.......................
أدري بيك تريد تبجي
أبچي وحدك انه ساكت
بس آحلفك يا گلب يجبير
لا ينخطف لونك لو شفتهم !
(مظفر النواب)
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : وصلنا لاهلي سلمنه وكعدنه جان رافد يحجي بالموبايل كامره
رافد : اني بعد معليه كتلك حاجزها اليه
مصطفى : هوه شنو الك قلة زلم وانطيها الك
بسمه : عرفته صوت مصطفى
علي : رافد وصل سلامي لــ مصطفى
رفد : تفضل انته احجي وياه
علي : هلو مصطفى الله يساعدك شلونك
مصطفى : هلو علي الحمدلله انته شلونك
علي : الحمدلله ....... رافد شيريد منك خبصنه
مصطفى : خل يروح هذا الزاحف..... بعدهي بنتي ماصار الها يوم يكولي حاجزها اليه
علي : هااا بالخير والعافيه ان شاءالله تشوفها باعلى المراتب.........
مصطفى : تسلم ...... شنو وين جنت هيج طالع انيق
علي : والله جنت اني وبسمه بعرس اخويه وهسه اجينه لبيت عمي حته ناخذ سراج
مصطفى : هاا بالخير........ زين بسمه يمك انطينياها اسلم عليها
بسمه : لا يا ربي ما اريد احجي وياه
علي : اي تفضل هاي بسمه
مصطفى : وهوه صافن بوجه بسمه
بسمه : شفت مصطفى صفن بوجهي ومتعجب...... شلونك مصطفى شخبارك زوجتك شلونها
مصطفى : هلو بتـــ......... هلو بت خالي الحمدلله انتي شلونج شخبارج
بسمه : ما كدرت سديت الكامره وحاجيته صوت..... الحمدلله زينه........ بنتك شلونها
رسل : بسمه فدوه نسيت اجمع اغراض سراج روحي بغرفتي تلكينها.......... رسل مجمعه الاغراض بس تريد بسمه تحجي ويه مصطفى
بسمه : عرفت هاي حركه من رسل........ اوكي رسل رايحه........ لا مو يمك بس اريد اجمع اغراض سراج
________________
مصطفى : بسمه حنيتلج
بسمه : حنيتلي لعد وين جان ضميرك من عفتني وين جان گلبك من تركتني سنين وهسه جاي تكولي حنيتلج
مصطفى : اعرف عمرج مراح تسامحيني بس اني ما حبيت مثل ما حبيتج
بسمه : لا مصطفى لا ......انته حبيت روحك اكثر مصطفى انته اناني
مصطفى : عوفي هذا الحجي لن مابي فايده.... بس كوليلي شطالعه اليوم ولج انتي بيتج بگلبي مو اطلعين للناس
بسمه : بس اني جنت ويه علي..... وعلي كلي طالعه مثل الكمر والحفله كلها يباوع عليه مثل واحد عنده جوهرة ويخاف يفقدها
مصطفى : وهسه علي شجابه بالموضوع
بسمه : مصطفى انته صدوك تحجي..... علي زوجي وحبيبي وابو بيتي
مصطفى : بسمه انجبي لا تكولينها بس اني حبيبج بس اني دخلت بگلبج
بسمه : مصطفى شكد اناني انته بس كولي...... يعني انته عايش حياتك وتزوجت قبلي وعفتني سنين طويله ما سالت هاي وين راحت وهسه تريدني الك..... علي مو بس حبيبي علي كلشي بدنيتي مصطفى انساني وعيش حياتك احنه انتهى كولشي بيناتنه من عفتني بالحديقة تتذكر من ما حاربت علمودي من تخليت عني علمود افكارك وانانيتك
مصطفى : بسمه كبرتي وصرتي تحجين وتحاربين علمود زوجج......... كبرتي يا بت گلبي...... هاي هيه حبيبتي الي تريدينه يصير بس انتي بنص گلبي ابد محد ياخذ مكانج تعرفين اني اليوم شفتج بوجه بنتي
بسمه : لا مصطفى انسه كولشي وعيش حياتك وعوفني اعيش حياتي اني احب علي اريدك تعرف هذا الشي علي وسراج اهم شي بحياتي..... تعرف علي هوه الي علمني الحب علي شوفني الحب علي عيشني الحب..... مو مثلك انته سجنتني بقفص اسمه الحب وعفتني مسجونه ورحت .......... هااا حياتي اجيت ...... يله مصطفى مع السلامه اتمنالك حياة سعيده من كل گلبي
مصطفى : وانتي هم يا بت گلبي اتمنه تعيشين الحياة الي ما كدرت اني اسويها الج معه السلامه
بسمه : طلعت لكيت علي طالع بالسياره سلمت ع اهلي واخذت سراج و صعدت بالسياره...... من صعدت علي جان ضايج احجي وياه ما يرد عليه....... علي اكو شي ليش ضايج..... سلام خابر عليك وكلك شي
علي : ........ لا ماكو شي بس بعد لا تسالين شي
بسمه : علي كولش ضايج حته اعصابه امبينه من رگبته بارزه من العصبيه..... اوكي حبيبي على راحتك....... وصلنا للبيت دخلنه غراضنه سراج جان نايم خليته بسريره علي راح للحمام سبح وطلع كعد بالصاله اني هم سبحت ورحت للغرفه ضليت صافنه على علي شبي ضليت كاعده بالساعه..... رحت الصاله
علي شبيك حبيبي ليش ضايج
علي : مابيه شي بس محتاج اضل لوحدي روحي نامي انتي
بسمه : اول مره اشوف علي هيج جان اعصاب بس بنفس الوقت يحجي بهدوء تام....... يشبه هدوء الي قبل العاصفه.............. ما كدرت احجي وياه ولا كلمه
خفت بس اكو شي بگلبي راعبني ما اعرف شنو...... دخلت للغرفه ضليت متمدده وصافنه ....نمت لن تعبانه من العرس والهوسه ......... ما حسيت اله طالع الصبح رحت للصاله ماكو علي .... كلت خاف راح للشغل بس شعجب ما كعدني اتصلت ماكو ما يجاوب رحت للمطبخ اسوي چاي لن راسي يريد ينفجر........ دخلت للمطبخ لكيت مسواك جايب وخبز وحليب و حفاضات لسراج ومخلي ورقه ويمها فلوس ...... انا راح اغيب عن البيت كم يوم...... كل هذا الي كاتبه خابرت علي بالــ50 مكالمة وما يجاوب ضل بالي يمه شبي علي شنو الي صار البارحه اهلي ضوجو بشغله سمع شي من اهله يا ربي شنو الي صار........... ضليت هذا حالي 5 ايام اخابر وما يجاوب لو يقفل الموبايل..... بهاي الايام لو اكل وجبه وحده لو ما اكل انتهيت......من راسي يوجعني اشرب عصير لو چاي....... خابرتني خالتي
ام علي : هلا خاله بسمه شلونكم
بسمه : هلو خاله الحمدلله بخير وانتم ان شاءالله زينين
ام علي: الحمدلله ..... شنو خاله بعد ولا اجيتو علينه حته بيوم الثالث خابرت على علي كال عندي شغل وما نكدر نجي خاله حاجي وتعالو علينه
بسمه : يعني علي ماعنده شي ويه اهله ويحجي وياهم ما كدرت اكول هوه علي ماكو بالبيت........ ان شاءالله خاله من عيوني اني احجي وياه..... ضلت تسالني على سراج وتسولف على زوجة حسن والعرس..... بس اني كل عقلي يم علي نهيت المكالمه بس شنو كولش ختنكت....... بجيت ما اعرف ليش شتاقيتله وهوه حته ما كلف نفسه يجي للبيت يشوفنه اني وسراج يعني اهله ما عنده شي وياهم لعد شنو الي صار ...... سادس يوم غسلت لسراج و خليته بسريره يلعب جاي اكوم اسويله ممه جان تفتر الدنيا كلها بيه ما كدرت اوكف خفت لا اتخربط وهذا سراج منو اله خابرت ع علي يمكن بــ10 مكالمات وهوه ماكو ابد......... بعد كمت ما اعرف عليمن اتصل اجه بسام ابالي اتصلت علي بس كتله بسام لحكلي راح...................
...........................
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
