تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
بسمه : لا بسام ماكو شي اني تذكرت علي بسام : خاف هوه حجه وياج شي بسمه : لا حسن : بسمه بعد ما اوصيج اني كتلج لمصلحتج سلام عنده غايه بسمه : حته اذا مو موضوع فلوس اني سلام مستحيل اقبل بي و لو يصبونه ذهب حسن : اشوفج بخير اني رايح وبروح علي شنو تحتاجين اني بخدمتج بسمه : تسلم حسن اخ عزيز انته بسمه : طلعو بس من دخل رائد هوه عصبي كولش خفت منه ....... ابو رائد : الله يساعد ابوه علي شنو من ولد هذا كلها مو بعينه رافد : يابه والله لو مو انته اني جان فلشت وجهه بسام : لحظه يابه..... بسمه شنو راد منج حسن بسمه : ما اعرف شنو اكول بس بعدني مصدومه رائد : احجيييييي فضينه ابو رائد : شبيك رائد ليش تعيط بختك بسمه : رائد انته اخويه الجبير ولك احترامك بس ما مسموحلك تعيط بيه........ابويه موجود وهوه مسؤول عني رائد : شو لسانج طولان ولج ابو رائد : رائد لو تتفضل تطلع بره لو تسكت وتحترم وجودي رائد : ما تشوف بتك ابو رائد : انته صاير عصبي كولش بسمه ما كالت شي رائد : اي عصبي وعصبي كولش لن سلام ليش يريد بسمه وشنو يخلي يجي يخطب اذا هيه ما منطيته مجال بسمه : رائد لهنا وحدك مو بسمه الي تنطي مجال رائد مع الاسف عليك انت اخويه شعفت للناس الغربه........... عفتهم وصعدت بس نهاريت بالبجي.... علي دتشوف وين وصل بيه الوكت شفت اخوك يريدني واخويه وسندي يشك بيه علي عاجبك هذا وضعي عاجبك الناس تحجي عليه تعال اخذني انته مو تحبني ليش ما تاخذني وياكم...... علي اتخيل سلام يريدني اله زوجه... علي شلون اتزوج اخوك شلون يكلي احبج هم يباوع بعيوني مثلك هم راح يحبني مثلك مستحيل احد ياخذ مكانك علي تعبت والله..... علي ليش هيج حملتني هاي المسؤولية ليش ما خليتهن بأسم اخوانك ليش بأسمي
______________
بسام : انته مو من حقك هيج تحجي ويه بسمه رائد : لعد فهمني شنو الي خلاه يجي يخطبها بسام : رائد انته اخويه الجبير ما اريد اتجاوز عليك.... بس تصرفك جان كله خطا لن بسمه نعرفها ونعرف تربيتها واخلاقها شلون كدرت تحجي وياها رافد : كلام بسام صح انته ما مفروض هيج تحجي وياها لن بسمه تعبانه شلون تكسر خاطرها وهيه بهاي الحاله ام رائد : رائد هسه تصعد وتصالح اختك كسرت خاطرها ابو رائد : وتنزلها وياك واريدكم متصالحين رائد : اهففففف صار بسمه : جنت كاعده واندكت الباب................ تفضل رائد : بسمه ما جان قصدي اضوجج بسمه : رائد انته قهرتني حيل........ رائد : يله حبيبتي اني اسف وحقج عليه بسمه : لا رائد انته اخويه الجبير لا تعتذر بس حجيك جان قاسي وياي رائد : يله بسومه تعالي انزلي ابويه يريدج بسمه : رائد اجه باسني من راسي ونزلنه ابو رائد : هااا بويه تصالحتوا ام رائد : الله يديمكم هيج يا ولدي بسام : بسمه اني منج ما اقبل اصالحه اله عزومه وبالمنصور رائد : انته معليك حته اذا عزمتها ما اخذك وياي بسمه : لا بسام ماكو داعي ابو رائد : بسمه بابا سولفيلي شنو الموضوع بسمه : بابا علي الله يرحمه.... ما كدرت اكمل لن ما هان عليه اكول الله يرحمه لن علي عايش بروحي الجميع : الله يرحمه بسمه : مسحت دمعتي .... اي بابا علي مسجل قطعة أرض ومعرض السيارات بأسمي
ابو رائد : الله يرحمه..... هاااا هسه فتهمت شنو غايت سلام من هذا الزواج بسمه : بابا هاي فلوس علي مستحيل اخلي احد ياخذهن بسام : معليج لا بسلام ولا غيره انتي هذا حقج عدهم البيت ياخذونه الهم بسمه : اي البيت والمحلات هم رافد : هاي هيه بسومه معليج بيهم وهذا سلام اذا شفته وصل باب بيتنه اكسره هل عار جاي يخطب واخوه ما صار سنه على وفاته رائد : يله عوفونه من هذا الموضوع كلكم عازمكم على العشاء عليه وبالمطعم الي تختاره بسمه بسمه : رائد والله مالها داعي رائد : هوه بكيفج انروح يعني انروح رسل : لا رائد معليك بيها اخذنه خلي نطلع شوف هيه شصاير بيها من الضوجه كل يومها مخلصته بالغرفة بسمه : لليل طلعنه كل احنه حتى ابويه وامي ضل رافد وبسام يتشاقون لو يشوفون بنات ويتغزلون بيهن من بعيد و رائد ميقبل كل شويه وكال عيب لو يعيط بيهم وابويه وامي يضحكون عليهم اني صافنه ليش ما جاي افرح لو اتونس ما اعرف ليش من اشوف اثنين يمشون سوه لو وياهم اطفالهم اتصير غصه بگلبي ومرات تضل الدمعه تفتر بعيني بس لخاطر اهلي ابين اني زينه نزل رائد اكل كولش هوايه وكل شويه ويكلي يله اكلي اني ابد مالي نفس بالاكل بس لخاطرهم اغصب نفسي اكل رجعنه للبيت .....الطريق كله رافد وبسام يضحكون لو يتذكرون من جنه صغار و يضحكون احنه سيارتين سيارة اني ورافد وبسام والسيارة الثانيه رائد وبابا وماما ورسل ومصطفى وصلنا البيت كلمن راح لغرفته بس بسام ورافد ضلو يلعبون ابلي بسام : بسمه تعالي نلعب بسمه : لا بسام تعبانه اريد ارتاح....... صعدت كعدت فتحت البلكونة ومثل كل يوم اكعد احجي ويه علي بسمه : علي حبيبي اسفه اليوم تاخرت بس طلعت ويه اهلي علي اليوم جان متعب كولش تعبت حبيبي اليوم شفت هوايه بنات ويه ازواجهن تذكرتك حبيبي تتذكر من جنه نطلع اني وياك. ههههههههههه تتذكر من طلعنه مره ومطرت علينه الدنيا شلون صارت ملابسنه....... بسمه : صفنت وبين ضحكتي بجيت احجي ويه علي عبالك يسمعني علي صدك عفتني وبعد ما اشوفك علي ليش هيج وصلنا ....................والله بعد ايام حلوه ما عشناها علي حبيبي مشتاقتلك موت حياتي متندمه على كل لحظه ما عشتها وياك علي جهالي امانه يمك حبيبي الي مصبرني على مصيبتي انته وياهم علي مشتاقتلكم حبيبي بسمه :من بين البجي تمددت على الكاع وما حسيت بنفسي غير على واحد يمسح على شعري........
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
