___________________
مهما كان ما سيحصـل ، أريد ان يحصل ونحنُ معـاً 💛
_______________
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : شنو حامل
علي : شبيج حبيبتي انتي حامل
بسمه : الحمدلله على هذا الرزق
علي : ليش ضجتي يا عمري
بسمه : مو وقته سراج بعده صغير
علي : كله رزق من رب العالمين لا تشيلين هم اني اساعدج عليهم
بسمه : الله كريم حبيبي......... علي ردت احجي وياك بشي
علي : اي حبيبي كولي
بسمه : علي اريد ارجع اداوم بالشركة
علي : بس بعدج تعبانه ونوب حمل وسراج صغير
بسمه : تعبت علي اني اريد اطلع واذا على الحمل بس احس روحي تعبانه اني ارجع الاجازة وسراج اودي لبيت اهلي
علي : على راحتج حياتي
بسمه : ضلينا كاعدين نسولف لو نتعاتب حته الاكل نسيناه ما حسينه اله صارت العصر......... علي ليش لهسه سراج ما جابو اهلي
علي : اني خابرتهم كتلهم عوفو يمكم اريد اضل بس اني وياج
بسمه : لا علي والله خطيه............
علي : بسمه محضرلج مفاجأة بليل توصل
بسمه : علي شنو
علي : شلون تصير مفاجأة اذا اكولج........ يله حبيبتي كومي بدلي خلي نطلع نتعشه بره
بسمه : اوكي حياتي ................ طلعنه تعشينه بمطعم كولش هادئه ضلينا وقت كولش هوايه جنت ما احس بالوقت وياه علي جان راقي بتعامله وياي بكولشي ..... رجعنه للبيت لكينه سياره بيضه واكفه يم باب بيتنا ..... علي منو جاينه بهل وقت
علي : هيه هاي المفاجأة..... حبيبي هاي هديه مني الج بمناسبة الحمل
بسمه : لا علي دا تتشاقه........ بس اني ما اعرف للسياقه
علي : حبيبي اني اعلمج تره سهله وانتي ذكيه راح تتعلمين باقرب وقت
بسمه : كولش فرحت بيها........... ضليت شهرين اتعلم وراها طلعت اجازة سياقه...... صرت اروح للشركه مرات بيها ومرات ويه علي اذا عندي شي باليوم اروح بيها او لهلي يعني كولش متونسه بيها ....... صار عليه 6 اشهر طلعنه للشمال خلصنه احلى سبوعين جنت كولش متونسه فترة حملي جانت احلى فتره عشتها ويه علي قمه بالهدوء والرومانسية والاحترام ........ رحت للدكتورة وعرفت بيه بنيه فرحت كولش اني ردت ابنيه
علي : هااا حياتي بشريني شنو بيج
بسمه : بنيه حبيبي
علي : عليج الله بنيه الك الحمد الشكر يا ربي
بسمه : الحمدلله
علي : احنه بعدنه ع اتفاقنه سراج انتي سميتي والبنيه اني راح اسميها
بسمه : شنو راح تسميها
علي : كولشي بوقته حلو
بسمه : ضليت خايفه من الاسم الي راح يسمي علي وكل ما اساله شنو الاسم يكولي كولشي بوقته حلو........ خلصت 8 اشهر من حملي ما بين الشركه والبيت وسراج حبيبي كام يوكف ويطيح بعده ما يمشي بس شنو كولش حرك ميكعد كل شويه كاسر شي من غراض البيت وعلي من يجي من الدوام يضل هوه يمه لن تعبت من دخلت بشهر التاسع صرت كولش ثكيله ....... فد يوم جنت نايمه صار عندي وجع ضليت افتر بالبيت 3 ساعات وراها ما كدرت كعدت علي لن كولش تاذيت خابرت ع اهلي ماما جان صاعد عدها السكر رحت وديت سراج يمهم واجتي رسل وياي للمستشفى ضليت ساعتين وشرفت بنتي للدنيا جنت كولش تعبانه بس من شفتها راح التعب مني اجه علي يشوفها
علي : الحمدلله علي سلامتج حبيبتي.........اللهم صلي على محمد وال محمد
بسمه : الله يسلمك حبيبي
رسل : الحمدلله على سلامتج بسومه ضل بالنه يمج خطيه علي ابد ما كعد ضل واكف ينتظر شوكت تولدين
بسمه : الله يسلمج حبي......... رسل شلون صارت ماما
رسل : الحمدلله زينه
بسمه : علي شنو راح تسمي الطفله
علي : ريتاج
بسمه : دمعت عيوني شلون يباوع عليه ويكولها...... شكراً علي
علي : حياتي ما اخلي شي بنفسج انتي ردتي سراج و ريتاج وصارو سراج و ريتاج
بسمه : طلعت من المستشفى رحت يم اهلي علي ما قبل اروح بس كتله سراج وكح منو وياي يساعدني هم هاي الطفله وهم سراج بعده صغير
علي : ما اريدها تبعد عندي ابد بس هم حقها اني عندي دوام منو وياها
بسمه: ضليت يم اهلي 10 ايام بين الطفله وسراج الي بس يبجي يريد ابو ويغار من الطفله مرتين لكيته لو مخلي عليها البطانية لو يضربها خطيه وهيه بس تبجي اجتي خالتي وزينب وزهراء ومروه زوجة حسن ومنى زاروني الي يوم15 رجعت لبيتي بس كولش تعبت من سراج من يشوف الطفله بحظني يضل يبجي وعلي لو يشيله لو ياخذ الطفله يشيلها انتبهت على موبايل علي كل ساعه توصل رسالة بس شنو هوه ما مهتم وره يومين جان كاعد يمي ولازم موبايله تجي رسائل وهوه هم امبين يكتب ترك الموبايل ويلاعب بسراج وره شويه صارت تجي مكالمات بس ما يرد
بسمه : علي ليش ما ترد
علي : هاااا لا ما اريد مو شي مهم
بسمه : لعد انطينيها اسوي صامت..................وهيه تريد تاخذ الموبايل
علي : لا لا اني اسوي
بسمه : انصدمت شلون بَعد ايدي واخذ الموبايل . . ........... ضل بالي يم علي شنو الي جاي يصير وياه........وره نص ساعه طلع للطرمه يخابر..... اني خليت ريتاج بالسرير وطلعت اشوف شنو الي جاي يصير
علي : انتي ليش مو مؤدبه و مو محترمه حجيت وياج يعني احبج قابل..... فتهمت اني سولفت وياج يعني لازم احبج........ باعي ساره اذا اتصلتي بعد ما تلومين بس نفسج......... لا ما احبج.... اي احب بسمه ومراح احب غيرها هيه واطفالي كولشي بالنسبه الي فتهمتي لو لا
بسمه : لا مستحيل علي جاي يحجي ويه ساره........ يعني ذيج الفتره يتراسلون هوه وياها كولش ضجت رحت اخذ الموبايل منه شفته فعلاً جان يحجي ويه ساره
علي : شبيج بسمه تخبلتي شلون هيج تاخذين الموبايل مني
بسمه : اي تخبلت مثل ما انته تخبلت....... جنت كولش عصبيه ما اعرف شلون طلعت مني هاي الكلمه
علي : انصدمت شلون بسمه هيج تحجي وياي ما سيطرت على نفسي ضربتها راشدي
بسمه : علي تضربني
علي : اي اضربج لن مو محترمه لن لو محترمه ما تحجين هيج ويه زوجج
بسمه : ليش زوجي محترمني لو محترم وجودي علي هاي نهايتها تضربني علمود ساره مع الاسف عليك
علي : ضجت من نفسي لن ضربتها وحقها بكلشي كالته اني ما جنت احجي ويه ساره بشي مو زين هيج كلام عادي بس يبقه كلامي وياها جان كولش خطا
علي : ................
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
