تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
. رائد ابو فتيان •◌•◌•◌•◌•◌•◌•◌•★•◌•◌•◌•◌•◌•◌•◌• الكاتبـة فاطمه علي 🦋🦋 •◌•◌•◌•◌•◌•◌•◌•★•◌•◌•◌•◌•◌•◌•◌•
مصطفى : خالو لا تزعل مني بس بسمه حب عمري وحياتي شنو تريدني اتفرج عليها وهيه لا رجل ولا ايد تحرك شفتها تذبل كدام عيني ابو رائد : اذا انته هيج تحبها ليش ما رجعت وره سنة سنتين من اتزوجت اجيت هسه مصطفى : خالو اعترف اني الي غلطت من البدايه لا تانيتها تكمل حلمها ولا صبرت عليها ولا رجعت اني الي دمرت حياتي بيدي بس خالو وحق من خلقها اني احبها يا ناس شلون تفهموني بسمه تمشي ويه دمي هاي السنين كلها الي راحت اني كل يوم اسولف وياها ولا يوم نسيتها ابو رائد : خالو الي صار صار اذا تحبها تمنالها السعاده مصطفى : اي خالو الله يهنيها حته اذا جانت ويه غيري المهم هيه سعيده ومرتاحه ابو رائد : اي عفيه وليدي اريدك هيج مصطفى : حته ترتاح اكثر اني راح ارجع اسافر ابو رائد : بس ابني امك خطيه واخواتك منو لهم مصطفى: ابد ما مقصر وياهم وامي عايشه بيتها و حازم ابن خالي حسان عايش وياها لن مروه متقبل تعيش بعيده من امي فه اني حاجيته كتله انته مو غريب تعال وعيش يم عمتك واني من رجعت للعراق شفتهم مرتاحين الحمدلله ابو رائد : اي ادري الحمدلله اي خطيه بس تضل انته ابنها مصطفى : لا خالو اني الضاهر مكتوب عليه اضل مهاجر .
_______________________________________ العوده الي الحاضر ابو رائد : بسمه لازم تحافظين على بيتج وعلي خوش ولد بسمه : اكيد بابا اطمئن ام رائد: ابو رائد بنتي عاقله وما تحتاج توصيها ابو رائد : اعرفها........ ام رائد اخذيها هيه ورسل روحو للسوك اشترو ملابس للطفل وجهزي بسمه من كلشي تحتاجه بسمه : شكراً بابا ما احتاج علي قبل فتره اشتره كم قطعه يعني جهزت جنطة الولادة.... يكولون مو زين انجهز قبل ما ينولد الطفل ابو رائد : هاي هيه بابا بس خاف تحتاجين فلوس تعرفين بيت ابوج مفتوح الج بكل وقت بسمه : الله يخليكم بابا بسمه : لليل اجه علي ورجعنا للبيت بس جان ضايج ما اعرف شكو بسمه : علي شكو ضايج بيك شي علي : والله يا بسمه اني من طلعت منكم العصر والهسه اني ضايج بسمه: وصلت عرفت ضايج من مصطفى... ..... ليش علي علي : حجي مصطفى وياج ما عجبني بس ما ردت ابينها كدام اهلج بسمه : شحجي ما اعرف......... لا علي ماكو شي لا يضل ابالك علي : بسمه احنه ولد واني حسيت بــ مصطفى من عيونه اكو مشاعر بگلبه الج بسمه : علي انته منين تجيب هذا الحجي انته متوهم علي : ان شاءالله اكون متوهم بسمه : صح علي سد الموضوع بس احس ما مقتنع................ صفنت تذكرت مصطفى من يكول. ...... ولن احبج اني راح اتصرف انتي بعدج طفله فدوه لهاي العيون الي معصبه عليه ......... بتسمت انوب اتذكرت الواقع ضجت صارت دمعه بطرف عيني............. استمرت حياتي هيج قررت اروح الدكتوره حته اعرف شوكت اتصير ولادتي بسمه : رحت الدكتوره كالت هاي الايام تجيبين ولاده طبيعيه.............. ضليت بقلق وبس يصير عندي وجع بسيط ابطني عبالي ولاده لحد فد يوم جمعة كعدت متاخره اريد اكوم ما اكدر وجع فضيع عندي ضليت على فراشي تقريباً 10 دقائق وراح الوجع كمت حضرت ريوك تريكنه اني وعلي ضل هوه عنده اوراق يكمل بيهن اني منظفه البيت قبل يوم يعني نظيف مابي شي سويت مركة دجاج وتمن برياني وخلطت لبن وزلاطه وطرشي حضرتهن صار عندي نفس الوجع كعدت على القنفه مابيه بعد علي: هااا بسمه بس لا تجيبين هسه دنيا الضهر بسمه : ههههه هوه بكيفي علي : لا صدوك شبيج بسمه : شويه وجع ماكو شي عادي هسه ارتاح علي : لعد ضلي كاعده اني اخلي اكل بسمه : علي جاب ميز وخله الاكل كدامي وصار يفلس لحم ويخلي كبالي اني متوجعه بس ما اريد يضل باله كمت اكل شويه شويه كملنه اكل شال علي الصينيه وسوه چاي واسمعه يطكطك بالمطبخ بسمه : هوه چاي يا علي شنو موضوعك كسرت المطبخ علي : هههههههههههه هم الها عين وتحجي البطه بسمه : اذكرت اول واحد سماني بطه هوه مصطفى يا ربي طلعه من گلبي لن تعبني بسمه : صار الوجع يزيد شويه شويه اخير شي كمت احس روحي بدت تطلع بسمه : علي لحكلي راح اموت من الوجع علي : شبيج عيني هسه بس ابدل وجيج ركض بسمه : متوجعه وكلت علي راح يبدل خليني اني هم ابدل دخلت سبحت بمي دافي بس الوجع بده يزيد طلعت الجنطه مال ولاده الي محضرتها طلعنه على بيت اهلي اجتي امي وياي وخابر على خالتي ام علي كالت صاعد عدها السكر خابرت منى راح تجينه وصلنا للمستشفى دخلت صالة الولادة بس احس فصلت عن العالم الخارجي ضل الوجع يقوه شي وره شي صار 4 ساعات واني بالصاله امشي ومن يصير عندي وجع اكعد بس انتهيت وره نص ساعه ضربوني ابره 10 دقائق ونور الدنيا سراج بس سمعت بجيته بجيت وياه يا حبيب ماما فدوه لصوتك ضليت بالمستشفى ساعتين وطلعت لن الحمدلله وضعي زين وسراج الحمدلله هم زين وصلت الساعه بــ 8 ونص علي جان كولش فرحان يباوع عليه ونوب على سراج وعيونه مدمعه ماما كالت اروح وياها للبيت بس علي ما قبل علي : خاله انتي تعالي ويانه وضلي يم الطفل خاف بسمه ما تعرف وهم راح اجيب امي حته تتونسين وياها ام رائد : خاله خل اخابر ابو رائد وكوله بسمه : كعدت على الجربايه وخليت سراج بحضني ما مصدكه بس شنو النعومه شنو البياض عبالك لعابه حته اخاف الزمه خاف اذيه لن كولش ترف طلع علي جابلنه اكل وشتره وياه سرير لسراج اني ضليت بغرفتي احس تعبانه فدمره ومنعسه اجتي ماما اخذت مني سراج واجتي توكلني وتسولف شلون علي ضل قلق من اني جنت بصالة الولادة ومرتين متعارك ويه الدكاترة لن ما يجاوبونه ومن كالو بسمه جابت ساجد لله سجدة شُكر بسمه : الله يخلي الي والسراج وما يحرمني منهم من كملت اكل ماما كالت كومي غسلي ونوب نامي وارتاحي اول يوم خالتي ام علي ما اجتي علي : الحمدلله على سلامتج حبيبتي بسمه : الله يسلمك ابو سراج علي : ربي يحفظج الي يا احلى ام بالدنيا ما تعرفين شكد خفت عليكم بسمه : الحمدلله عدت علي : يله ما اريد اتعبج ارتاحي بسمه : طلع علي ضليت صافنه على سراج وهوه نايم من جنت اكل ماما غسلت لسراج ورضعته حليب اني ما عندي فه اني صافنه علي شلون هيج صغير نمت................... فتحت عيوني الساعه 12 الضهر نسيت اني جايبه ونسيت كولشي بسمه : عزا علي تاخر على شغله......... صفنت اتذكرت كواشي اباوع على بطني صغرت السرير مابي سراج طلعت من الغرفه رحت للصاله شفت بابا وماما و رائد و رافد وبسام ورسل و خالتي ام علي كلهم موجودين وسراج بيد علي منومه بحظنه ابو رائد : الحمدلله على سلامتج بابا رافد وبسام ورسل و رائد الحمدلله على سلامتج بسمه : الله يسلمكم خالتي ام علي : ابنيتي ليش كعدت لو ضاله مرتاحه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
