه عليه
بسمه : لا علي وجهي تعبان واريد احف
علي : اوكي عمري اخذي شكد ما تحتاجين فلوس واذا تريدين بعد اخذي من رائد واني من اجي اتحاسب وياه
بسمه : لا علي عندي هوايه ميحتاج تسلم الله يخليك الي ولا يحرمني منك
علي : فدوه لــگلبج يا روحي....... يله يا عمري اني اروح هم يالله احضر نفسي للاجتماع
بسمه : سديته من علي ضليت افكر بكلامه يعني يحس بيه ما احبه يا ربي والله خطيه اني ما استاهل هذا الرجال ............ ثاني يوم رحت للصالون سويت تنظيف بشره و شعري بس گصيته شويه وحفيت رحت للسوك شتريت كم شغله محتاجتها وسراج ضل عند امي بس ضل گلبي يمه ....... من رجعت للبيت لكيت علي دازلي رساله باجر بــ 3 الفجر يجي من السفر.... حضرت غراضي وتعشيت يم اهلي وراها خليت رافد يوديني لبيتي...... رجعت للبيت والله مشتاقتله اني احب العزله عن الناس يعني مو كولش اجتماعية عندي هدوء نوعاً ما يعني مو معقده بس ما احب الهوسه مال ناس..... اول ما دخلت عزلت غراضي وغسلت لسراج وغيرت ملابسه وسويتله ممه ونومته
انوب دخلت سبحت لبست ثوب نوم خفيف شويه ضليت اباوع ع الموبايل انوب غفيت.......... ما كعدت لحد ما حسيت واحد يبوس براسي...........
علي : رجعت من السفر اجه حسن اخذني من المطار انوب اني وصلته لبيت اهلي ورجعت لبيتي ما رحت على بسمه كلت خطيه تكعد من النوم هسه باجر من اكعد الصبح اروح اجيبها من دخلت للبيت ودخلت الجنط حسيت البيت بي بروده معقوله بسمه نست السبلت ما طفته من رحنه ..... دخلت الغرفه تفاجئة بسمه موجوده تخبل وهيه نايمه عبالك ملاك ونايم فدوه شكد حلوه وترفه اباوع على سراج نايم ويبتسم
رحت على الجربايه شميت شعرها شكد احب ريحتها بستها من راسها كعدت.....
علي : هااا حبيبتي كعدتج اسف
بسمه : هلو علي الحمدلله على السلامه
علي : تعجبت من حظنتني لن ابد ما مسويتها بس كولش فرحت
بسمه : ما اعرف ليش حظنته ولا اعرف ليش هيج سويت بس جنت محتاجه احظن علي
علي : الله يسلمج عمري لو تعرفين شكد مشتاقلج
ولج اتمنه اخليج بنص گلبي
بسمه : شكد حلو حجي علي. ..........ثاني يوم كعدت متاخره ب11 ونص
بسمه : عزاااا علي شوف شكد الساعه
علي : يا عمري شعندج البيت ويخبل واذا على الغده اني اطلع اجيب اكل من بره
بسمه : ميخالف خاف خطار يجي او اهلك يجون
علي : لا حبيبي اهلي احنه انروحلهم لن بعد لعرس كم يوم فه همه ملتهين اذا صار عندي وقت اروحلهم لو على باجر ولو اني ما اريد اعوف عصفورتي
بسمه : استحي من يحجي وياي هيج يا ربي شوكت اصير جريئة من يحجي وياي ارفع عيني بعينه اتمنى اسويها بس ما اعرف
علي : راح تضلين هيج مستحيه مو راح يصير سنه من زواجنه
بسمه : علي يله خلي نتريك........ كمت سبحت وسويت ريوك تريكنه وغسلت لسراج لن كعد ......... من صار عمره شهرين كدرت اسيطر علي
علي راح يعزل جنط السفر
علي: بسمه وينج تعالي
بسمه : هااا عيني فد لحظه بس انوم سراج ...........نام سراج ورحت على علي لكيت الغرفه كلها غراض
علي : تعالي شوفي شنو جبتلج
بسمه : جايبلي فستان للحنه وفستان للعرس بس شنو ذوقه يخبل ........ علي هاي شنو عاش ذوقك تخبل الفساتين.... اتمنى ما يطلعن ضيقات عليه
علي : روحي البسيهن وتعالي اشوفهن عليج
بسمه : اوكي....... رحت لبستهن بالحمام يخبلن عليه ابد مو ضيقات ولا عريضات جايبهن قياسي....... شكراً علي فساتين كولش حلوه
علي : لعد ليش ما اجيتي وشفتهن عليج
بسمه : لا كولشي بوقته حلو
علي : اوكي حبيبتي على راحتج
............................................
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
