..........
خلصت العشره الطويله
بعد ما تجمعنه ليله
عيني وعينك بعد مايلتقن
___________
وياك ابتديت بدونك شلون ابتدي شتتصور
ايهاب المالكي
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
اجه يوم الحنه
كعدت الصبح الساعة بالتسعه على هوسة رسل و مصطفى ورائد يضحكون ويشاقون
رحت يمهم اتريك خليت چاي وبيض وجبن
رائد : هااا عوبه هسه تكعدين شلون ابيت زوجج يمكن وره اسبوع يرجعج علينه
بسمه : ههههههههههه اي عادي شهر يمكم و اسبوع اكعد على گلبه
رائد : قصدج تنامين ع گلبه
رسل وبسمه : ههههههههههه
كملت ريوك ورها لميت الغراض الي احتاجهم
ورحت للصالون اني ورسل..........وبنات خالاتي ضلو بالبيت ويه ماما
واحنه منظفي ومحضرين كولشي ضلت شغلات بسيطه
كعدت بالصالون وبدت ام الصالون تشتغل اني احس فقدت رحت بعالم ثاني
رسل : بسومه حبيبتي شبيج
بسمه : هااا رسل لا ماكو شي
رسل : يله كومي خلصتي
بسمه : شنو خلصت شكد الساعه هسه تفاجئت الساعه بالربعه
رسل : هلو عيني وين جنتي شارده كل هاي المده هنياله الي ماخذ بالج
بسمه : اباوع على نفسي بالمرايه هاي معقوله اني هيج حلوه
البدله ماروني واني بيضه طالعه تخبل عليه والتسريحه كولش بسيطه وشعري نازل على ضهري
بس اباوع على بسمه من داخل ولا قطرة فرح موجوده
بس شنو الي مخليني اكمل بهاي المسلسل ما اعرف
رجعنه للبيت ولكيت البنات مسوين حفله كولش جبيره يعني الي يجي يم الباب مال بيتنه عباله حنة ولد مو بنيه
فرحت من اشوف هاي الناس كلها تحبني وتباركلي والبنات تركص
انفتح الباب ودخلت عمتي ام مصطفى تهلهل واطش جكليت عليه وتباركلي
بسمه: ضليت ابصدمه شلون عمتي هيج تسوي وهيه اخير مره شفتها من رفضت مصطفى جانت كولش ضايجه مني
شويه و اجه بابا كال اجوي اهل العريس
دخل علي عليه وجان بقمة اناقته والعطر مالته وصل قبله
كعد بصفي
علي :هاي شطالعه ولج انتي دايماً هيج حلوه
بسمه : انته هم حلو
علي : مو بحلاتج انتي تخبلين اني شيصبرني لباجر
بسمه : من كال هيج كولش خفت
علي : شبيج حبيبتي وجهج صار اصفر
بسمه : لا ماكو شي
قطعنه الكيكه ولبست الذهب ضل نص ساعه ونوب راحو
بسمه : من طلعو يله حسيت روحي رجعتلي
شويه وبدت الناس اتروح بس بنات خالاتي وعماتي ضلو
اجتي عمتي يمي كالت هااا عمه شلونج
بسمه : الحمدلله عمه زينه
ام مصطفى : عمه اني زعلانه عليج من ذاك اليوم تمنيتج تصيرين يمي من شفت مصطفى شكد حابج
بس وره رفضج اله ترك كولشي وراح
هسه هوه تزوج من ابنيه عراقيه........من سمع اليوم الحنه مالتج حلفني اجي واهلهل و اهوس كال اريد احس بيها فرحانه
بسمه : انصدمت من عمه كالت اتزوج و فرحت من عرفت انو هوه كون عائلة لن ما اريد احس ضلمته وياي
بس مصطفى اناني بحبه ما احترم رغبتي وطموحي
بسمه :عمه كولشي قسمه ونصيب اتمنى ما تضلين زعلانه مني وصلي سلامي لــ مصطفى باركيله بنيابه عني وان شاءالله يعيش حياة سعيده
بسمه : خلصت الحنه ورحت نمت هلكانه من التعب والبدله جانت كولش ثكيله وراسي من التفكير هم تعبان
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
