Unicode
ဘခ်ဟျွန်းနားထဲ ဗုံးတစ်လုံးပေါက်ကွဲသွားသည့်နှယ်။ စီကနဲဖြစ်သွားသော အကြားအာရုံက ထိတ်လန့်မှုကြောင့်ဖြစ်သည်။
"ဘာတွေလာပြောနေတာလဲ"
ပထမဆုံးအတွေးသည် ပေါက်ကရတွေဟူ၍သာ။ ထိုလူပြောသမျှသည် ဖြစ်နိုင်ချေမရှိသည့် ကိစ္စရပ်များသာ။ မည်သို့မှမဖြစ်နိုင်။ သို့တိုင် ထိုမဖြစ်နိုင်ဟူသော စကားစုကလွဲပြီးလည်း ဘခ်ဟျွန်းထပ်မစဥ်းစားနိုင်။ ထိတ်လန့်နေသော အသိစိတ်နောက်ကနေ ဆက်တိုက်လိုက်လာသည့် မေးခွန်းတွေဟာလည်း အများအပြား။ သူ့ဦးနှောက်တစ်ခုလုံးဟာ ယခုလေးတင်ကြားခဲ့ရသော စကားစုကြောင့် အတွေးတို့ကိုပင် လိုက်လို့မမှီဖြစ်နေရက်ကြားမှ အလျင်စလို တုံ့ပြန်မိလိုက်ခြင်းသာ။ မဖြစ်နိုင်ပါချေ။
"မင်းအမေက တော်တော်လေးလှတဲ့အမျိုးသမီးပါ"
ဘခ်ဟျွန်း၏စကားကို နားပင်မထောင်ဟု ထင်ရသော ထိုလူက အေးဆေးစွာဆက်ပြောလာ၏။
"မဖြစ်နိုင်တာတွေ လာမပြောနဲ့ ခင်ဗျား"
ဘခ်ဟျွန်းအတွေးတို့က မည်သို့မည်ဖုံဟူသော ခေါင်းစဥ်အောက်မှာ ယောက်ယက်ခက်နေဆဲမှာပင် ထိုလူက ဆက်ပြောလာ၏။
"မယုံဘူးလား"
"ယုံနိုင်စရာရှိလို့လား၊ ကျွန်တော် - ကျွန်တော့်အဖေဓာတ်ပုံကိုတော့ အမြဲမြင်ဖူးပြီးသား"
ချောက်ကမ်းပါးအစွန်းမှာ ရပ်နေရသည့်လူတစ်ယောက်နှယ် လက်ကျန်အချက်လေးတစ်ခုအား ကောက်ရိုးမျှင်နှယ်ဆွဲပြောတော့ ထိုလူက ခပ်ဖွဖွရယ်မောလာသည်။
ခေါင်းမာစွာပင် ဆက်လက်ငြင်းဆန်နေမိသည်က နောက်ဆက်တွဲလိုက်လာသော မေးခွန်းတို့၏အဖြေကို ကြောက်ရွံ့စိတ်ကြောင့်။
သူ့အမေသေဆုံးရခြင်း၊ သူ၏ဖြစ်တည်မှု၊ သူ့၏ကြင်ရာတော်ဖြစ်တည်မှု ပေါက်ကြားရခြင်း အကြောင်းအရင်း။ အစရှိသဖြင့်။
အဖြေတို့ကို မကြားဝံ့သလို နှုတ်ကငြင်းဆိုနေမိသည့်တိုင် အကုန်လုံးကိုတော့ မသိစိတ်က အလိုလို ဆက်စပ်ကြည့်မိနေလျက်။ ဖြစ်နိုင်ချေကလည်း ရှိနေသလို။
KAMU SEDANG MEMBACA
The LOEY
Fiksi Penggemarတောတောင်ရေမြေတို့၏ သဘာဝတရားသည် စောင့်ရှောက်သူနှင့် ကြင်ရာတော်အပေါ် မူတည်၍ဖြစ်တည်သည်။ ကြင်ရာတော်၏စိတ်သည် သဘာဝတရားဖြစ်ပြီး စောင့်ရှောက်သူက ထိုသဘာဝတရားကို ထိန်းညှိသည်။ [ ဤဇာတ်လမ်းတွင် ပါဝင်သော အကြောင်းအရာများသည် စိတ်ကူးယဥ်ဖန်တီးမှု သက်သက်သာဖြစ်၏။ ] ~ ...
