الحياة على قيد الامل

البارت الثاني

الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•

ضلت حياتي طبيعيه بين المدرسه والبيت واخوني شنو يحتاجون يصيحون عليه مرات ما الحگ اقره بالنهار اضل سهرانه للـ2 باليل اقره واكتب دروسي مرات يكعدون ماما وبابا للصلاة الصبح واني اقره اخاف ارسب بدرس واخواني يلزموها حجه ويكعدوني من المدرسه رسل هاي الفتره تغيب يوم و اداوم يوم لحد قبل يوم الحنه كالت

رسل: باجر ما اداوم ولا يوم العرس حبابه بسمه من يخلص العرس اخذ منج كل الواجبات
بسمه :عادي حبيبتي المهم اريدج اتفرحين واطلعين احلى من العروسه
رسل:لا توصين حريص اني محضره كولشي زين انتي ما تكدرين تجين اني سولفت الــ ماما وكالت اني اعزم ام رائد واخليها تجيب بسمه وياها
بسمه: ولو ما اعتقد يقبلون يله انشوف شيصير ويانه والله كريم

بيوم حنة اخو رسل رجعت من المدرسه

ام بسمه:ماما بسمه خلي نكمل الغده بسرعه ونخلص شغل البيت حته من يجون خوانج وابوج انخلي الاكل وراها نحضر نفسنه
بسمه: ليش ماما اليوم انروح للزيارة لو لــ عمامي
ام بسمه: لا ماما عزمتني ام رسل واني خابرت ابوج وقبل انروح

بسمه .....صرت طياره ولا همني تعب المدرسه وما نايمه هوايه خلصت شغل البيت كله ورحت حضرت ملابسي كلها اني ما عندي هوايه ملابس حفلات فستان بنفسجي والثاني زيتوني مال محجبات اختاريت الزيتوني يبرز عيوني اكثر

اجه بابا ونوب اخواني وره شويه اجه رائد من الكليه كعدنه نتغده
ام بسمه: اي عيني ابو رائد العصر انته تودينه
ابو بسمه: صار بس اريد احلى چاي من احلى بنيه بالدنيا
بسمه : صار بابا تدلل رحت للمطبخ جان اسمع عياطهم
ابو بسمه: شبيك بابا هيه حفلة بنات و اني اعرفهم الجماعه محافظين وميخلون ولد يدخلون ثانياً تعرف اختك
رائد: من شوكت عدنه زيارات للجوارين
ام بسمه: مو بس جوارين البنيه بتهم دايماً يمنه يعني احنه اهل
بسمه : من ماما حجت هيج اشوف رائد سكت قدمت الچاي الهم و لملمت السفره ونظفت المطبخ وصعدت ركض حضرت نفسي خليت شويه مسكاره ومرطب شفه بس ترتيب
نزلت ماما محضره نفسها طلعنه تفاجئة رائد ياخذنه مو بابا ما حجيت لن بس احجي ميخليني اروح اول ما دكينه الباب طلعت بنيه كتلها صيحيلي رسل
جان تطلع مخليه شال على شعرها بس لو منزلت احسن كل شعرها امبين

رسل : ولج هلو هاي انتي ولا اصدك اجيتي
بسمه: هلو بيج بس ادخلي فضحتينه
رسل: شكو محد بالشارع
بسمه: لا محد بس اخويه اكلج بعيونه
رسل : اباوع هذا رائد گبالي ولا انتبهت عزا العزاج بسمه غير تحجين
بسمه: هوه انتي انطيتيني مجال لوك لوك
رسل :اتفضلو اهلاً واسهلاً هلو بيج خاله ام رائد
اتفضل عيني رائد اصيحلك الولد هسه
رائد : لا شكراً اني باليل اجي للحنه
رسل : سديت الباب واكول فدوه لطولك شوكت ما تجي گلبي قبل بابنا مفتوحلك
بسمه : انتبهت رسل شلون تحجي وياه وهوه هم اكو شي يا جماعه ولازم اعرفه دخلنه للحفله وجانت كولش حلوه