____________
ان حُـبـي لك كفيل أن يهوّن علـيّ كُـل شـيء في هذا الـعـالم🦋🤍
_____________
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه :جاي نمشي اني وعلي علي طريق كولش حلو ونضحك اني بيدي ريتاج وعلي شايل سراج
علي : بسمه يله انطيني ريتاج اشيلها بعد لازم نروح
بسمه : علي وين رايح وعايفني وليش ماخذ الجهال
علي : اريد اخذهم لن اذا ضلو يمج راح تتعذبين بيهم من اروح ومحد يرحمج
بسمه : علي انته شجاي تحجي انطيني ريتاج واني هم اروح وياكم
علي : حبيبي عفت يمج امانه
بسمه :علي اي امانه...... علي....... علي....... وين عايفني ورايح اني ما اكدر اكمل الطريق عليك الله اخذني وياك .......
_______________نرجع الي الواقع____________
بسمه : فزيت من الحلم مرعوبه وبس اصرخ...... بس جان الحلم مو بقساوت الواقع....... لكيت كل اهلي على راسي وبس يبجون.......... بابا اخذني اشوف سراج و ريتاج
ابو رائد : الحمدلله على سلامتج باباتي ان شاءالله اخذج بس اصيري زينه
بسمه : بابا انتم ليش تبجون
ابو رائد : هااااا لا حبيبتي ماكو شي بس من الفرحه انتي صرتي زينه
بسمه : بابا راسي يوجعني كولش
ابو رائد : ميخالف بابا تصيرين زينه
بسمه : بابا وين علي ليش ما شفته
ابو رائد : حبيبتي شويه ضربته قويه على راسه بس ان شاءالله يصير زين
بسمه : ليش علي متاذي
بسام : لا مابي شي مثل حالتج يراد يرتاح هسه انتي صيري زينه وناخذج تشوفي
بسمه : ضليت على حالتي نفسها 3 ايام اكعد ساعه وراها ينطوني علاج انام ما احس بالدنيا بس بكل مره انام اتحلم بنفس الحلم لو شي يخوف...... بيوم كمت ابجي لا قبلت اخذ علاج ولا اسكت متت على شوفت علي والجهال كعدوني بكرسي متحرك بالممر مال غرفة علي شفت سلام وحسن واحمد..... جان يهجم عليه سلام
سلام : موتي جهال اخويه وهسه جايه تشوفين علي ولج والله اذا صار بــ علي شي ما تلومين بس نفسج
بسمه : نصدمت من سلام شجاي يحجي شبيهم جهالي ......... سلام انته شنو جاي تكول وين جهالي
سلام : جهالج انتي كتلتيهم ثنينهم
بسمه : مثل الصاعقة ونزلت على راسي فقدت صرخت وبجيت بنص المستشفى جهالي راحو من اديه بعد ما اشوفهم بعد ما اشتم ريحتهم سراج بعد ما يجر شعري وهوه يرضع بعد ما اشوف وجه ريتاج من اكعد الصبح كل احلامي الي جنت مخططه اسويها وياهم راحت فرحت عمري اول ماشفتك سراج انطفت والسعادة الي جابتها الي ريتاج من اول ما صارت ابطني راحت وياها ضليت يومين بصدمة موت جهالي........يومين ما احس بالدنيا.......... سادس يوم كعدت صار بعيني علي قويت نفسي اريد اشوفه اخذني رائد لغرفته دخلت هذا مو علي حبيبي.... كل جسمه ملفوف اجهزه هوايه يمه
قليل من وجهه امبين..... وصلني رائد
رائد : بسمه راح اعوفج يم علي بس لا تعبين نفسج ابد علي محتاجج تضلين وياه
بسمه : طلع رائد اني ضليت اباوع على علي بس دموعي عشره عشره على خدي ......... علي حبيبي يله اكعد ....... علي اني محتاجتك........ انته متقبل تشوفني هيج تعبانه...... علي اني كولش تعبانه اريدك يمي...... كعد شتاقيتلك اني مو روحك مو انته تكلي انتي روح علي.... اكو واحد يعوف روحه...... علي عصفورتك تعبانه........... علي ارجعلي يله كوم خلي نرجع لبيتنه سوه... يهون عليك هيج ابجي مو اترد عليه هاي عيوني الحلوات يبجن يريدن يشوفن طولك الحلو...... اكعد حبيبي كافي هيج تعذبني....... علي اني احبك لا تعوفني مثل ما عافوني سراج و ريتاج......... بس تذكرتهم متت بجي يم علي لازمه ايده وابجي عليها حسيت بيها تحركت...... علي كعدت جاي تسمعني حبيبي فدوه اروحلك......دخل سلام
سلام : ولج عين تجين
رائد : سلام اني محترمك هسه لن اخو علي ...... اذا تجاوزت على بسمه مره ثانيه ما تلوم بس نفسك
سلام :اخذ اختك واطلع بره ما مسموح لكم ادخلون على اخوي
بسمه : سلام بس علي زوجي مثل ما هوه اخوك
سلام : انتي ولا ونفس لن متحملج كوه حسابج بعدين خل يكعد اخوي بخير وسلامه والله كريم
بسمه : بس لو علي هسه كاعد ما يقبل عليك هيج تحجي وياي....... دخل عمو وخاله بس كولش تعبانين
ام علي : شلونج خاله بسمه
بسمه : شلوني يا خاله جهالي راحو من اديه وهذا حال علي ...... احجي وابجي
سلام : يله اطلعي بره لا تسوين روحج حنينه
رائد : اكولك انته ليش مو محترم ..... راح اسكتلك حتراماً لابوك وامك ...... يله بسمه خل نروح
بسمه : لا رائد اني ابقه يم علي ما اعوفه
سلام : شنو انتي ما عندج حساس جاي اكولج اطلعي بره يا قاتله
بسمه : سلام شنو قاتله......... بعدني احجي ويه سلام تضارب هوه ورائد........ ضليت اصرخ شفت اجوي دكاترة وشفت حسن واحمد بس شويه شويه الدنيا صارت سوده بعيني........... كعدت لكيت نفسي بنفس الغرفه الي صحيت بيها
ام رائد : ماما ليش رحتي شوفي حالج
بسمه : ماما اني كولش تعبانه مشتاقة لجهالي مشتاقه اشم ريحتهم ماما عافوني وراحو وعلي هذا حاله...... كل هذا الحجي واني بس بجي
ام رائد : بس اني عندي خبر الج ماما انتي حامل
بسمه : الحمدلله .....ما جنت فرحانه ولا عندي اي شعور تذكرت بنفس عمر سراج حملت بس ريتاج وهسه هم هذا الطفل ..... لزم ابطني واحجي وياها ماما حبيبي اخوانك راحو انته مفروض تكون الاخ 3 بس همه سبقوك وضليت بس انته........ سراج ماما حبيبي شوف راح يصير عندك اخ ..... وره يوم هم رحت شفت علي لن سلام راجع للبيت وبس حسن موجود
بسمه : شكراً حسن لن خليتني اشوف علي
حسن : انتي امانة علي يمنه
بسمه : اتمنى لو سلام هم مثلك
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
