Seoul Hospital !!!!
' ဘေဘီ ...!!!'
' မားမား ... ဟင့် ဟင့် ...'
ရှောင်မား သူ ဆေးရုံရောက်တာနဲ့ သူ့ရင်ခွင်ထဲ ဝင်လာပြီး ငိုနေတဲ့ ဘေဘီ ကြောင့် ကျောကို ပုတ်ပေးလိုက်သည်။
' မငိုနဲ့ ၊ မငိုနဲ့။ သူ ဘာမှ မဖြစ်နိုင်ပါဘူး။ ဆရာဝန်တွေလည်း အကောင်းဆုံး လုပ်နိုင်မှာပါ။'
' ကိုကို သွေးတွေ အများကြီး ထွက်နေတယ်။ ပြီးတော့ သား ကို လာကယ်ရင်း ဖြစ်သွားတာ။ ကိုကို ခုလို ဖြစ်တော့ သားဘက်က ဘာမှ ပြန်မလုပ်ပေးနိုင်ဘူး။ သွေးကလည်း မတူတော့ လှူလို့ မရဘူး။'
' လာ ... ထိုင်အုံး။ စိတ်အေးအေး ထား။ ခွဲခန်းထဲ ဝင်သွားတာ ကြာပြီလား။'
' ခုနမှ ဝင်သွားတာ၊ ကိုကို့ကို ခွဲခန်းထဲ ခေါ်သွားတာနဲ့ မားမား ဆီ ဖုန်းဆက်လိုက်တာ။ မားမား ကိုကို ... ကိုကို မသေပါဘူးနော်။'
' မသေပါဘူး။ သားပဲ စိတ်အေးအေးထား။ တော်ကြာ အထဲက လူက ဘာမှကြီးကြီးမားမား မဖြစ်ပဲ သားက လဲသွားအုံးမယ်။ သားမှာ ကလေးလေး ရှိသေးတယ်နော်။'
ရှောင်းကျန့် သူ့လက်နဲ့ ဗိုက်ကို ပွတ်မယ် လုပ်တော့ သူ့ လက်မှာရော အင်္ကျီတွေမှာပါ ကိုကို့ရဲ့ သွေးတွေ ပေပွနေတယ်။
' ကိုကို !!! ကျေးဇူးပြုပြီး ဘာမှ မဖြစ်လိုက်ပါနဲ့။ ကျနော်နဲ့ ကလေးလေး ကို ထားမသွားပါနဲ့။ ကျေးဇူးပြုပြီး ... ကိုကို !!!.'
ရှောင်မား တစ်ကိုယ်လုံး သွေးတွေ ပေနေတဲ့ ဘေဘီ ကို ကြည့်ပြီး ...
' ဘေဘီ ... လက်တွေ သွားဆေးလိုက်ပါလား။ အဝတ်ကျတော့ မားမား လူ လွှတ်ပြီး သွားဝယ်ခိုင်းလိုက်မယ်။'
' ဟင့်အင်း။ ကိုကို ဘေးကင်းပြီလို့ မသိရမခြင်း သား ဘယ်မှ မသွားချင်ဘူး။ သား ကိုကို့ကို စောင့်နေချင်တယ်။'
' ဟုတ်ပါပြီ။ ဒါဆို ဒီမှာ ခနနေအုံး။ မားမား ရေ သွားယူလာပေးမယ်။'
ရှောင်မား ဘေဘီ အရမ်း ထိတ်လန့် နေမယ်ဆိုတာ သိတာကြောင့် ရေ တိုက်ဖို့ ရေ သွားယူရင်း ဘေဘီ အတွက် အဝတ်စား တစ်စုံ စီစဉ်ပေးဖို့ သူ့ အတွင်းရေးမှူးကို တစ်ခါတည်း ဖုန်းဆက်လိုက်သည်။
YOU ARE READING
Beyond Pain ( Completed )
Fanfictionနာကျင်ခြင်းရဲ့ အလွန်မှာ ဘာတွေ ထပ်ရှိနိုင်သေးလဲ။ နာက်င္ျခင္းရဲ႕ အလြန္မွာ ဘာေတြ ထပ္ရွိႏိုင္ေသးလဲ။ Credit for cover photo No. 11
