____________________________💜🦋
سوف تحترق، وستخبو، وستُشفى
وتقف على قدميك من جديد
- دوستويفسكي
____________________________💜🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
كملت كل اوراق النقل وعلى اساس الاسبوع الجاي يجي المدير حته اعرف وين راح اشتغل
خلص الاسبوع بين البيت ومرات مصطفى لو حازم يطلعنه بنت مصطفى تخبل حبيبتي اموت عليها وهيه هم تحبني مرات تنام يمي للصبح ومرات ونص اليل تريد امها
مرات اضحك على حجيها من تجي تشكي لعمتي من جهال مروه نص كلامها ما مفهوم
فد يوم نامت يمي وكعدت تبجي( اليد ماما بتمه وتيني) رحت دكيت الباب جان تطلعلي ملاك اخذت بسمه وطفت الكهرباء كمت ما اشوف قليل كلش.......اني اعرف طريق غرفتي ما حسيت اله نطخيت بواحد وخرت منه سحبني اله بقوه
مصطفى : اششششش
بسمه : بكل هدوء....... شبيك مصطفى وخر مني
مصطفى : خلي تجي الكهرباء و اروحي
بسمه : مصطفى واكف كلش قريب مني حسيت بي يشتم بشعري.............. مصطفى ايدك مني جاي توجعني
مصطفى : هااااا اسف
بسمه : بس اجتي الكهرباء صرت طياره وكبل لغرفتي
يمه گلبي عبالك راح يوكف من الخوف لا احد يشوفنه شكد جنه قريبين من بعض بس هذا مصطفى باجر اني اعرف شلون اخليله حد
ثاني يوم كعدت قبلهم كلهم نظفت وسويت ريوك وكعدت بالمطبخ اتفرج تلفزيون بس كعد مصطفى طلعت للحديقه ضليت واكفه من اسمع احد غير مصطفى يكعد يله ادخل
مصطفى : بسمه شبيج بس شفتيني طفرتي شنو اني جني
بسمه : مصطفى انتبه على تصرفاتك البارحه كلش ما عجبتني ........ انت عجبك الي سويته
مصطفى : .......... بس اني ما سويت شي وكفتج لن ضلمه انتظرت تجي الكهرباء لا توكعين
بسمه : مصطفى انته تحجي صدوك تره بسمه الصغيره كبرت وشافت مصايب من الدنيا مصطفى اني اعرفك اكثر من روحي انته البارحه تصرفك كلش مو حلو وبهذا كلامك عبالك تضحك عليه تره اني مو طفله
مصطفى : كمت اتصرف ويه بسمه مثل ما اتصرف ويه اخواتي بس كلبي يحنلها صعبه تشوف وحده جنت تحبها و گلبك ما يرف عليها اني احبها لو مو اتزوج هيه متقبل اباوع عليها لو اصفن بيها مره طلعت للطرمه اشرب جكاره طفت الكهرباء سمعت صوت بنتي تبجي دخلت انصدمت بيها عرفتها من نعومتها بسمه ما اعرف شصار بيه روحي لابت عليها من شميت شعرها ارتاحيت طلعت ضاغط على اديها والله ما ادري بروحي
ثاني يوم طلعت زعلانه مني خفت لا تعوف البصره وترجع اعرفها مخبله تسويها قررت بعد فعلاً ما احسسها بشي اني من البداية خسرتها هسه جاي ارجعها خليها المهم گبال عيني اشوفها
بسمه : بديت دوام كولش عادي اني صرت على الارشيف اشتغل ارتب ملفات يعني شغل طبيعي غرفتي معزوله يعني قليل احتك بالموظفين ولو همه كلهم زينين ومن دخلت عليهم رحبوا بيه بس اني منعزله ما احب هوسه والحجي
فد يوم خابروني كالو المحامي يريد ملف العقود
اخذته و رحت دكيت الباب كال تفضل دخلت الغرافه
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
