Unicode
"နို့အေး"
တော်တော်ကြာ ကြောင်အနေပြီးမှ တစ်ဖက်က စကားသံကြောင့် baekhyun အသိပြန်ဝင်လာသည်။
"နို့အေးတစ်ဗူး"
Baekhyun ကြောင်အနေမှုကြောင့် နောက်တစ်ကြိမ် ထပ်ဆို၏။ နားထဲတန်းတန်းမတ်မတ် ဝင်လာသော ဩရှရှအသံကြောင့် ယောင်ယမ်းကာ ခေါင်းငုံ့ချလိုက်မိသည်။ အမြင်ကွယ်သွားသည့်တိုင် တစ်ဖက်လူ၏ အကြည့်စူးစူးတို့ကို ခံစားမိနေဆဲ။ ယောင်ယမ်းကာ လက်ကလှုပ်ရှားနေပြီးမှ baekhyun အသိစိတ်ဝင်သွားသည်။ တုန်လှုပ်နေသော ရင်ဘတ်အစုံကို အသာထိန်းကာ မော့ကြည့်လိုက်တော့ စူးစိုက်ကြည့်နေသော မျက်ဝန်းစိမ်းတို့နှင့်ဆုံသည်။ baekhyun အသက်ရှုအောင့်လိုက်မိသည်။
"ဧည့်သည်.. ဒီဆိုင်မှာ နို့အေးမရပါဘူးဗျ"
တစ်ဖက်က မျက်မှောင်မဆိုစလောက်လေး ကြုံ့ဝင်သွား၏။ ထို့နောက် baekhyun အနောက်ဘက်ရှိ menu ဘုတ်များထံ အကြည့်ရောက်သွားသည်။ စိတ်သက်သာရသွားသည့်အလား baekhyun ပါးနှစ်ဖက်ဖောင်းကာ လေပူမှုတ်ထုတ်မိ၏။
ဘာလို့ ရင်တွေအဲ့လောက်တုန်နေမှန်းမသိ။
"Espresso ပဲ ပေး"
ပြောပြီးသည်နှင့် စကားပြန်လာသည်ကိုမစောင့်၊ တစ်ခြားတစ်ဖက်ကိုစိုက်ကြည့်ကာ ပြတင်းပေါက်နားတွင် နေရာဝင်ယူသည်။ ထိုလူကြည့်သည့်ဘက်ကို လိုက်ကြည့်မိတော့ သူဌေးထိုင်သည့် နေရာဖြစ်နေ၏။ ကွက်တိပင် အကြည့်ချင်းဆုံမိတော့ သူဌေးဘက်က ပြုံးပြလာသည်မို့ baekhyun လည်း အင်တင်တင်နှင့် ပြုံးပြလိုက်ရသည်။
chanyeol မေးရိုးတို့ တင်းကနဲ။
နှစ်ဖက်သားကြောင့် baekhyun ခေါင်းရှုပ်သွားသော်ငြား ကိုယ့်အလုပ်တွင်သာ အာရုံပြန်စိုက်လိုက်သည်။ အခြေအနေကြည့်ရသလောက်တော့ သူဌေးနှင့် အသိတစ်ယောက်ဖြစ်မည်ထင်သည်။ ဆက်ဆံရေးတော့ ကောင်းပုံမရသည်မို့ မည်သည့်ဘက်မှ လှည့်မကြည့်မိစေရန် စိတ်ထိန်းထားရသည်။
သို့သော်ငြား လူပါးနေသည်မို့ မရည်ရွယ်ပါဘဲ ပြတင်းပေါက်နား ကိုသာ မကြာခဏ အကြည့်ပို့မိနေသည်မှာ ကိုယ့်ကိုယ်ကိုပင် ထိန်းမရ။ မျက်ဝန်းစိမ်းတို့နှင့် တည့်တည့်ဆုံတိုင်းလည်း ရင်ထဲ ထိတ်ကနဲ ဖြစ်ဖြစ်သွားမှုကြောင့် အမြန်အကြည့်လွှဲကာ ခေါင်းခါပစ်ရတာ ဘယ်နှကြိမ်ရှိပြီမှန်းမသိ။ ရှက်ဖို့ကောင်းလိုက်တာ။ ကိုယ့်ကိုယ်ကိုပင် ဘာကြောင့် ဒီလောက်ယောက်ယက်ခက်နေမှန်း စဥ်းစားမရ။
KAMU SEDANG MEMBACA
The LOEY
Fiksi Penggemarတောတောင်ရေမြေတို့၏ သဘာဝတရားသည် စောင့်ရှောက်သူနှင့် ကြင်ရာတော်အပေါ် မူတည်၍ဖြစ်တည်သည်။ ကြင်ရာတော်၏စိတ်သည် သဘာဝတရားဖြစ်ပြီး စောင့်ရှောက်သူက ထိုသဘာဝတရားကို ထိန်းညှိသည်။ [ ဤဇာတ်လမ်းတွင် ပါဝင်သော အကြောင်းအရာများသည် စိတ်ကူးယဥ်ဖန်တီးမှု သက်သက်သာဖြစ်၏။ ] ~ ...
