.............
_____________________________
يسلاية نخل !
بالكلب نابت حيل ،
احسنك هدب تاه بشراييني 🥺💔
#سجاد_الغريب
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : بخوف وبجي........ علي جاي تخوفني منك
علي : شبيج بسمه ولا عبالك انتي نفسج البنيه الي شفتج وحبيتج
بسمه : علي انته الي متغير انته ملتهي اهم شي شغلك شنو احجي كولي شنو اكول عن همالك الي لو عن انشغالك طول الوقت لو شنو تريد احجي
علي : هيج اني طلعت لن اريد ابنيلكم مستقبل انتي والطفل الجاي
بسمه : بس اعتقد تكدر تاخذ اجازه ولو ويوم واحد وتكعد بالبيت
بسمه : اريد علي يكعد يمي اريد علاقتنا تقوه اريد انسه كولشي صار وياي بالماضي
علي : امرج حبي بعيوني كل هاي الهوسه حته اكعد يمج هاي هيه باجر اني يمج
بسمه : اوكي علي خلينه اذا كملت عشه نكعد بالصاله نتفرج فلم
علي : تمام لعد روحي اسبقيني
بسمه : رحت كعدت ادور فلم حته نسهر علي
علي : هاااا لكيتي فلم
بسمه : لا....... جاي ادور طلع فلم عمر وسلمى
علي : ليش كاعده بعيد تعالي يمي
بسمه : باوعت علي شلون يفتح ادي اليه وياشر تعالي
رحت نمت ع صدره وانباوع افكر بي حته نسيت الفلم
علي جسمه حلو رياضي و مامقصر وياي بشي ويحبني ليش لعد اني هذا وضعي صافنه وجان اكمز من ضحكة علي على تامر حسني
علي : حبيبي بسومه عادي تسوين الي چاي
بسمه : اوكي حاضر ............. تفاجئة بالمطبخ كله نضيف ........ علي ليش انته منظف المطبخ
علي : حبيبي مابيها شي المساعدة حلوه
بسمه : تساعدني بس مو تنظف علي لا تسوي هيج هاي واجباتي لا تحسسني اني مقصره وياك
بسمه : الي سواه علي لو اي ابنيه بمكاني جان فرحت بس اني ما اريد لن هاي واجباتي ما اريد احس روحي مقصره وياه بهاي الشغلات كافي جاي نفسي تتعذب لن ما اكدر احبه
علي : بسمه شنو رائيج انروح نسافر
بسمه : لا علي ما اكدر هسه لن الحمل بده يثگل عليه
علي : صدوك بسمه شنو راح انسمي الولد الي جاي
بسمه : اذا اختار اسم تقبل
علي : اذا حلو اكيد اقبل
بسمه : اريد اسم سراج
علي : انتي عاجبج لو بس هيج
بسمه :اكيد عاجبني واذا صار عدنه ولد ثاني انته سمي
علي : هاي هيه اتفقنه ام سراج
بسمه : شكراً علي جنت خايفه متقبل
علي : ادري انتي محضرته الاسم
بسمه : اي صار فتره افكر بالاسم كلت اذا ابنيه اسميها ريتاج و اذا ولد سراج
علي : هاي خيانه لن ما كتيلي حته اني هم ادور اسماء
بسمه : من هسه انته دور اسم للطفل الثاني
علي : اكولج شخبار الچاي
بسمه : عزاااا نسيته اسفه علي لتهيت بالسوالف
علي : لعد هيج السوالف وياي حلوه و خلتج يمي
بسمه : اكيد لعد ليش اكولك فرغ نفسك حته تكعد بالبيت
بسمه : حجيت هيج ويه علي لن اريد نتقرب من بعض او اني اريد اتقرب منه اريد احس بالاستقرار الروحي والنفسي
بسمه: كملت الچاي وخليت وياه كيك وماعون كرزات
علي : هاي السالفه مبينه مال سهره للصبح
بسمه : مو كلت ماعندي شي باجر واحنه عدنه اووف بالشركة خلينه سهرانين
علي : اضل سهران وياك يا حلو شعندي
بسمه : ضلينا نضحك ونسولف انوب كمت اباوع على علي صفنت بوجهه شكد حلو لحيته مرتبه وشكله محبوب لعد شبي گلبي ما يدور بس الي يجب القهر لروحه ......مصطفى هسه وين وشنو يسوي....... بسمه شبيج صدوك تحجين انسي مصطفى شنو سبب دمارج غيره هوه....... بس هوه يحبني صح يحبج بس ما كدر يسوي الشي الي يسعدج
بسمه : ضليت اسال روحي واجاوبها
علي: هاااا حبيبي هيج اني حلو وتباوعين عليه
بسمه : هاااا بخجل لا مو يمك جنت افكر بالدكتوره شوكت اروحلها
علي : بس صفنتج مو موال دكتوره تضحكين وتضوجين جاي عبالك تتذكرين شي ...... اذا عليه عيب تباوعين هيج شنو ما عندج اخوان تره اني استحي
بسمه : ضحكت علي تستحي مني اني
علي : انتي روحي شنو استحي منج شو تعالي اشوفج الي يستحي
بسمه : ما حسيت بس علي شايلني عزاااا علي راح توگعني نزلني فدوه بعد ما اباوع عليك هيج
علي : والله ما انزلج بس على الجربايه
بسمه : من كال هيج ويغمزلي كولش ستحيت منه
علي: بسمه كافي تخجلين مني صار متزوجين 7 اشهر
بسمه : ضل علي يتشاقه وياي مرات يروح بالي وين وارجع يمه والله تعبت اريد حياة مستقره احس مصطفى ساحرني ......... نمنه وثاني يوم رحنه لمدينة
الالعاب ونوب طلعنه للمول وتعشينه وبالرجعه خابر حسن اخو علي
علي : هلو حسن اي الحمدلله زينين انته شخبارك هاااا يله جايكم
علي : بسمه تريدين اوديج للبيت لو تمرين وياي لهلي
بسمه : اذا ما رحت وياه خاف يصير بخاطره واذا رحت هذا اخو سلام اله ينتقد ويحجي........... رحنه لبيت اهله جنت لابسه فستان مال حوامل ابو الصدريه عريض ...... دخلنه سلمنه وكعدنه الحمدلله ماكو سلام اجه حسن وضل يحجي ويه علي يريد يخطب بنت عمه وسلام ميقبل
حسن : علي انته عندك فلوس وكدرت تاخذ البنيه الي تحبها وطلعت بغير بيت اني شنو اسوي سلام ميقبل يكول ما تاخذ وحده تدرس بالكلية اذا تريد اخذها وطلع بغير بيت
بسمه : ضليت صافنه ومتفاجئه شنو هذا الحجي اكول سلام ابد ما يطيقني طلعت السالفه جبيره اباوع على علي ميباوع عليه لن يعرف الشغله الي جان ضامها طلعت ......... اجه سلام دخل بلكوه يحجي اني كاعده بصف خالتي تسالني على الحمل وتباركتلي لن طلع ولد
سلام : علي اليوم شعجب يمنه همزين شفناك لن شوفتك صايره بالحلم
علي : والله عندي شغل وملتهي ومرتي حامل
سلام : اي كول هيج لا شغل ولا غيرها مرتك ما تخليك تجينه
علي : سلام شنو هل حجي مرتي شدخلها
سلام : على كيفك راح تموت قبل لا تحجي لو تسترها هوايه احسلك
بسمه : بعد ما كدرت اسكت....... سلام انته بكد اخويه رائد ما اريد اتجاوز عليك بس ما اسمحلك هيج تحجي عليه لو على لبسي اني مستوره ما محتاجه احد يسترني
سلام : وانتي شنو اذا سمحتيلي او لا محد طالب رائيج
بسمه : اني جان رديت عليك بس حتراماً لعمو وخالتي ولــ علي راح اسكت
علي : سلام ما اسمحلك هيج تحجي ويه زوجتي انته ليش مو محترم ليش كلما نجي هذا حجيك انته ما تمل من المشاكل وثاني شغله شعليك بـ حسن اذا تزوج بت عمنه لو غريبه انته شدخلك بالموضوع
سلام :اني اخوكم الجبير وغصباً عليكم
علي : اخونه الجبير على عيني وعلى راسي بس ما تدخل بحياتنه
سلام : ليش تريد يسوي مثل هاي سوايتك.......... يأشر على بسمه
بسمه : استغفرالله ربي الصبر منك
علي : حسن حبيبي هذا بيت ابونه تريد تتزوج اني بضهرك الي ماعاجبه هوه يطلع من البيت
ابو علي : بويه كافي من هل حجي
علي : بويه سلام كولش طلعها من ماعونها
حسن : علي لعد حظر نفسك الاسبوع الجاي الخطبه
وخويه بسمه انتي هم تعالي وياه حته تروحين ويه البنات
بسمه : حسن ان شاءالله اجي والف مبروك مقدماً
علي : يله احنه نترخص
بسمه : طلعنه من بيت عيالي بس احس ونسة اليوم طلعت من خشمي ردت ابجي كد ما ختنكت
علي : بيج شي بسمه
بسمه : لا ماكو شي ليش اكو شي برائيك
علي : وهوه يطبگ السياره بنص الشارع...... بسمه اعرف اني ضميت عليج بس ما ردت انو تضوجين واحجي الي صار لا تضوجين من وراه سلام هذا طبعه شسويله غير اخويه
واني اعرف لو باقين ويه اهلي بنفس البيت جان تعذبنه بس فصلت حياتنه من حياة اهلي وكله علمودج لن لبسج وضعج يختلف من اهلي اني ما معترض بس اهلي هاي عقليتهم شسويلهم
بسمه : علي اني هذا لبسي و انت اول ما شفتني هذا وضعي فه ما اكدر اغيره علمود سلام
علي : واني اموت عليج وعلى لبسج وعلى وضعج وعلى كولشي بيج يا روحي
بسمه : بعد ما كدرت احجي لن خجلت منه اذا اضل احجي تصير مشكله
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
