•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
القاضي : حكمت المحكمة على المتهمة بسمه .........
بالبراءة
بسمه : بس سمعت حكم القاضي حسيت روحي نسحبت مني
امير : بس صدر الحكم بسمه طاحت من طولها شلتها من الكاع وخليتها على الكرسي رشيت على وجهه مي جان اكو حاجز بينه وبين اهل بسمه اجوي اني ارش على وجهه مي
بسمه : صحيت كل اهلي على راسي........ والله عيب هسه هذا المحامي شيكول عليه
ابو رائد : الحمدلله على السلامه بابا
بسمه : الله يسلمك بابا..... كلهم تحمدولي بالسلامه
امير : شلون صرتي هسه
بسمه : الحمدلله.
امير : يله شدي حيلج ضلت اجراءات بسيطه حته اطلعين وترجعين ويه اهلج
بسمه : اريد اشرب مي
امير : تفضلي هذا وعلى راحتج من ترتاحين نكمل........ اني اعوفكم ومن ترتاح خابروني
رائد : استاذ امير ما قصرت ان شاءالله انجازيك
وعلى مصاريف القضيه شكد تامرني اني بخدمتك
امير : اخ رائد هذا واجبي وعيب عليك تحجي على افلوس المهم اخت بسمه تطلع بخير وسلامه
بسمه : كملنا كل الاجراءات وطلعت ويه اهلي الف الحمدلله ................الحرية نعمه من نعم رب العالمين علينه
امير : من كملنا كل الاجراءات عبالي ترجع تودعني تشكرني ابد ما شفتها راحت ويه ابوها ضل رائد ورافد يريدون اخذ فلوس علمود القضيه بس اني جنت رافض.... ابد مستحيل اخذ فلوس اني الي رحت عليهم اني قدمت مساعدة اروح اخذ فلوس لا هذا مو مبدئي
بس كلت لــ رائد على هذا سلام هوه والمحامي مالته حتى ياخذون حتياطاتهم كال معليك بي هسه اخابر على ابوه .......... و دعوني وراحو اني بس كملت القضيه بعدني ما طالع قدمت طلب نقل
بسمه : بالطريق بالرجعه عرفت هذا سلام مهدد المحامي خطيه بس لا يسويله شي
رائد : الوووو...... السلام عليكم........ شلونك حسن
..... اخي احنه اهل ما نريد تصير بيناتنا دم الي سواه سلام سكتنه عنه وهوه جان وده اختي وره الشمس
بس تخابرون اخوكم وتكلوله اذا صار شي للمحامي مالتنا او اي واحد من اخوتي فه راح تصير مو زينه سلملي على ابوك.......... اي الحمدلله طلعت بخير وسلامه
بسمه : تذكرت اني حته ما سلمت على المحامي والله عيب استغفرالله اني بالي كله انو اريد اطلع....... تذكرت من لزم ايدي شلون حسيت بأمان
وصلنا للبيت جانت رسل تنتظرنه اول ما دخلت شبگتني وضلت تبجي
بسمه : كافي حبيبتي هاي شبيج صايره كولش ام دميعه
رسل : شتاقيتلج..........والج وحشه بالبيت
بسمه : حياتي اني هم شتاقيتلج
مصطفى : عمه الحمدلله على السلامه
بسمه : يا حبيب عمه الله يسلمك حبيبي
رسل : اكيد جوعانه
بسمه : رسل ميته من الجوع راح اروح اسبح حظريلي اكل بدون امر عليج
رسل : بعيوني بسومه روحي
بسمه : اموووووح 😚😚 فدوه اروح لــ صديقتي
كملت سبح نزلت لكيت اهلي مجموعين على السفره الله يديم هاي لمه
المجيــع امين
كعدت وياهم سوالف وضحك وبسام شلون يقلد على رسل ومصطفى وكل شويه يكلها راح نزوج رائد وهيه مصدكه بي و ضايجه
بسام : رسل اني منج ولا ابقى دقيقة وحده وياه اخذي ابنج هذا ابو راس مربع و روحي لاهلج
بسمه : بسام كافي عوف البنيه.... وليش تحجي على مصطفى يخبل حبيب عمته
مصطفى : عمو انته معليك هذا بيت جدو مو بيتك حتى نطلع منه
بسام : لك تعال اليوم انطيك تربيه شلون تحجي وياي هيج
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
