عندما يكون الرَجل حنوناً ، تتمنىٰ المَرأة لو أن لَها قَلبين لـ تعطيه أكثر مما كان يَتوقع.
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : انته واهلي
علي : وهسه بعدج ضايجه مني
بسمه : اذا اكولك لا جاي اجذب عليك بعدني مقهوره منك
علي : فدوه يروحلج علي....... وثاني شغله هاي شنو اليوم لعبتي لعب بالحنه ولج شنو هل جمال
بسمه : اي قشمرني بهذا حجيك الي يشوفك هسه ما يشوفك بالسياره لو من واكف انته وساره تضحكون وانته حته عليه ما نتبهت من فتت منكم
علي : ولج شلون ما نتبهت اني اذا ما تشوفج عيوني گلبي يحس بيج..... اني جنت هيج اتصرف لن شفت بعيونج غيره عليه فه كلت اله اطلعها اليوم بس ما عبالي لهاي الدرجه عبالي راح تتعاركين وياي ما عبالي تحبيني وضامتها بگلبج
بسمه : يعني جنت تعرف جاي تضوجني ومستمر
علي : والله گلبي وجعني عليج بس جنت مستمتع....... يله عوفج من هذا الحجي........ تريدين اكل
بسمه : لا علي مو جوعانه
علي : ليش يا عمري غير تاكلين
بسمه : ما مشتهيه
علي : اوكي حبيبي لعد نامي وارتاحي
بسمه : نمنه كعدت ثاني يوم بــ7 الصبح جان علي طالع لميت الغرفه والغراض الي بعد ما احتاجها خليتها بالجنطه ضلت بس ملابس الزفه..... خابرت على اهلي حاجيت امي وسالت على سراج كالت كاعد وابوج يلاعب بي ........ خلصت المكالمة ورحت سبحت لبست فستان جديد مشتريته من زمان بس ما لابسته وخليت مكياج ورتبت ملابسي و الغرفه وخليت عطر وطلعت لكيت علي كاعد يم خالتي هوه وحسن وسلام واحمد وزينب وزهراء وساره وسحر يتريكون ويضحكون من طلعت صبحت عليهم
علي : تعالي حبيبي تريكي
بسمه : خجلت لن هيج يكولي كدامهم
حسن : بسمه من رخصت اخويه انتي ما تكبرين من اول يوم تزوجتو لليوم انتي نفس الجمال
علي : ولك شلون هيج تحجي وياها تعال اذا ما ادفرك
حسن : وهوه يضحك....... ههههههههه... هسه رتاحيت طلع الاخ يغار
علي : اي اغار على خالتك
ام وسام : يا خاله ليش تحجي عليه
علي : لا خاله مو عليج ............ رتاحيت حسن والله لو مو اكول عريس جان زوركت عينك هسه
بسمه : ضحكت على علي من كل گلبي شلون يركض وره حسن
علي : انتي فرحانه وتضحكين
بسمه : لا والله مو يمك
علي : اي مو يمي اني الج انتي وهذا الي لسانه صاير طويل
حسن : بس مو بكبر حظك ماخذ هيج ابنيه
علي : لا انته صرت تستحق الكتله وبكل جداره شو تعال
بسمه : علي لزم حسن ويضرب بي........ علي كافي خطيه الولد غير عريس هسه وكتها
حسن : عوفي طلع الاخ مثل البارود...... ولك علي ولا توقعتك هيج تحبها..... كلت يضوج بس مو هيج
علي : عمري ما حبيت مثل بسمه ...... جنت متقصد احجي هيج حته ساره تسمع الي باعتني علمود اشياء تافهه
بسمه : لزمت ايد علي جانت ترجف....... كافي علي راح توجع الولد
حسن : علي والله وجعتني...... هاي شبيك جنت اشاقه وياك
علي : واني هم تعرفني اذا اضرب افلش الحايط بس هذا جان على الخفيف
حسن : يا خفيف يمكن بعد ما تصير عندي اطفال
بسمه : اضحك على حجيهم ....... انتبهت على علي اذا يغار يصير وحش هوه ويه اخو ويعرف شقه هيج ضايج شلون لو صدك
سلام : ما كافي لعب جهال وتكومون نخلص شغلنه
حسن : اني عريس ما اكوم
علي : اكول تكوم لو افلش سنونك بحلكك
سلام : علي انته واحمد تروحون لابو المطعم حته تتاكدون من العشه وحسن انته تروح تكمل سيارة الزفه
بسمه : اسمعهم يحجون بس هذا سلام صار عصبي خفت منه ردت اصيح علي وما كدرت ........ كملنه تنظيف وره الريوك شغلو اغاني صارت ناس تجيهم هوايه كل شويه واسمع هوسات وهلاهل انوب المشكلة خالتي بس اتشوفني تصيحلي اسلم اقل شي على 5 لو 4 نسوان بدت تحضيرات الغدا........ خلينه غده للناس وبين الهوسه والاغاني والغده خلصنه تنظيف البيت بس هم ما يفيت.......... خلصو غده لمينه المواعين اجتي ام الصالون ...... كلها ركضت وراها هذا الحجي الساعه بــ1 ونص الضهر.......... خلصنه تنظيف البيت و المواعين بس اني وزهراء لن زينب جهالها شلعو گلبها تبدللهم ويرجعون موسخين ملابسهم خطيه لتهت بيهم
بس اتغدينه بعد ما شفتها
زهراء : اني راح اصعد اسبح وروح اشوف شنو ام الصالون تبدي بينه لو لا
بسمه : اني حته اذا ما لحكت عادي اني ارتب نفسي ......... راحت زهراء اني دخلت سبحت لن صرت اسيانه من التنظيف بيتهم كولش جبير والناس هوايه حته من انظف مجاي يفيد........ جاي اسبح واحد يدك عليه باب الحمام تعجبت منو دخل للغرفه ........ منو
علي : اني حبيبتي بس استعجلي لن اريد اسبح
بسمه : علي خوفتني لحظه كملت
علي : شنو شبح وخوفتج
بسمه : ههههههههه لا بس لن دكيت الباب حيل
علي : ههههههههه اسفين عيني خاف ازعجناج
بسمه : لا عيني ماكو اي ازعاج بالخدمه احنه ..... يله ادخل اسبح بس احظرلك الملابس........ كمل علي سبح اني مشطت شعري
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
