Unicode
အမှန်တကယ်ပင် ထိုအမျိုးသမီးသည် ကျောင်းက စီနီယာအစ်မဖြစ်ပါ၏။ ထိုနှစ်တစ်နှစ်သာ တွေ့လိုက်ရပြီး နောက်ပိုင်းတွေ မတွေ့မိတော့၍ ကျောင်းထွက်သွားသည်ဟု ထင်မိလိုက်သော်ငြား ယခုဒီနေရာရောက်နေပုံက .....
"မဟုတ်သေးပါဘူး အစ်မကဘယ်လိုဖြစ်လို့"
ဘခ်ဟျွန်း၏အံ့ဩနေသည့်အမူအရာကို ကြည့်ပြီး လီအာကပို၍ပင်အံ့ဩပြ၏။
"ပတ်ချန်းယောလ်က မပြောပြထားဘူးလား"
ဘခ်ဟျွန်းခေါင်းကို ခပ်ဖြည်းဖြည်းခါယမ်းပြတော့ ထိုအမျိုးသမီးက နှုတ်ခမ်းထောင့်စွန်းများ ပင့်တက်ရုံမက သွားစွယ်လေးပင်ပေါ်သည်အထိ ရယ်မောလာ၏။
"ဒီလောက်မတွေ့ရတဲ့နှစ်တွေအတွင်း ပိုပြီးပြည့်ဖြိုးလာသလိုပဲ အိုက်ဂူး"
ဘခ်ဟျွန်း၏မည်သို့သော အမူအရာဖြစ်စေ ထိုအမျိုးသမီးအတွက်တော့ အသည်းတယားယား ဖြစ်စေသည်ထင်၏။ လက်တစ်ဖက်ကလည်း ဘခ်ဟျွန်း၏ အနည်းငယ်ဖောင်းနေသောပါးအား အသာညှစ်ဆွဲလာသည်။
သို့တိုင် ထိုလက်သည် ပါးမို့လုံးလုံးလေးများ၏ နူးညံ့သောအထိအတွေ့ကို ပြည့်ပြည့်ဝဝမခံစားရသေးခင်မှာပင် တစ်စုံတစ်ယောက်ထံမှ ဖြတ်ကနဲရိုက်ချခံလိုက်ရသည်။
"ငါကျွေးမွေးထားတာ လတ်လွတ်စပယ်မထိနဲ့"
ဘခ်ဟျွန်းအနောက်ပါးက ထွက်လာသောလေသံက ခပ်နက်နက်ဖြင့် ရင်းနှီးနေသည်ဖြစ်လင့်ကစား အလျင်စလိုလှည့်ကြည့်လိုက်တော့ ချန်းယောလ်သည် သူ့ခါးကနေဆွဲယူကာ အနားကိုတိုးကပ်စေသည်။ လီအာသည် ဖြတ်ရိုက်ခံလိုက်ရသော သူ့လက်သူပြန်ကြည့်ကာ နှာခေါင်းအသာရှုံ့၏။ ချန်းယောလ်သည် အရပ်အတော်ရှည်သောသူဖြစ်သော်ငြား လီအာဟူသော အမျိုးသမီးသည် တန်းတူနီးပါးရပ်နေနိုင်သည်အထိ၊ အရှိန်အဝါကလည်း သိသိသာသာပင် ချန်းယောလ်နီးပါးကို ကြီးမားလှ၏။
"ကြင်ရာတော်ကို ငါ့အကြောင်း မိတ်ဆက်ထားပေးမယ် ထင်တာ၊ ဘယ်လိုဖြစ်ရတာလဲ"
မျက်ခုံးများတွန့်ချိုးကာ ချန်းယောလ်နှင့် မျက်နှာချင်းဆိုင်ရပ်၍ တန်းတူလေသံနှင့် သုံးနှုန်းလာသော ထိုအမျိုးသမီးက ..... မကြာသေးခင်ကလည်း ချန်းယာလ်နာမည်ကို တပ်ခေါ်သွားတာဖြစ်သည်။ အတွေးနှင့်အတူ ဘခ်ဟျွန်းကြက်သီးအနည်းငယ် ထသွားစဥ်မှာပင် ချန်းယောလ်ကဆိုလာ၏။
KAMU SEDANG MEMBACA
The LOEY
Fiksi Penggemarတောတောင်ရေမြေတို့၏ သဘာဝတရားသည် စောင့်ရှောက်သူနှင့် ကြင်ရာတော်အပေါ် မူတည်၍ဖြစ်တည်သည်။ ကြင်ရာတော်၏စိတ်သည် သဘာဝတရားဖြစ်ပြီး စောင့်ရှောက်သူက ထိုသဘာဝတရားကို ထိန်းညှိသည်။ [ ဤဇာတ်လမ်းတွင် ပါဝင်သော အကြောင်းအရာများသည် စိတ်ကူးယဥ်ဖန်တီးမှု သက်သက်သာဖြစ်၏။ ] ~ ...
