ليتنا نستطيع أن نسأل الطرقات عن نهايتها
قبل ان نسلكها
_________________________💜🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
مير : انقبل طلب النقل و بديت اصفي كل شغلي الي بغداد والشقه مالتي خليتها للبيع وره ايام اجه عليها مشتري واخذها قررت باجر ارجع للبصره بليل حضرت كل اغراضي ردت انام ما كدرت كلت خلي افتر يم دجله ساعه وراها بوجهي اطلع للبصره اخذت اغراضي خليتهم بالسياره وطلعت واكف شويه على الجسر احجي ويه دجله
امير : تتذكرين اول يوم اجيت هنااا شلون جنت مرتاح وفرحان ............. راح ارجع منج مكسور...........دجله اشوفج بخير ان شاءالله راح اشوفج من تلتقين انتي والفرات ...... يمج اني فترقت من حبي الاول بس انتي يمي هناك راح تلتقين ويه حبج الابدي
كمت وجان اشوف بسمه واكفه هيه واخوها ردت اروح
امير روح سلم عليهم
لا امير كمل طريقك
امير روح بس سلم ورجع
ضليت اتقدم وارجع وراها اخذتني رجليه و رحت سلمت عليهم
امير : السلام عليكم
بسام و بسمه : وعليكم السلام
امير : اسف على الازعاج بس شفتكم حبيت اسلم
بسام : ماكو اي ازعاج استاذ انته فضلك مراح ننسى طول حياتنه
امير : اول شي عوف شغلة استاذ اني مو بالمحكمة اسمي امير.......... كلت اسمي وباوعت على بسمه ....... و الشغله الثانيه الفضل لــ رب العالمين شنو هل حجي
بسمه : جاي يحجي المحامي و رن جهاز بسام شفته رائد
بسام : من رخصتك استاذ 😅 قصدي امير
امير : اخذ راحتك حبيبي
بسمه : بكلبي وين عفتني بسام
امير : شلونج
بسمه : الحمدلله بخير وانته
امير : زين......... اليوم راح ارجع لولايتي
بسمه : توصل بالسلامه
امير : يمكن بعد ما نحجي ولا نلتقي اريدج تضلين قويه وابد لا تضعفين وتبجين
بسمه : ضليت اباوع علي مثل الخبله زين انته شعليك هيج تحجي وياي........ ان شاءالله
امير : ادخيلج لا تباوعين هيج اسم الله عليج من الحسد عيونج حلوات
بسمه : يمه هذا شبي دنكت بعد ما رفعت عيني
امير : يله اترخص معه السلامه
بسمه : معه السلامه
امير : تقدمت خطوتين و رجعت باوعت عليها........ بسمه انتي من اروع واحلى البنات الي شفتهم بحياتي اتمنالج كل خير
بسمه : المحامي راح ونوب رجع اندار عليه وحجه وياي حجي كولش استحيت منه....... شكراً الك استاذ
امير : شفت بسام واكف قريب على سيارتي سلمت علي وصعدت بالسياره مشيت مسافه وراها وكفت مسحت وجهي لن كله عركان وحس عطشت
امير هاي شبيك وليش هيج حجيت انته ما تبت شنو الي حصلت من الحب غير بس التعب....... كملت طريقي اول ما طلعت من بغداد طاحت دمعه من عيوني على كل الايام الي خلصتها بيها راح انساج وانسى كل الي بيج انتهى كولشي.....بعد ولا اوصلج
بسمه : راح المحامي واني ضليت بصفنتي
بسام : هااا بسمه وين صافنه
بسمه :هااااا لا ماكو شي..... بسام شيريد رائد
بسام : يريد يعرف وين طالعين وضل يحجي وياي علمود رافد يكولي انته قريب من بسمه احجي وياها انو انريد نخطب واذا شفتها ضايجه عوفها
كتله قبل شويه اني وياها نحجي بهذا الموضوع والبنيه ما عدها كل مانع
بسمه : زين سويت لن صدوك اني ما عندي كل مانع
بسام : هااا شبعتي لو نبقى بعد
بسمه : اي بسام محتاجه بعد شويه
بسام : اوكي
بسمه : كلام المحامي ضل ابالي يدور و اول مره ينطق اسمي دايماً يكولي ست او اخت
رجعنه للبيت كل واحد لغرفته رجعت العالم مالتي غرفتي كلشي بالنسبه الي اطلع بسمه الحقيقة لا اضحك جذب ولا اجامل ولا ابتسم وداخلي مدمر
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
