.................
ممكن نختلف بس نفترك صعبة
انه وياك سيف مجلب بركبه
تبعد انذبح تدنه اجلب بيك
مشاعرنه وطن واثنينه بغربه💔
#سجاد_الغريب
...............................
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
مصطفى : من شفتها نامت على ايده وتحجي وياه انوب تخربطت كل عقل ما ضل عندي شلتها منه وخليتها بالسياره صعد علي وخلاها بحضنه سويت الطريق 10 دقائق من السرعه وديناها للطوارئ
علي راح يجيب بطل مي لــ بسمه حته تصحه
دكتورة : مبروك عيني زوجتك حامل
مصطفى : ما اعرف ابجي على حجي الدكتوره هنيالي لو زوجتي لو اضحك وافرحلها لن راح يصير عدها طفل
علي : هااا بشر طلعت الدكتوره
مصطفى : اي تكول حامل مبروك
علي : الله يبارك بيك الحمدلله
مصطفى : رن جهاز علي رافد ورائد وخالتي ما يندلون وين احنه
مصطفى : دخلت على بسمه صافنه بالسگف
بسمه : من جنت احجي ويه علي صارت الدنيا كلها دوائر بيضه وسوده بعد ما حسيت غير حظن دافي شالني اسمع دكات گلبه وعصبيته وصياحه وخوفه عليه
بس ما كدرت لا افتح عيوني ولا احجي وراها ما حسيت غير نايمه على سديه بالمستشفى وشويه ودخل مصطفى باوعت علي ما ردت شي يكسر هاي النضرات عاتبته بكلشي بس مثل كل مره خانتني دموعي ونزلت
مصطفى : دخلت عليها صافنه من شافتني عيونها كامت تسولف وياي ونوب بجت ولج لا تبجين دموعج نقطة ضعفي
مصطفى : كافي بجي عيونج الحلوات راح يذبلن يا بت گلبي ومبارك راح تصيرين احلى ام بالدنيا
بسمه : من سمعت راح اصير ام كمت اختنك بالعبرات والبجي
مصطفى : خلت ايدها على وجهه وتبجي وتناشغ ما كدرت رحت حضنتها كافي يا روحي يا حبيبتي عيونج راحن سمعت خطوات قريبه راساً ابتعدت لا تصير مشكله الها و الي
مصطفى : بسمه مع السلامه اني راح اروح ديري بالج على روحج وعلى الي ابطنج لن راح يطلع يجنن مثل امه ونزاكتها وطيبتها وجمالها وعيونها الخضر مخليج امانه يم رب العالمين اشوفج بخير يا بت گلبي
مصطفى : بستها من راسها وشميت عطرها اريد يدخل بكل احشائي بس عيني خانتني وطاحت دمعه على راسها بسرعه طلعت
بسمه: اجه مصطفى حضني حسيت هذا حضن ابويه مو مصطفى بجيت طلعت شكو حركه بگلبي ضل يحجي وياي كولش مقهوره هذا الطفل مو منه مصطفى هوه الي دمر حياتنا يمكن اني هم صرت انانيه وما فكرت بسعادتنه بعد الي صار صار وفاتت سنين من عمرنه وره شويه بتعد مني وادعني و من راد يطلع اجه باسني من راسي حسيت دمعه طاحت على راسي وراها طلع بس اخذ روحي وياه تمنيت هذا كله مصاير تمنيت رائد ما متزوج تمنيت ما طلعت لمصطفى بذاك اليوم تمنيت ما حبيته جان اكو وجع بگلبي من تزوجت عبالي خلص حبه بگلبي عبالي نسيته بس كولشي ما نسيت من طلع مصطفى دخلت ماما و رائد ورافد ونوب اجه علي تحمدولي على السلامه
ام رائد : هسه شلونج ماما
بسمه : زينه الحمدلله
علي : خطيه مصطفى تعب ويانه
رائد : هوه وين راح
رافد : يكول عندي شغل وطلع
بسمه : اسمعهم يحجون اني مغمضه عيني اني اعرف وين راح مصطفى بعد ما يرجع.....سلامه الي جان مال وداع دموعي تنزل واني مغمضه
ام رائد : ماما حته تروحين وياي
بسمه : لا ماما اروح لبيتي احسن وهم باجر عندي دوام
علي : بسمه يا دوام بعد ماكو طلعه من البيت انتي حامل
بسمه : واذا حامل اريد اضل اداوم
بسمه : رجعت لبيتي بس احس كولش تعبانه روحي وجسمي بس خليت راسي على المخده كل الي صار اليوم مره كبال عيني سمعت باب الغرفه نفتحت غمضت عيوني
علي : هاااا حبيبتي نايمه
بسمه : اي جنت جاي انام كول محتاج شي
علي : لا ما محتاج شي بس اكول لو ترتاحين هذا الاسبوع من الدوام
بسمه : لا علي اريد اداوم لن بس ابقه بالبيت اختنك
علي : على راحتج يله نامي تصبحين على خير
بسمه : وانته من اهله
بسمه : نمت وثاني يوم رحت للدوام
صح بالدوام اتعب بس احسن من الكعده بالبيت رجعنه تغدينه ونمنه لليل اجوي عيالي كلهم يتباركون على الحمل وره يومين احجي ويه رسل كالت ما تجين يمنه شويه تغيرين جــو صدوك رحت اني وعلي
رائد :شلونج خيتي
بسمه : الحمدلله زينه
ابو رائد :بابا ديري بالج على نفسج
بسمه : ان شاءالله بابا
تغدينه وضليت للعصر سالت على بسام
رافد : بسام راح للمطار
بسمه : ليش وين راح يسافر شو اني ما ادري....بسام بي شي
ام رائد : شبيج ماما مابي شي بسام بس راح يوصل ابن عمتج مصطفى مو رجع سافر
بسمه : الله وياه يوصل بالسلامه ...........بس بكلبي اكو غصه انو طلع من العراق يعني راح بعد عيوني ما تشوفه
ضلت حياتي بين البيت والدوام اروح لاهلي مرات بس بيت عيالي ابد ما رحتلهم لن بس اروح اضوج ضل علي نفس سلوبه وياي صح ما يغلط او يتجاوز بس ما احس بحبه الي مع العلم يكولي حبيبتي بس ما احس بيها حياتي بيها برود وهدوء مو طبيعي يعني ملل ........صار عليه 6 اشهر حامل صار وقت موعد الدكتوره
بسمه : علي العصر عندي موعد حته انروح للدكتورة
علي : بسمه عادي تروحين ويه امج واذا تريدين اخابر منى لن عندي اجتماع اليوم
بسمه : تمنيت يطلع وياي...... لا علي اني ادبر نفسي روح لشغاك
بسمه : رحت للدكتوره وجان وضع الطفل تمام وطلعت حامل بولد فرحت صار هوايه ما جايس گلبي الفرح رجعت فرحانه للبيت خابرت اهلي وكتلهم حته منى كتلها بس علي ما خابرته لن مفروض هوه يخابر يشوفني شصار وياي بالدكتوره سويت عشه ونوب غيرت ملابسي ولبست شي حلو وخليت مكياج وطلعت اغنيه بالموبايل واغني وياها وجان الفرح يطير من عيوني ما اعرف ليش فرحت بس شعور انو اكو روح بداخلي كولش حلو رجع علي من شغله الساعه بــ10 ويحجي بالموبايل اشرلي اخلي عشه
خليت عشه وكعد ياكل ويسولف بالموبايل وره نص ساعه يله ترك الموبايل هاااا بسمه شعجب اليوم هيج شنو خاف تريدين اطلعين تره تعبان فد مره
بسمه : لا ماكو شي بس حسيت بنفسي اليوم زينه ليش ما عجبك شكلي....... خابرت منى على علي
علي : وعليكم السلام هلو منى اي الحمدلله زينه بسمه شنووووو لالا اعرف اي الحمدلله بعد كله رزق من رب العالمين اوكي عيني يله مع السلامة
علي : ست بسمه الناس كلها تدري راح يصير عندي ولد بس اني شنو مو بعينج لو ناطور خضره اني بهذا البيت
بسمه : ليش انته جنت عند الدكتور لو اني منو مفروض يخابر ويسال
علي : بسمه شنو هذا الاسلوب الي تحجين بي وياي
بسمه : لعد شلون احجي وياك عفتني اروح وحدي للدكتوره ونوب حته سؤال ما تسال
علي : هذا شنو سلوبج بسمه انتي منتبها لتصرفاتج
بسمه : مابيها شي تصرفاتي
علي : بسمه جاي تعصبيني لااااااااااااا تجاوبيني
بسمه : كمزني من صيح عليه اني كبل كمت ابجي وعفت الاكل وكمت
علي : بعدني ما مكمل حجي وياج بسمه....
بسمه : ...................................
________________________
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
