الحياة على قيد الامل

البارت الرابع

......

الهوه هذه اليمرني اتخيلك بيه
حته التقي وياك امين ماجيت
يعني ابمعنه اخر استحي احجيه
تره بس انته غيرك ماشتميت

ايهاب المالكي
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•

وره ما تركت دراستي بفتره رسل طلعت حامل وحملها خطر فه هيه هم تركت الدراسه
ضليت اني بين تنظيف البيت و بين نكعد اني ورسل نسولف بس اكثر شي اني
اضل كاعده بغرفتي اجتي فترة صمت مو طبيعيه يعني ما احجي ابد اله اذا واحد سال واجاوب على گد كلمه لو كلمتين
ضلت هاي حياتي من 6 اشهر الى سنه
وره فتره
اجه بابا عليه
ابو رائد : بسومه بابا عندي الج شغل
بسمه: اني ما اريد
ابو رائد: ليش بابا ما طالعين تتونسين وتشوفين الناس و تخلصين وقت وهم انتي مشتغله راح تتعرفين على ناس
صديقي عنده شركة صغيره وانتي راح تشتغلين وياه تنظمين مواعيد وهيج شي شدكولين
بسمه : بكيفك بابا
ابو رائد : هاي هيه لعد الاسبوع الجاي اني اوديج للشركة
.
.
.

.

رحت للشركه اداوم وراجع للبيت بس احس فراغ كولش جبير اخذ من حياتي احس الدراسه ضلت غصه بگلبي
رسل صار عدها ولد
بيومها بابا سال رائد شنو راح تسمي
رائد : مصطفى
بسمه : باوعت على رائد احسه كولش ضايج على غياب مصطفى
احس يريد يبجي لن رائد ماعنده اصدقاء هوايه
فه جان مصطفى صديقه المقرب
تقريباً وره 5 اشهر جنت جاي اكوي ملابسي لن عندي دوام جان اسمع رائد و رافد يسولفون
رافد: لك شفت والله يستاهل رجال ونعم منه بالخارج وعرف يكون نفسه ويكون اله اسمه
رائد : هوه من قبل لو يحفر الصخر يطلع فلوس
رافد : اي والله زلمه مصطفى
بسمه : من سمعت اسمه احس شي هز كياني احس اسمع صوته بت گلبي فدوه لهل العيون احس هاي الكلمات ترن بأذاني

ضليت بين البيت والشركة وصوفي الي مله الدنيا عليه حبيب عمته فدوه شكد احبه
.
.
.
.
.
.
.
.

صار عمره 5 سنوات بيوم جنت جاي اخذه وياي اوصله للروضه
اجتي مره هم جاي توصل حفيدتها تباوع عليه بس شنو كولش تضايقت منها
من رجعت العصر
عرفت جايه تخطبني ما ادري ليش فكرة الزواج تخوفني وكارهتها
رفضت مثل كل مره
وره كم اسبوع
اكو ابنيه وياي بالشركه اسمها منى كولش حبابه دائماً تسلم لو تجي انسولف سوالف عامه
بيوم اجتي
منى : بسومه صارلي اعرفج اكثر من 5 سنوات وما شفت منج شي مو حلو واني جايه اكولج اليوم نجي نخطبج اخويه مرتين انتبه عليج من نطلع بنهاية الدوام وانعجب بيج وسالنه عليكم بالمنطقة كلها تحمد بيكم
ولنه الشرف اذا صرتي من قسمة اخويه
بسمه : ضليت صافنه شنو اكوللها استحي اكولها لا تجون
بسمه: اهلاً واسهلاً بيكم بكل وقت
منى : تسلمين لعد اشوفج اليوم العصر ان شاءالله
بسمه : خابرت رسل وسولفتلها
رسل : اي يا الله بلكي قسمه زينه ان شاءالله نفرح بيج
بسمه : رسل كولي لــ ماما وبابا خاف اتاخر وما الحك اكوللهم
رسل : تمام تمام لا تخافين هسه كولشي يصير جاهز
بسمه : رجعت العصر تغديت وبدلت فستان بسيط كولش
جان تندك الباب طلع مصطفى يشوف منو
مصطفى : عماتو هاي نسوان يريدون بيبي
بسمه: طلعت امي رحبت بيهم وره شويه صاحتني دخلت سلمت وقدمتلهم العصير
المره الجبيره كالت فدوه لهذا الجمال يا خاله
بسمه : اني بغير عالم لحد ما گرصتني رسل
منى: خاله احنه جاين نخطب بسمه لــ اخويه علي
اخويه علي موظف بنفس شركتنه بس بغير قسم وهل فتره راح ينقل يمي

عنده بيت وسياره وشغل ثاني وهوه خريج
عمره 30 سنه واذا حابين يجي واتشوفونه
بسمه : احس مغص صار عندي لمن طلعو يله تنفست
ام رائد: ماما شنو رائيج
بسمه : مثل كل مره وشنو الجديد

ام رائد: بعصبيه شنو انتي شوكت تعقلين وتفكرين بمستقبلج عمرج صار 21 سنه شوكت ناويه تتزوجين من ينترس شعرج شيب والله اله اكول لابوج واخوانج لن اني تعبت كل مره اكول لا هذا ما يناسبها وهذا كذا وهذا كذا
هل مره شنو عذرج كل مواصفات بهذا الرجال
اجه بابا وسولفتله ماما واخواني ضلو يحجون عليه
ابو رائد: بابا بسمه تعرفي ع الولد مراح تخسرين شي واني هم راح اخابرهم يجي وانشوفه اني واخوانج
بسمه: وره يومين اجه علي وبابا و رائد ورافد متعجبين على اخلاقه وسلوبه
ثاني يوم جنت جاي اطلع شفت ولد شكله مرتب ومقبول يم منى واكف من شافني نزل عينه اني سلمت وانطيت الوراق لــ منى
منى: شبيك علي هاي بسمه
بسمه : من شفته خجلت كولش واجهي صار طماطه
منى : على كيفج بسومه شبيج صرتي دم ماكو داعي للخجل ان شاءالله تصير القسمه وتصيرون ابيت واحد
انتبهت للولد يحاجيها
علي : شنو هل حجي منى ما تشوفين البنيه راح توكع
بسمه: ترخصت وطلعت ضليت متانيه الخط ماكو ما يجي عطلانه السياره
منى : هاا بسمه شوكت اطالعين
بسمه : اتاني رائد لن الخط عطلان اليوم
منى :وعليمن اني وعلي انوصلج
بسمه : لا حبيبتي شكراً ما اريد اسوي عليكم زحمه
منى: لا زحمه ولا شي كومي ويانه
بسمه : الموظفين كلهم راحو لبيوتهم اضطريت اروح وياهم الطريق كله منزله عيني ومن تحجي منى اكول بس اي
علي ابد ما نزل عينه مني كلما ارفع عيني اشوفه يباوعلي
رجعت للبيت كبل للحمام غسلت احس حراره تطلع من راسي
وره يومين بابا سالني شنو رائيج
بسمه ما عندي عذر وما اكدر ارفض احس تعبت اهلي
وافقت بس اي فرحه ماكو بداخلي مجرد ردت افرح اهلي واخواني
صارت الخطبه ولبست بيومها فستان لونه ذهبي وكولش حبيته ومكياج بسيط وشعر برم ما سويت تسريحه
سالني الشيخ موافقه كل ايام الي عشتها شفتها مثل الشريط ومن ضمنها مصطفى ابن عمتي
لو صدوك هوه منتظرني هسه جان صدك فرحت بس انوب انتبهت شفت ماما وبابا و اخواني لخاطرهم ما اريد اخرب فرحتهم
كلت نعم قبلت صارت الهلاهل والجكيلت والاغاني
انوب كالو راح يدخل العريس اول ما دخل انتبهت علي القاط اسود والقميص ابيض جان كولش انيق اول ما وصل باسني من راسي
علي : الف مبروك الي لن ربي هدالي احلى هديه
بسمه :ابتسمت
علي : الف مبروك ان شاءالله اكدر اسعدج وما اخلي دمعتج فد يوم تنزل
بسمه : كلامه كولش حلو انطاني طمأنينة
لبسنه الحلقات جانت الحفله بسيطة وحلوه
من طلعو بابا صاحني بسمه زوجج يريدج
دخلت للاستقبال جان هوه وبابا ورائد من دخلت طلعو
اتقدم عليه لزم ايدي
علي : مبروك حبيبتي
بسمه : الله يبارك بيك
علي : ارفعي عينج خليني اشوف هاي العيون الي دمرتني ولج فدوه لله على هاي الخلقه
بسمه : جنت كولش خجلانه منه سحبت ايدي وابتعدت منه
علي : راح اعذرج بس من نتزوج وين تروحين مني
بسمه : .......
علي : لا اتشاقه وياج على راحتج المهم صرتي حلالي
بسمه : من طلع باس راسي وسلم وراحوا
طولت فترة خطوبتي 4 اشهر اشوفه بالشركه نطلع سوه اول شهر جان كولش صعب عليه
علي : حبيبي ليش بعدج تخجلين مني
بسمه: لا عادي ماكو شي
علي : زين عندي الج حل اعتبريني صديقج مو زوجج
بسمه : وره شهرين بدينه انجهز البيت وغرفة النوم
انوب نيشاني لتهيت
يعني اجي من الدوام اتغده واطلع للسوك مجان عندي وقت انو افكر بهل شي صح او خطا
او اني جنت اشرد من نفسي لن ما عندي جواب
اجه يوم الحنه

............