الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
اجه مصطفى اني جنت بالمطبخ........دخل للاستقبال سلم وكعد انوب كال اريد اغسل رائد كله روح للمطبخ
اجه اني جنت اغسل اماعين جان يحجي من ورايه
شلونه الحلو اليوم
بسمه :اهلاً واسهلاً هلو مصطفى
مصطفى : اني هيج اسمي حلو اول مره اسمع اسمي بصوت بُلبُل
بسمه : صارت ابتسامه بسيطة على شفتي
مصطفى : هااا فكرتي بموضوعنه
بسمه : مصطفى اني ما فكرت بشي وثانياً انته الف وحده تتمناك هاي بنات عمامي يتمنن تجي وتخطب وحده منهم
مصطفى: بس اني اتمناج انتي
بسمه : مصطفى انته اذا حجيت كلمه وحده اني دراستي بعد ما اكدر اكمل
مصطفى: ولا تكملين اني اريدج الي وحدي وراح اعيشج احلى عيشه
بسمه : لا مصطفى ابد انساني
مصطفى : شنو هل حجي هوه بكيفج ولج اني صار اسبوع افكر بيج اليل ما انام وافكر شنو راح اسوي بعرسنه
بسمه : بس انت ما فكرت شنو الي اريده اني
مصطفى :وشنو الي اتتمنا البنيه غير رجال يحبها ويصونها ويعيشها احلى واحسن عيشه
بسمه اني اول ما شفتج بحنة رائد دخلتي بنص گلبي
ولج ابد ما لفتت انتباهي اي ابنيه وانتي تربعتي بنص هذا .....ويأشر ع گلبه
بسمه : مصطفى لا تصعبها عليه وعليك اذا صدك انته شاريني انتظرني اكمل لو بس اعدادية
مصطفى : مستحيل انتظر تعرفين ولد خوالي كلهم هسه راح يجون يتسابقون منو يخطبج
بسمه : بس ما اقبل ولا واحد بيهم وحته انته اذا خطبت مراح اقبل بيك لن دراستي عاجبني اكلمها
مصطفى : هيج الحجي الضاهر بالمدرسة اكو واحد عاجبج
بسمه : انته شلون وتكدر تحجي وياي هيج
مصطفى: لعد فهميني شناقصني
بسمه : ما ناقصك شي وكتلك انتظرني اذا صدوك تحبني
مصطفى : ولن احبج اني راح اتصرف انتي بعدج طفله
فدوه لهاي العيون الي معصبه عليه
بسمه : اني مو طفله مصطفى انتبه لكلامك
مصطفى : شلون مو طفله فهميني ولج انتي راح تضلين بعيني طفله وصغير يا بت گلبي
اني راح اروح ولج الصافي
بسمه :بس لا تسوي شي يدمر مستقبلي وطموحي
مصطفى : راح اروح تاخرت بالمطبخ هسه شيكولون
بسمه :راح مصطفى وخلاني بدوامه اله اول ومالها تالي
رسل : ولج تعاي تعاي يا خاينه
هاي شصاير من ورايه عفتج اسبوع صاير قصص حب هنا واني ما ادري
بسمه : جاي نحجي اني ورسل عمتي طلعت كالت مع السلامه بنات
سلمنه عليها وطلع وراها مصطفى ضحك بوجهي ضحكه سحلت گلبي بلا تردد بتسمت اله
اجتي رسل تعاي سولفيلي جان يصيح عليها رائد
رسل : رائد حبيبي شويه واجيك
يله ولج سولفي مو الفضول اكل گلبي
بسمه :سولفت لها من يوم الحنه لليوم
رسل: وانتي شنو رائيج
بسمه : رسل انتي صديقتي واختي قبل ما تكونين زوجة اخويه
مصطفى ماكو ابنيه ترفضه حلو وامرتب ومتمكن ويحبني واني احس انجذبت اله بس مو معنها اضحي بدراستي اني اريد اضمن مستقبلي والشهادة سلاحي للدنيا
رسل : وشلون اذا خطبج اخوج مراح يرفض
بسمه : اي اعرف اني حاجيته يترك هذا الموضوع
بسمه : راحت رسل واني نمت وره اسبوع اجه عمي خطبني اخواني ما قبلو لا رافد ولا رائد بابا كال انشوف البنيه اني رفضت ونوب بيومين اجه نفسه عمي كال ابو رائد البنيه ما تطلع من يمنه وكلولي اخواني انو اخطبها لواحد من ولدنه
نفس الرد جان من يمي
فه اخواني عصبو مني لن مجاي اقبل بواحد من ولدنه
وره فتره اجتي عمتي
ام مصطفى : عيني ابو رائد اني جايه و ما اريد ترجعني مكسور خاطري
ابو رائد : تفضلي خيتي اني شعندي غيرج
ام مصطفى : اني جايه اريد اخطب بسمه لــ مصطفى
ابو رائد: والله ام مصطفى اني ما عندي اي مانع لا على مصطفى ولا على اي واحد من ولد اخوتي بس البنيه ما تريد تتزوج وتريد تكمل دراسه وما يكون خاطرج اله طيب
نسال البنيه و انشوف
بسمه طلعت عمتي واني احس بطني كامت توجعني احس اكو قهر ينتظرني
لليل اني افكر لو مصطفى لو دراستي
مصطفى ما ناقصه شي ولد حلو ومرتب وشخصيه والف ابنيه تتمنا وفوك هذا كله يحبني وكال ادللج
صفنت تذكرت من يكولي يا بت گلبي
عمري ما حسيت بحنان شخص مثل ما حسيت ويه مصطفى محد فد يوم كلي كلام هيج حلو وحسسني شكد اني مهمه بالنسبه اله
بس مصطفى حته اذا قبلت بي راح يگعدني رافض الدراسه
ضليت صافنه مده طويله ونوب كلت الله كريم الي بي صالح ربي يقدمه الي نمت متاخره
ثاني يوم الضهر كاعدين ع الغداء
ابو رائد : البارحه ام مصطفى اجتي وتريد تخطب بسمه لــ مصطفى
رائد: اي مابيها شي مصطفى خوش ولد واحنه نعرفه وما بي شي يتعيب
بسمه شنو رائيج؟
بسمه : ما موافقة اريد اكمل دراستي
رائد : جلبتي بالدراسة هيه المراة نهايتها للبيت والجهال
بسمه : بس اني مو هيج
رائد : لا دراسه ولا بطيخ اقبلي بــ ابن عمتج واسكتي
بسمه: بس اني ما اريد هيه مو كوه
رائد : لا كوه و اذا اشوفج بعد تروحين للمدرسه رجلج اكسرها
ابو رائد : بعصبيه ولك رائد شلون هيج تحجي ويه اختك واني كاعد
رائد : يابه ما متشوفها شلون ترادد
ابو رائد :عوفها براحتها بسمه بنتي انخطبي لمصطفى واذا ما عجبج نفسخ الخطوبه
بسمه : لا بابا اني اريد مدرستي
رائد : بعصبيه واني شكلت ولج خاف عندج شي بالمدرسة اشوفج ميته على المدرسه
بسمه : صارت مشكله بين بابا و رائد بسببي
صعدت شبعت بجي انوب سمعت صريخ نزلت لكيت ابويه متخربط
جان يجي عليه رائد
رائد: اذا صار شي على ابويه اله ادفعج الثمن غالي
لليل يله اجوي بابا ورائد من المستشفى
بابا جان كولش ضايج من رائد
طلع صاعد الضغط عنده
انوب اجتي رسل
رسل: رائد يكول لو تقبل بــ مصطفى لو تترك الدراسه لخاطر ابويه تره صحته ما تتحمل اكثر مشاكل
رسل: بسمه صدگيني توسلت بي يعوفج بس هوه عصبي ومعند حجيت وياه كال اذا سمعتج بعد تحجين هسه اوديج لهلج
بسمه : لا حبي رسل عادي هذا امتحان الي من رب العالمين يريد يختبر صبري
بسمه : دزينه خبر لعمتي بالرفض اجتي هيه و مصطفى ضلو فتره يسولفون
مصطفى: خالو اريد احجي ويه بسمه
ابو رائد : اي تدلل خالو بسمه بابا تعالي ابن عمتج ايريدج
مصطفى: خالو عادي نطلع بالحديقة نسولف
ابو رائد: اي خالو على راحتك
بسمه : طلعنه نسولف اول مره اشوف عيون مصطفى هيج تعبانه واشوفه مقهور وعصبي
بس اني قهري اكبر منه
مصطفى : شلونج بنت خالي شلونج يا بت.....
بسمه : ضل ساكت هلو مصطفى
مصطفى : ليش هيج تعبانه شبيها عيونج الحلوات ذبلانات، ...........بسمه ليش رفضتي ليش هيج سويتي بينه
بسمه : ما جنت متوقعه انته الي راح ادمر مستقبلي
انته جنت الامل الي اشوفه منور حياتي
انته دمرتني بس اريد اكولك شغله اني الي غلطت مو انته وعمري مراح اغلط واسلم گلبي لجنس ادم
مصطفى : اني غلطت لن ردت اخذج واخليج بنص بيتي و گلبي
بسمه : بس اني كتلك اريد مستقبلي انته ما حترمت رغبتي وطموحي
مصطفى: طموحج ودراستج اغلى مني
بسمه : وره مدة صمت..............اي اغلى
مصطفى : رجعي عينج بعيني وكوليها
بسمه: مو مهم
مصطفى : لا مهم بالنسبه الي اني كتلج اعوضج عن الدراسه وعن كولشي اني اريدج الي والبيتي اريدج حظن دافي الرد من الدنيا اله
بسمه: واني شنو من كل هذا اصيرلك جاريه وخدامه مو
مصطفى : هاي هيه يا بت گلبي كولشي خلص اتمنالج مستقبل حلو
....
.
.
.
..
.
.
.
وره فتره سمعت مصطفى هاجر للنمسا، عشت اسوء سنه بحياتي مرات اكول لو قابله بمصطفى مجان احسلي من هل عذاب ومرات اكول لا يجي فد يوم واكمل دراستي
.......................
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
