تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
بسمه : صار هذا الولد يخوفني فه فد يوم راجعه الضهر من السوك احنه منطقتنا مابيها هوايه ناس فه شفته يمشي ورايه صرت امشي سريع جان يجي يوكف كبالي انته منو وشتريد مني سلام : ........ بسمه : شال الخوذه عرفته سلام ............... انته شتريد سلام : اريدج انتي بسمه : وره الي سويته بيه بعد الك عين سلام : بسمه هذا الحجي ينفعج.......... شوفي اني عمري ما ردت شي وما اخذته بسمه : سلام بس كولي ليش ما تعوفني سلام : بسمه اني احبج اريدج الي بسمه : كلتها قبل وارجع اكولها نجوم السماء اقربلك سلام : ان شاءالله يصير خير يا بسمه بسمه : راح سلام عساه لا رجع واني دخلت بيت اهلي رسل : هاااا بسمه شبيج تلهثين بسمه : ولج رسل سلام جاي يلحكني موتني رسل : كولي لاخوانج حتى يصيرله حل بسمه : لا فدوه لعينج لا تكولين ما صار فتره من خلصت من المشاكل خلص اسبوع كامل اني ما طالعه فد يوم رسل عدها علاج مخلص رحت اشتري الها جان اشوف سلام براس الشارع واكف كملت طريقي ولا عبالك اشوفه وضل على هاي الحاله كل ما اطلع الكي واكف براس الشارع ...............لو امشي بالشارع ويطلع بوجهي خلص 9 اشهر على وفاة علي اخذت فلوس المعرض وتبرعت بيهن لــ دار ايتام وعوائل فقيره بثواب روحه خطيه هاي فلوسه اني ما محتاجه وقطعة الارض هم ابيعها بس مو هسه وره فتره هم رجعت رحت للبيت مالتنه لكيت ناس كاعدين ضليت واكفه بالشارع وابجي هذا بيتنه شلون ناس غريبه تكعد بي شكد ضحكنا شكد سولفنه و تعاركنه وعشت بي ايام حلوه وراها رجعت للبيت هم نفس الحال سلام ورايه سلام : بسمه شبيج اوكفي اريد احجي وياج بسمه : سلام تروح مني لا الم عليك امة لا اله الا الله روحي طالعه سلام : لا تحجين وياي بهاي الطريقه لا اجي اجنزج اني مو علي خلي ابالج بسمه : لا تجيب طاري علي على السانك لان علي تاج راسك خليته واكف ومشيت رجعت للبيت
خلصت الايام واني مثل حالي بالنهار بسمه القويه اخلص وقتي بين شغل البيت لو اطلع خاف محتاجين شي لو اني و رسل نسوي اكلات يخلص النهار قللت طلعاتي من وره سلام بليل يبده الجزء الحقيقي من حياتي سوالفي ويه السماء لو ويه النجم والبجي على حياتي الي بلحظه وحده انهارت لو اني الي رجعت من الصفر لو حياتي بدون عائلتي لو اطفالي الي ما شبعت منهم اخلص اليل عتب وبجي وحزن كُلش نزل وزني
فد يوم كاعده بليل يم اهلي بس الخنكه مالتي ما اعرف شلون اوصفها شايفين من توكف العبره بالبلعوم هيه هاي رن جهاز ابويه ابو رائد : هذا ابو علي بسمه : ما نتبهت لن بالي مو يمهم ابو رائد : هلا ابو علي............. الحمدلله بخير انتم شلونكم .............. الحمدلله زينه............... الله يرحمه برحمته الواسعة ................... ان شاءالله........... واصل ان شاءالله مقدماً ........ مع السلامه ابو رائد : بابا بسمه عمج ابو علي خابرني وعزمنه على سنوية علي انتي شدكولين تروحين بسمه : اي بابا نروح لــ خاطر عمي اهل علي خوش ناس بس هذا سلام ما اعرف شلون ابنهم بسمه : صاعده انام تصبحون على خير 🥺 صعدت ونمت وغطيت راسي وبجيت لمن مليت علي كلتلي اسبوع وارجع صار سنه يا حبيبي حبيبي سنه ما شايفتك يا روحي ارجعلي علي محتاجتلك ...... علي ما جاي اعرف اعيش حبيبي حياتي بيها نقص يا ربي تعبت اخذني وخلصني من هذا العذاب لمن عايشه مجاي احس اني عايشه عباره عن بشر يمشي لا بيت لا عائلة لا حبيب لا اطفال كولشي راح بلحظه وحده ضليت ابجي لحد ما حسيت راسي راح ينفجر ثاني يوم كعدت تذكرت بهذا اليوم شنو صار بالتفصيل للظهر خابر حسن على رائد كاله امي تريد بسمه اخذني بسام اني وامي ورحت اول ما دخلت شفت الولد كلهم حته سلام سلمت وكعدت يم خالتي هيه بس شافتني ضلت تبجي اني منا مختنكه بجيت خطيه كلش ضعفانه هيه وعمي تعبانين اجتي منى سلمت عليه وراها زينب و زهراء و مروه ام علي : يمه بسمه ليش ما تجين عليه اني اشوف بيج علي بسمه : خاله الي سواه سلام بعد ما يخليني اوصلكم اليوم الخاطرج انتي وعمو اجيت ام علي : يمه نعرف الي سواه ما يصير بس خاله اعذرينه اني وعمج ما نكدرله بيوم ما سمعت مشتكي عليج تعاركنه وياها وطردنا من البيت وراها حلف بعد ما يوصل الج بسمه : شنو اكوللها بعده يلحكني ام علي : يمه بسمه ليش هيج تعبانه بسمه : خاله وره علي كلش تعبت...............يله الحمدلله على كل حال ضليت كاعده اباوع على الاستقبال اتذكر شلون بعرس حسن من نضحك ونركص هنا شلون جانت كلها فرحانه للعصر اجتي ملاية كل اقاربهم موجودين بدت تقره احس اليوم مات علي بجيت لمن مليت بجيت لحد ما حسيت الحرگه الي بگلبي طلعت بجيت من عرفت علي صدوك مات وبعد ما يرجع بجيت على حبي اله بجيت على ايامنا الحلوه الي عشناها والي ما عشناها امي يمي تبجي على حالي خلصت الملايه اني احس بجيت مال قهر سنه كاملة كالو اتحولو بالصالة لن يردون الاستقبال للرياجيل بده يصبون اكل اسمع النسوان حده تحجي ويه الثانيه وحده تكول خطيه بعدهي صغيره وحده تكول يمكن تاخذ حماها والثانية تكول من علي لــ سلام اشافت بي واقسه من هذا كله اشوف نظرات الشفقه بعيونهم لو متعاطفين وياي كلها اكلت بس اني ولا لكمه بس شربت مي لن راسي من البجي يريد ينفجر زينب : بسمه من رخصتج بس شويه من وقتج بسمه : اي عيني حاضر جايه ام رائد : بسمه وين رايحه بسمه : هنا ماما وين اروح ............... طلعت شفت غرفة علي الي كعدنه بيها بعرس حسن بس ضلمه هاي الغرفه تشبه حياتي الموت خطف كل الوانها و سواها ضلمه زينب : تعالي نصعد فوك نحجي بسمه : اي عادي نصعد....... شتريد زينب مني .....احجي بگلبي زينب : اول شي اسفه على سلوبي وياج ذاك اليوم.... وثاني شغله اريد احجي بيها وياج اتمنى ما تزعلين مني بسمه : لا زينب ماكو داعي للاعتذار الله يشهد عليه اني من اليوم شفتكم بي انتي و زهراء عتبرتكم اخواتي زينب : الله يسلمج.......... بسمه الله يخليج اتوسل بيج لا تقبلين بسلام الله يخليج لا دمرين حياتي اني اعرف هوه يحبج وهوه وره السنويه راح يرجع يخطبج بسمه الله يوفقج لا تاخذين ابو جهالي والله بعد يوعفنه اذا اخذج فدوه اروحلج لا تهجمين بيتي بروح علي عليج اذا تحبينه لا توافقين بسمه : ولج زينب كافي بجي عليج الله انطيني مجال احجي منو كلج اوافق علي اريدج تكونين مرتاحه سلام لو يبقه اخر رجال بالعالم ما تزوجه زينب : اي فدوه ابوس اديج اني احبه بس هوه يحبج انتي واعرف راح يسوي المستحيل حته ياخذج خاف يضغط عليج تذكري جهالي منو الهم خليهم بين عيونج فدوه لا تهجمين بيتي سلام : ولججججججج زينب هاي ليش هيج تحجين تعالي اني اربيج بسمه : اجه سلام مثل الصاروخ ويعيط لزم زينب من شعرها ويسحل بيها ويضرب بيها مثل الوحش اني اباوع علي وابجي هذا شنو من بشر اريد ابعده منها ماكو ملخ شعرها ودخلها للغرفه وطبگ الباب ما اسمع بس الظرب والصريخ نزلت ركض للولد بسمه : حسن فدوه انته واحمد الحكو هذا سلام لزم زينب وكتلها فدوه بسرعه راح يخلص عليها صعدت كلها على الصريخ اجه حسن دفر الباب مره مرتين وجان ينفتح .......... شصاير بزينب وجهه كل دم وشعرها مگطعه بالگاع وهيه واكعه بالكاع ركضت اشيلها بس شافتني بجت وتخربطت اني هنا تخبلت بسمه : سلام يا نذل حرام انته تنحسب على الزلم مسوي نفسك زلمه على هاي المسكينه الله لا يوفقك حرامات الموت اخذ علي و ما اخذك يا عار يا صگط احس كُلش فقدت اشوفها گبال عيوني سابحه بدمها اجتي زهراء و مروه شالنها واني رشيت على وجهه مي كعدت ضلت تبجي اني على بجيها ابجي وياها بسمه : كافي حبيبتي الله ياخذ حقج من هذا النذل زينب : اتمنى عندي اهل و اروح يمهم اشكيلهم على قهري بسمه : عرفت امها وابوها ميتين وعدها بس اخ واحد وفقير يعني ما يكدر لــ سلام خلص هذا اليوم ورجعت لبيت اهلي وره ما تفقت وياهم اروح للنجف
__________________________________💜🦋
حبايبي لا تنسون التصويت والتعليق فراشاتي احبكم 🦋🦋
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
