________________________💜🦋
“لا شيء أسوأ من أن يُعاد شعور قديم ، جاهدتُ طويلاً لتجاوزه.”
- دوستويفسكي
________________________💜🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بديت اعزل بالمسواك
سويت تمن و حازم اخذ السمج يشوي ........سويت لبن وزلاطه........ تغدينه جانت كعده حلوه
جنت احس بنظرات مصطفى عليه...... بس احنه كبرنا حب المراهقة خلص هوه تزوج واني هسه ابنيه ارمله
و زوجته ابنيه حلوه وما ناقصها شي
صار العصر
سويت چاي وخليت كعك بمواعين قدمت الهم
جهال مروه وبنت مصطفى يلعبون بالحديقه شويه واجتي بسمه الصغيره تبجي جهال مروه ضاربينها خطيه من البجي نامت بحضن ابوها
بدينا نحضر بالعشاء اني و مروه وملاك فرشنا السفره وكلها كعدت تاكل جان تكعد بسمه تبجي
مصطفى : تعالي يا بابا لا تبجين
بسمه : الطفله كلش متعلقه بابوها وحته مصطفى متعلق بيها اجتي امها اخذتها غسلتلها ورجعت كعدت توكلها
مصطفى : بت گلبي
بسمه : بس كالها رجعني سنين طويله 😳انصدمت اباوع علي شلون كالها كدام الكاعدين كلهم ...........وراها سمعت الطفله حجت
الطفله : هااا بابا
مصطفى : تعالي بابا يمي اني خلصت اكل خلي امج تتعشه
بسمه : حته هاي الكلمه منطيها لــ بنته
الله يحفظها اله
كملنه عشه وكلها راحت نامت اني ضليت بغرفتي ما كدرت انام طلعت للحديقه ضليت كاعده واحجي ويه النجوم جانت بالسماء 3 نجوم قريبات من بعض اكول ذني النجوم علي وسراج وريتاج ضليت احجي وياهم مثل كل يوم
تذكرت اخر ايام شلون جنت عايشه حياة هادئة وحلوه
نزلت دمعتي بدون ما احس كلت باجر اخابر على بسام يجي ياخذني لن مصطفى اجه وما يصير ابقه هناا حته ابويه اذا عرف مصطفى موجود ميقبل
ضليت كاعده على الكرسي ومغمضه عيوني احس بصوت الاشجار وهدوء
_______________
مصطفى : وراه اخر مكالمة بيني اني وبسمه عرفت بسمه كلبها مو الي عرفتها حبت علي
ما كدرت انساها بس بنفس الوقت فرحان لن هيه مرتاحه وتحب زوجها وزوجها هم شاب مرتب ومتمكن ويحبها
بدت بنتي تكبر كلما اكول اسمها احسها يمي بديت اكولها بت گلبي لان صدوك اول ابنيه صارت بگلبي هيه بسمه
من تكولي بابا احس تاخذ روحي مو بس گلبي بسمه صارت كل حياتي
وره فتره عرفت بسمه مسويه حادث واطفالها ميتين ثنينهم راحت روحي عليها وكل يوم اخابر على امي حته اعرف منها شنو صار ما اكدر اخابر على ولد خالي لان يعرفون اني احب بسمه وره ايام عرفت توفى علي
هنا تمنيت ارجع للعراق بس علمودها هسه شيصير بيها
خطيه هيه تحبه شنو راح يصير بحالها
امي ما قبلت لن كالت البنيه كلش منهاره ضل گلبي يمها
اني بهاي الفتره بديت اصفي كل شغلي حته ارجع استقر بالعراق
رجعت للعراق بس كلت لحازم لا تكول لامي اني راجع وحازم بالسيارة كال اني هم محضرلك مفاجأة
كتله شنو ما قبل يحجي من وصلت وشفتها صدوك جانت مفاجأة و مفاجأة حلوه
من كلت بت كلبي ما جنت رايدها تضوج بس اني متعود اكوللها لبنتي من باوعت عليه اخذت روحي فدوه لعيونج شكد احبهم
كلها راحت نامت اني فزيت باليل على صوت فتحة الباب كلت شوف منو طلع وراها ما كدرت ارجع انام كمت من الفراش رحت للطارمه وشفت بسمه مفتوح شعرها وكاعده على الكرسي ولامه رجليها على گلبها وتسولف ويه السماء وراها صفنت اني منتجي على الحايط وصافن عليها من غمضت عيونها كلت يمكن نامت رحت امشي على اطراف اصابيعي اباوع عليها
بت گلبي تعبانه وضعفانه ...... فتحت عيونها وتباوع عليه بهدوه
بسمه : هاااا مصطفى جاي تكول بگلبك هاي حوبتي
مصطفى : ليش هيج تكولين بسمه اني اتشمت بيج .....
اني مقهور عليج اني گلبي يوجعني على الي صار بيج............. ضلت تبجي
بسمه : مصطفى شفت الي صار بيه شفت الدنيا شسوت بيه
مصطفى : الحمدلله انتي زينه
بسمه : مصطفى شلون زينه ........ مصطفى تعرف شنو اطفالك يرحون من اديك تعرف شصار بيه من شفت علي بالمستشفى لو من خسرت طفلي الي بعده ما طالع الدنيا..........تعرف شنو احساسي من شفت قبورهم مصطفى بعد شتحمل لو من رجعت كعدت ويه اهلي خسرت كلشي بلحظه وحده تعرف شصار بيه بهاي السنه..........مصطفى اني هسه كدامك صفر كلشي ماكو ................. مصطفى تعبانه........
تعرف اني هنا من مشاكل صارت ابغداد ..............
مصطفى : (اخذتها بحظني)...............كافي يا روحي كسرتي گلبي كافي اني يمج شنو تريدين اني موجود
بسمه : مصطفى بت گلبك تعبانه .........بت گلبك تعبتها الدنيا 🥺
مصطفى : بسمه اني موجود وما اخلي الدنيا بعد تاذيج
بسمه : (بتعدت منه )مصطفى اريد اكولك شغله
مصطفى : كولي يا روحي
بسمه : مصطفى باجر راح اخابر اهلي حته ارجع لن ميصير اني اضل هنا موجوده
مصطفى : لا ليش ترجعين وليش ما يصير بيت عمتج وكاعده يمهم
بسمه : مصطفى اهلي يعرفون الي جان بيناتنا
مصطفى : لا لترجعين ضلي هنا اقل شي بعد اسبوع
بسمه : مصطفى ابقى بشرط اريدك تعتبرني اختك الصغيره.............. مصطفى وره الي صار بيه بعد ما اعتقد احب او ادخل علاقة حب
من حبيتك خسرت مستقبلي ودراستي ومن حبيت علي
خسرت حبي واطفالي وخسرت شخص يموت عليه ويخاف عليه من الهوه 🥺 الله يرحمه برحمته
مصطفى : بسمه اني حبي الج يضل بگلبي ما اكدر امنع گلبي نو ما يحبج..................اليوم من شفتج احس ردتلي روحي رجعت اسنين رجعت ذاك الشاب الي شافج بحنة رائد......... بس الي تريدي يجرالج يا بت گلبي
بسمه : مصطفى خليني اعيش وياكم مرتاحه لا تخليني خايفه منك
مصطفى : لا بسومه اذا حابه اني اطلع من البيت بس المهم انتي تبقين بالبصرة
بسمه : لا مصطفى شنو هل حجي بس اتمنى مثل ما كتلك تعاملني مثل مروه
مصطفى : هاي هيه تم الي تريدينه يصير
بسمه : تمام.......... اني راح ادخل انام اخاف واحد يطلع يشوفنه
مصطفى : تمام بسومه تصبحين على خير
بسمه : دخلت نمت وتذكرت شلون فتحت گلبي وحجيت كلشي لــ مصطفى
مصطفى اول حب وامان حسيته بحياتي
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
