•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : سلام كولشي لا تكول تفضل اطلع بره
سلام : لا ما اطلع وغصباً عليج تسمعين....... بسمه تخلص اربعين علي و تكملين العده اني راح اجي اخطبج وره سنوية علي نتزوج
بسمه : لا سلام انته صدوك تعديت حدودك وياي......... سلام انته عندك ضمير انته واعي للشي الي جاي تكوله ولك الي مات اخوك شلون تكدر تتزوج مرته بس كولي شلون
سلام : ولج ادري اخويه ولج هوه كسر ضهري بروحته بس شنو اسوي مو بيدي............. بسمه اني حبيتج ولن احبه زوجته تصير الي ولا تروح الغريب
بسمه : ما سيطرت على نفسي ........ سلام قسماً بالله اذا ما طلعت هسه لسوي شي عمرك ما متخيل ......... ولك شلون تريد تتزوجي سلام اني احب علي شلون اقبل بيك اني جرحي من الدنيا بعده ما طاب تريدني اتزوجك ......... سلام مختصر الكلام شايف نجوم السماء اقربلك مني ........ سلام انته مثل اخويه افتهم هذا الشي مثل اخويه
سلام : بسمه مو اندمج هذا كلامج راح يفتح عليج نار الها اول مالها تالي
بسمه : الي يطلع بيدك سوي بس عمرك مراح تكدر تتزوجني تحلم تصيرلي رجال وره علي........... طلع سلام من البيت اني وراه نهاريت بالبجي متت...... علي ارجعلي علي شوف منو عينه عليه...فدوه لعينك حبيبي تعال علي الدنيا تعبتني وراك. ........... ضليت ع هاي الحاله للــ6 الصبح ورها خابرت بسام لن بسام مو عصبي مثل رائد و رافد........ اجه بسام ضل يحجي عليه يلوم بيه
بسام : بسمه ليش هيج تسوين بروحج وبينه تعرفين شصار وراج البارحه امي وابويه تخربطو واحنه ندور عليج حته لعيالج رحتلهم وما لكيتج زين احنه مو نخابر ليش ما تردين
بسمه : هسه عرفت سلام شلون عرف اني هنا.......... بسام لا تلومني اني تعبانه ورجليه جابتني هنا
بسام : بسومه ما الومج بس ميصير انتي هيج تسوين بروحج انتي مؤمنه لازم تصبرين ع قضاء رب العالمين
بسمه : ونعم بالله الحمدلله على كل حال ......... رجعنه للبيت وره ما اخذت كم قطعه من ملابس جهالي وعلي وخذت صور عرسنه وصور الجهال وعفت كولشي بالبيت حته ملابسي ما اخذتهم بعد لمن البس ملابس الوان ........... وصلنه لبيت اهلي لكيتهم كاعدين ضلو يحجون عليه بس اني فاصله مو يمهم ابد كل تفكيري شنو راح يسوي سلام معقوله يجي يخطبني من اهلي معقوله يقنعهم.... لالا مستحيل...... ضل كل تفكيري بهذا الموضوع خلص اليوم بين البجي والقهر والتفكير ...... بدأ ثاني يوم بنفس التعاسه والحزن حياتي كلها مالها طعم ما اعرف اني ليش لهسه عايشه شنو الحكمه من حياتي ليش ما متت وياهم بالحادث ربي لو ماخذ عمري ومخليهم عايشين جان علي تزوج ابنيه وربت الجهال ليش همه عافوني وراحو خلص نهاري بالبجي كل وقتي لو صافنه وتذكر علي والجهال وابجي بسكته لو افكر ليش اني ضليت عايشه ...... ثاني يوم كعدت من وقت بالــ5 الصبح حتى نروح للنجف كل عقلي اذا رحت راح اشوفهم كل تفكيري الكه جهالي صح جنت لابسه اسود بس بداخلي اكو فرحه انو راح اشوفهم هسه ينتضروني رحت اني وبابا وماما وبسام و رافد لبيت عيالي ونوب كل السيارات انطلقت للنجف سلام ابد ما شفته الحمدلله خلصت منه بس من شفت زينب واجتي عليه سلمت لن اني ما شفتهم لحد قبل ما يموت علي ما اعرف من شفتها ليش حسيت بالذنب زينب خوش ابنيه ومحترمه بس هوه سلام مو ادمي
......... وصلنه المقبرة اااااه يا ريحة الحبايب من وكفت السيارت جانت مساحه جبيره فارغه مابيها هوايه قبور بس شفت من بعيد 3 قبور
احمد : يله ام سراج انزلي وصلنه
بسمه : احمد وين جهالي وعلي
احمد : هاي قبورهم
بسمه : طفرت روحي قبل جسمي راحتلهم نزلت اركض بس خطواتي ثكيله...... وصلت شفتهم يا روح امهم انتم بالگبر واني اشتم الهوه الله ماخذني ولا شفتكم بالحد.... كعدت بنصهم احجي ويه سراج ورجع لــ ريتاج ماما حبيبي مرتاح يا روح امك العابك بالبيت حبيبي كوم ارجع وياي رتوجه ماما كبرتي هسه صرتي حلوه يا روح امج.... انتم ما شتاقيتولي ما تريدون امكم يله اكعدو خلي نرجع.......... علي يله خلي ناخذ جهالنه ونرجع لبيتنه يله حبيبي .... انته كلت اسبوع ونرجع صارلك 40 يوم كوم كافي والله تعبت علي تسمعني وراك تعبت وراك ما لكيت راحه بحياتي بس كولي المن عفتوني علي انته مو ما تتحمل فراگي شلون عفتني ليش ما اخذتني وياكم
بسام : نزلت بسمه مثل المخبله تحجي ويه جهالها كل الموجودين يبجون ويه بجيها كلهم يبجون على حالها ومن تحجي ويه علي عبالك يسمعها ويجاوبها مسترسله بالكلام ابد ما وكفت تعجبت شكد تحبه ..... ضلت تبجي لمن ملت كلها كامت وكلها رجعت للسيارات بس هيه ضلت واخوان علي وامه وابو صح تخربطو بس ضلو يم ابنهم
حسن : رافد كافي كوم اختك راح يصير بيها شي
رافد : لا عوفها خلي تشبع خلي ترتاح
بسام : ما كدرت اشوفها بس تبجي كسرت گلبي ولا سكتت...... بسومه يله حبيبتي تعبتي كافي كومي
بسمه : لا بسام عوفني عليك الله خلوني هنا ورجعو انتم والله ما اخاف روحو
ام رائد : ماما حبيبتي شتكولين شلون اعوفج
ابو رائد : بابا بسومه يله كومي لخاطري يله حبيبتي كومي خلي نرجع اني وياج
بسمه : بابا شلون اعوف جهالي خطيه .... بابا سراج يخاف من الضلمه
ابو رائد : كافي يا بابا شوفي شصاير بيج عيونج الحلوات ذبلن من البجي
بسمه : بابا علي جان يكولي عيونج الحلوات... بس علي راح
ابو رائد : وهوه يحظن بسمه ........ الله يرحمه ويجعل مثواه الجنة يا بابا كافي
بسمه : بابا علي عافني علي تركني اخذ جهالي وراح بابا اريد اروح وياهم بابا فدوه خلوني يمهم هنا
ابو رائد : بابا بسمه هسه همه بالجنة مرتاحين ادعيلهم وقري قرآن على روحهم يرتاحون
بسمه : همه يرتاحون وگلبي بفراكهم شلون بابا اريد جهالي اذا تحبني رجعلي جهالي
بسام : بسمه تبجي وتحجي بحضن ابويه وجان تتخربط. ركضت عليها شلتها رجعتها السيارة رشينه ع وجها مي هذا حجي كله وامي وابويه يبجون عليها اني ما ردت يرحون وياها بس هاي سوالف رافد.... صحت كامت تصرخ عبالها رجعنه بيها بعدني احجي وياها نزلت من السيارة وركضت عليهم ..... تبوس بگبر علي وترجع لجهالها وتروح من واحد لواحد تريد تشبكهم تريد ترجعهم وياها عبالك ما مستوعبه فكرت موتهم بعدهي..... بلكوه اني و رافد رجعنها وره ما حلفت لها كلما تريد اني اجيبها لهنا من صعدنه السياره عينها ضلت عليهم اني اباوع عليها ودموعي على خدي.... رحنه زرنا امير المؤمنين ( عليه السلام) بس هيه بعدهي بصدمه احسها فاقده ابد مو ويانه تحجي لوحدها وتسولف وتضحك كولش خفت عليها خلو اكل بالحسينيه كلها اكلت و شربت بس هيه ضلت اباوع حته امه وابو هم ولدهم قنعوهم ياكلون لن عدهم علاج بس هيه ابد بالتواسيل مني اكلت خاشوكة لبن............وبس وصافنه احجي وياها مو يمي تكلي هااا بس ابد مو ويانه بغير عالم..........
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
