تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
بسام : حبيبتي يمج ما رحت ابد و رائد و رافد همه الي دبرو المحامي والفلوس ...... هسه الحمدلله على سلامتج رائد و رافد : الحمدلله على سلامتج بسومه بسمه : الله يسلمكم....... اني اسفه تعبتكم وبهذلتكم ويايه رافد :بسمه شنو هل حجي انتي اختنه شعدنه غيرج بسمه : الله يخليكم ويحفظكم الي بسام : يله ستعجلو تره ابويه حرك الموبايل بسمه : صعدت بالسياره اني وبسام بالمقعد الثاني و اسمع رافد شلون متحلف لــ سلام بسام : مو هذا المهم هسه شلون راح نكول لابوي بس گلولي بسمه : اني لو ميته بيوم الحادث مو احسن تعبتكم وشلعت گلبكم ........... تعبت فوك حزني وقهري هاي المشكلة شلون راح اواجه ابويه وامي كمت ابجي ما سيطرت على نفسي بسام : لا بسومه لا عليج الله كافي بجي يا خيتي بسمه : بسام اخذني خلاني بحظنه ويبوس راسي اني من احس بحنيتهم اتعب اكثر بسام : كافي بسومه والله گطعتي گلبي...................... رافد خلي نوكف ترتاح بسمه وراها نروح للبيت لن اذا دخلت بهذا وضعها ابوي وامي ينهبطون رائد : اني اعرف شلون ترتاح بسمه : ضلينا نمشي بالشوارع........ نزل رافد اشتره لفات لنه الولد كعدو ع الرصيف ياكلون واني فتحت باب السياره وضليت كاعده بيها........جان الجوء بداية شتاء الهوه يضرب بوجي بس اتمنى يضرب گلبي ويبرد رافد : بسمه يله اگلي كافي صفنه رائد : بسمه لا تهتمين احنه وياج بسمه : الله يحفظكم الي بسام : يله خلي نرجع اهلنا ضالين بقلق بسمه : رجعنا للبيت لكيت ابويه وامي خطيه شصاير بحالهم رسل : بسمه تعالي اغسلي وغيري ملابسج بسمه : اي رسل فدوه كولش تعبانه رسل : سلامتج من التعب يا روحي بسمه : 🥺رسل تعبت والله تعبت احس روحي جاي تطلع رسل : لا حبيبتي لا تكولين هيج انتي قويه شبيج بسومه شنو هلــ ضعف الي انتي بي بسمه : رسل عائلتي خسرتهم حب حياتي راح منين اجيب القوه رسل : بسمه اني وياج حبي بس لازم تفكرين عندج اهل جاي يموتون باليوم الف موته من يشوفون حالج لازم تصيرين قويه لــ خاطرهم بسمه : هاي هيه الحمدلله على كل حال رسل : يله حياتي اعوفج ادخلي اسبحي وتعالي اخليلج اكل بسمه : لا رسل اكلت اني و الولد بالشارع رسل : شنو هل خيانه حنه ما متفقين هيج بسمه : لا والله بس الولد شافوني تعبانه رسل : لا حبي اشاقه وياج الف عافيه بسمه : ربي يعافيج....................... طلعت رسل اني دخلت للحمام سبحت وغيرت ملابسي ........... نزلت جان اشوفهم مجتمعين كلهم حتى ملابسهم ما مغيرينها ........... ابو رائد : بابا بسومه تعالي يمي ام رائد : سوده عليه يا ماما شصار بيج اليوم عمت عيني مابيه حيل جان رحت وياج بسمه : لا ماما اسم الله عليج ليش هيج تكولين...... وثاني شغله هاي اني هياتني مابيه شي مثل الورد ابو رائد : ان شاءالله يا بابا دومج زينه بسمه : ضلينه گاعدين ونتناقش بالقضيه وقرر رائد ياخذ اجازه هوه و رافد من شغلهم وخابر على المحامي حتى باجر من الصبح نروح للمحكمة بسام : بس خل تخلص القضيه وهذا سلام اذا ما سويته جنازه اني ما اسمه زلمه ابو رائد : لا بابا بسام هاي شنو منك اني هيج ربيتكم هاي انته الدارس والفاهم هيج تحجي اقل شي احترم روح علي بسام : بابا المقابل مو محترم وهوه ما فكر بروح علي يعرف كلش زين علي ما يقبل هاي التصرفات على بسمه بسمه : اسمع حجيهم شلون يحجون بــ علي ضلت الدمعه تفتر بعيني ما كدرت اسيطر عليها هم خانتني ونزلت دموعي رافد : كافي يا خويه والله تشلعين گلبي من اشوف دموعج........ بسمه : لا ماكو شي رافد لا يضل بالك . ...............اني راح انام تصبحون على خير شردت منهم لن عيونهم كلهم عليه اعرف تعبتهم بس ما بيدي شي روحي ما تتحمل تسمع اسم علي بسمه : دخلت بغرفتي وسديت الباب...... اي هذا عالمي هاي الوحده والسكون والهدوء اني هنا ارتاح من العالم كله................ علي حبيبي شفت اليوم شكد تعبت..... انته تعرف شكد جاي احتاجك تعرف شكد محتاجه احس بالامان وياك محتاجه السند الي جنت مستنده علي................ حبيبي تعبانه وحيل تعبانه احس طاقتي للتحمل خلصت علي الدنيا تعبتني اخذت جهالي واخذتك واخذت حته الطفل الي بعدني ما شايفته رجعتني لنقطة الصفر وهاي الشغله بس الله يعلم شنو راح يصير وياي باجر علي تعالي باجر تعال كدام العالم كله گلهم بسمه تحبني مستحيل تأذيني .................. كل هذا الكلام اني احجي وابجي احس المخده تنگعت من دموعي ضليت هوايه اسولف ما حسيت غير نايمه
___________________ ثاني يوم بسمه : كعدت ويه الصلاة.... كمت توضيت وصليت وسلمت امري لــ رب العالمين هوه كفيلي وكيلي اليوم نزلت حضرت ريوك وشويه شويه كعدو كل اهلي لن لازم نطلع من وكت تريكنا وبابا يريد يروح خطيه ويانه بس رائد ما قبل رائد : حجي انته ضل هنا ادعيلنه اني و رافد وبسام وياها قابل نتركها ابو رائد : بابا بسومه ديري بالج على نفسج وان شاء الله تخلص واني اليوم اروح على ابو علي اريد افتهم شنو الي جاي يصير بسمه : لا بابا خطيه اني اعرف عمو ما بيده شي هذا سلام عباره عن كتلة شــر وتمشي على الگاع......................... كملنه كولشي وطلعنه للمحكمه اول ما دخلت قريت سورة الفاتحة لن كولش خفت كعدت على كراسي مخلينهن للمراجعين وكل شويه اكوم اروح هنا ختم وهنا توقيع بس كولشي ما اعرف لشويه واجه ولد ويه رائد المحامي : السلام عليكم بسمه : وعليكم السلام المحامي : اختي كل الي راح اكوله الج تسوي بالحرف الواحد مفهوم بسمه : بعده المحامي يعلم بيه شنو احجي وشنو اكول.... وجان يجي سلام هوه والمحامي مالته عرفته من لبسه...... وكف بعيد من يمنه بس ضل يباوع علينه شويه ودخلوا وراها هم دخل المحامي مالتي ________________________________________ لا تنسووون التصويت والتعليق حبايبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
