...............
أخبريهم أنكِ ملكي ، لقد أرهقتني الغيره ❤️🩹
...........
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : كعدت لكيت نفسي بالمستشفى........هاي شنو اني شلون اجيت لهنا باوعت بسام وامي ورائد يم راسي.... ماما وين سراج
ام رائد : حبيبتي يم رسل لا يضل بالج.... ماما شلون صرتي هسه
بسمه : ما اكدر اجاوبها رجعت غمضت عيوني ما اعرف صدك هيج تعبانه لو روحي تعبانه لو ما اريد ارجع للواقع
__________________
علي
...........
علي : من رجعنه من العرس رحنه اني و بسمه ناخذ سراج لكيت رافد يحجي ويه مصطفى ابن عمتهم حجيت اني وياه شويه انوب راد يحجي ويه بسمه
حجت وياه بسمه انوب سدت الكامره ضلت تحجي وياه بس صوت راحت لغرفة رائد حته اتجيب جنطة سراج واغراضه بهل اثنا دزولي صورنه مال العرس ردت اروح اشوفها الها فتت بالممر سمعت رسل ورائد يحجون بالمطبخ
رائد : ولج ابويه شكد حجه مو كال ما اريد بسمه تحجي ويه مصطفى
رسل : وهيه شعليها تره علي انطاها الموبايل
رائد : رسل مصطفى بعده يحبها ما انريد تصيرلها مشاكل ويه زوجها روحي حاجيها تترك الموبايل واني اله هذا مصطفى يعني شلون بس يسمع هيه يمنه لازم يحجي وياها خل ينسه كافي عاد
علي : انصدمت هاي شنو معقوله مصطفى يحب بسمه لا مستحيل مو على بسمه يحجون رحت جاي افتح الباب وهنا الصدمة الاكبر عليه من سمعتها تحجي وياه
__________
بسمه : حنيتلي لعد وين جان ضميرك من عفتني وين جان گلبك من تركتني سنين وهسه جاي تكولي حنيتلج
بسمه : مصطفى شكد اناني انته بس كولي...... يعني انته عايش حياتك وتزوجت قبلي وعفتني سنين طويله ما سالت هاي وين راحت وهسه تريدني الك..... علي مو بس حبيبي علي كلشي بدنيتي مصطفى انساني وعيش حياتك احنه انتهى كولشي بيناتنه من عفتني بالحديقة تتذكر من ما حاربت علمودي من تخليت عني علمود افكارك وانانيتك
________
علي : جنت اسمع بس ما كدر كولشي اسوي جنت اتمنى ادخل واكسر راسها على هذا الشي الي سوته بيه بس انتظرت تكمل مكالمتها سكتت ونوب رجعت تحجي
__________
بسمه : لا مصطفى انسه كولشي وعيش حياتك وعوفني اعيش حياتي اني احب علي اريدك تعرف هذا الشي علي وسراج اهم شي بحياتي..... تعرف علي هوه الي علمني الحب علي شوفني الحب علي عيشني الحب..... مو مثلك انته سجنتني بقفص اسمه الحب وعفتني مسجونه ورحت ...
___________
علي : ما كدرت اسيطر على اعصابي صحتلها تطلع لن اذا ادخل عليها خاف اضربها واذيها..... طلعت للسياره حته عمي وعمتي سلمت عليهم من الباب رحت صعدت السياره وره شويه اجتي بسمه...... تحجي وياي ما اسمع حجيها الي تكوله ......لا اسمع حجيها ويه مصطفى يرن باذاني..... واني اكول الولد ليش من يشوفني يضوج ومرات احسه ميريد حته يحجي وياي واكول لا متوهم هوه هيج طبعه طلع يحب مرتي طلع يحب روحي اني من الدنيا اغار عليها مو واحد يحبها تذكرت من شالها من حظني وراح خلاها بسيارته بوقتها تمنيت لو وميت ولا هل شي الي سمعته جنت شكد مغفل واني اكول ليش ما تحبني انوب تذكرت تكله علي كولشي بدنيتي ..... هذا الشي برد گلبي انو هيه تحبني اني......الي ضوجني ضمت عليه كل هاي المده والي قاهرني اكثر اني بكل مره انطيها الموبايل تحجي وياه جنت احس هيه ما تريد تحجي بس اكول مستحيه حاجتني بالسياره ما اعرف شنو كتلها لن ما جنت مستوعب الشي صار كبال عيني كل ايام الي عشناها سوه.... ما اعرف شلون وصلنا لبيتنه ضليت كاعد بالصاله هيه تجي تحجي وياي بس اني ما جنت اكدر احاسبها لن بوقتها ما اكدر اتناقش خاف اضربها خاف اصيح عليها ما اريد اضوجها ضليت للصبح كاعد قررت اطلع من البيت.... بس قبل كولشي رحت تسوكت وجبت حليب لسراج وكلشي يحتاجونه خاف اغيب هويه عن البيت......... رحت بست راسها قبل لا اطلع جاي اطلع من الغرفه بجه سراج رحت سويتله ممه خطيه خاف تكعد خليها نايمه مرتاحه....... طلعت بس عبالك عايف روحي بالبيت..... رحت يم صديقي هوه ولد من اهالي الناصريه يدرس هنا فه عنده شقه بوحده كعدت يمه جانت تتصل بس ما اكدر ارد عليها جان كل كلامها يفتر براسي ابد ما نسيته ولا مره.......مرتين رحت للبيت بس ما كدرت ادخل اوصل الباب من اسمع صوت القران الكريم بالبيت اعرف هيه موجودة اني خفت تعوف البيت و تروح لاهلها
بيوم جنت هسه طالع من الشركه جاي اروح يم صديقي اتصلت بسمه كل عاده ما جاوبت .......ورها اتصل عليه رائد
رائد : هلو علي شلونك
علي : هلو رائد الحمدلله وانته شلونك
رائد : الحمدلله...... اكولك علي احنه بالمستشفى لن بسمه تعبت شويه وجبناها
علي : ششنووووو رائد شجاي تحجي شبيها بسمه
رائد : لا تخاف مابيها شي بس عدها نقص تغذيه وهيه حامل تخربطت
علي : وهسه شلونها
رائد : والله بعدهي تعبانه
علي : هسه جايكم ........ كولش ضجت من نفسي لن تعبتها عرفتها هاي من ورايه ما ماكله شكد غبيه هسه الاكل شعلي والله واذا الزمها اجنزها ليش ما تاكل يطبه مرض علي واذا راح طلع من البيت..... تذكرت رائد كال حامل..... معقوله راح اصير اب مره ثانيه ابتسمت بس بالي يمها ....... وصلت للمستشفى
......................
...............................
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
