لم ارى شيئاً يُرد لي قوتي بس شوفه عيونك🤍
ستبقى من أروع ما أدخله النصيب والقدر الى عالمي ♥️
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : جايبلي بعد هم ملابس للبيت وجايب لسراج هم ملابس واحذيه صغار وحلويات.....كومه غراض مشتري
علي : بسمه اذا خلصتي شغلج من وكت حته انروح للسوك
بسمه : ليش علي شنو محتاج شي
علي : اي والله اريد اشتري قاط للحنه وللعرس
بسمه : اوكي ماعندي شي بس اخذ ملابسك الوسخه للغساله....... علي زين وسراج شلون يشلع كلبي بالسوك
علي : ناخذه لبيت اهلج خلي يم رسل
بسمه : اوكي عيني
علي : اليوم حابتني شنو كل ساعه تكوليلي عيني
بسمه : علي ليش هيج تكول تحسسني اني ما احبك
علي : يا عمري........ وهوه يحظن بسمه......... تعالي يا روح علي لا حبيبي اشاقه وياج كولشي ولا تضوج مني عصفورتي
بسمه : رحت لبيت اهلي خليت سراج يمهم وعلي نزل سلم عليهم وانطاهم علبة حلويات...... رحنه للسوك كومه فترينه يله علي عجبه محل دخلنه اشتره علي قاط للحنه واني ختاريت مال العرس قاط نيلي وقميص ابيض خلصنه كل احتياجات علي
علي : يله بسومه هسه كولي شنو تحتاجين
بسمه : شكراً علي ما محتاجه شي كولشي عندي
علي : لعد تعالي نتعشه لن تعبنه
بسمه : اي والله هلكنه...... علي انته اطلب على ذوقك اني اريد اخابر رسل بالي يم سراج
علي : اوكي حبيبي
بسمه : خابرت على رسل نايم سراج..... الحمدلله مدام نايم
علي : يله حبيبي عوفي ابنج وباوعي عليه شويه
والله لو شويه تهتمين بيه مثل ما تهتمين بسراج هسه اني مو هذا حالي
بسمه : عزا علي شبي حالك والله حرام عليك هيج تحجي بشنو اني مقصره وياك كولي
علي : سراج تهتمين بي من كل گلبج بس اني احس هذا واجب لازم تسوينه
بسمه : لا علي مستحيل انته جاي تغار من طفل عمره شهرين
علي : لا شنو اغار من سراج....... اكولج شدكولين اروح هسه لهلي لو على باجر
بسمه : بكيفك انته
علي : والله بعدني تعبان من السفر وهذا حسن كل شويه ويكولي شوكت تجون تتذكرين بالخطوبه من كال تجون قبل يومين
بسمه : عبالي نسه هاي الشغله
علي : لا ابد ولا ناسي يكول تعالو
بسمه : اوكي اريد اكمل كل شغلي وشنو احتاج اخذ وياي انته اذا تريد روح لهم
علي : لا حبيبي تعبان باجر امــر عليهم
بسمه : على راحتك........ كملنا اكل افترينه شويه اباوع على علي متونس حمدت ربي اني هوه ما ضايج مني ...... رجعنه للبيت وره ما رحنه لبيت اهلي حتى ناخذ سراج منهم.......... ثاني يوم لتهيت بشغل البيت وحظرت ملابسنه الي ناخذهن ويانا واتفقت ويه علي سراج يضل عند اهلي لن يتعبني هوسة عرس وناس
علي : هااا حياتي كملتي كل شغلج
بسمه : اي علي كملت
علي : اوكي يله خلي انام لن ورايه يوم متعب بس تعالي نامي يمي
بسمه : نمنه وثاني يوم رحنه وره الغده ....... دخلنه اني وعلي سلمنه عليهم وكعدنه كل اخواته جايات و زوجات سلام واحمد موجودات رحبن بيه ....... زينب زوجة سلام ........وزهراء زوجة احمد..........
بسمه : حبي زهراء وين اخلي غراضي
زهراء : تعالي خليهن بهاي الغرافه.... تره هاي غرفتج بس من علي ما قبل يسكن ويانه خالتي كالت محد يدخل بيها تضل غرفة علي
بسمه : شكراً زهراء
زهراء : تدللين
بسمه : دخلت للغرفه جانت فارغه بس اخشاب وفراش موجود بيها يعني امبينه متروكه بس نضيفه الضاهر نضفوها لن يعرفون راح نجي ..... جاي ارتب غراضي بالكنتور......... اندكت الباب...... تفضل
علي : هاي شنو ليش ادخلين غرفتي ما عندج اخوان تخافين عليهم تره اني استحي من البنات الحلوات
بسمه : ههههههههه ضحكتني والله...........لا عندي اخوان بس اني احب اتحارش بالولد الحلوين.......😳 انصدمة من روحي شلون هيج حجيت ويه علي
علي : هاي شنو التطورات بسمه وصايره تتشاقين ولج تعالي اني من رجعت من السفر لليوم احس بيج متغيره
بسمه : بمستحه...... اسفه علي
علي : يا روح علي وليش تعتذرين اني صديقج قبل ما اكون زوجج عادي اشاقي وياي اني عبالي انتي حته ما تضحكين كد الهدوء الي بيج
بسمه : فد خجلت من نفسي بس ما اعرف ليش هيج جاي اتصرف يعني روحي الي تتصرف ويه علي مو اني
لليل اجوي بيت عم علي بس عدهم بنيه ما ارتاحيت الها لن تتشاقه وتضحك ويه علي هوايه
سحر : انتي زوجة علي
بسمه : اي نعم اني
سحر : هااا اتشرف بيج
بسمه : شكراً
بسمه : ابد ما هضمتها اجتي يمي زهراء
زهراء : بسمه ابد لا تغشج هاي تره تريد علي من جانت صغيره
بسمه : هاي شنو ..... هسه فهمت ليش تباوع عليه وتشاقه ويه علي.... بس ميهمني لن علي يحبني واني متاكده من هذا الشي ........ ضلينا كاعدين كلنه بس سلام ماكو ابد ما شفته وعلي واحمد راحو يتفقون ويه الطباخ لن راح يعزمون الناس بالحنه والعرس بس للمقربين بالقاعة ..... اني ما اسولف بس ويه زهراء ومنى وخالتي لن ما اعرفهم كلهم اما زينب ملتهيه ويه جهالها واني هم اخاف احجي وياها وتطلع مثل زوجها
..... دخل علي واحمد وحسن شكد ارتاح من اشوفه احس بالامان
سحر : تعال علي اكعد هنا
بسمه : هاي شنو شبيها
علي : لا سحر شكراً اريد اروح انام...... بسمه تعالي اريد اغير ملابسي
بسمه : اوكي عيني
سحر : هاي شنو خاف تحس نفسك بعدك عريس تره راح يصيرلك سنه شنو ما مليت
علي : هوه يلزم وجهه بسمه...... ليش هذا الوجه ينمل لو ينشبع منه 😉
بسمه : كولش استحيت منهم عزا هذا علي محد يهمه.... بس فرحت من حجه هيج وياها ...... دخلنه للغرفه..... علي ليش هيج تحجي تره عيب
علي : ختولي هيه هاي لزكه......... اكولج شنو هاي الهوسه منو اجه بهل ليل
بسمه : سمعت راح يجون بيت خالتك ام وسام
علي :😳 صدك والله
بسمه : اي والله ليش اكو شي
علي : هااا لا لا ماكو شي
بسمه : علي انته ضام عليه شي
علي : لا يمعوده ليش لحيتي كولشي ماكو
بسمه : على راحتك...... تصبح على خير
علي : شنو ضجتي مني
بسمه : لا عادي بس احس بيك ضام شي....على راحتك
لا تكول
علي :.......................
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
