Beyond Pain ( Completed )

Ep - 29

Xiao ... အိမ်

' မောနင်း မား။'

' သားက အစောကြီး ထ နေကျလား။'

' ဟုတ်။ ညကျလည်း ကိုကိုက စောစော အိပ်ခိုင်းတော့ မနက်ဆို အစောကြီး နိုး နိုး နေတာ။'

ဝမ်မား ရှောင်းလေးရဲ့ နောက်ကို ကြည့်လိုက်တော့ ဝမ်ဝမ် မပါတာကြောင့် ...

' ဝမ်ဝမ်က မနိုးသေးဘူးလား။'

' ကိုကိုက မနေ့ည သား အိပ်တော့ ချက်ချင်း မအိပ်ပဲ ဒီဇိုင်းတွေ ဆွဲနေသေးတာ။ အဲ့ဒါကြောင့် အခုကျ မနိုးတော့ဘူး။'

' ဟုတ်ပါပြီ။ ဒါဆို လာ မား နဲ့ အောက်ဆင်းကြမယ်။'

' မားလည်း ခုမှ နိုး တာလား။'

' မဟုတ်ပါဘူး။ မား နဲ့ သားရဲ့ မားမားက အစောကြီးကတည်းက ထ ပြီးနေပြီ။ မားက အခု အပေါ်မှာ ဘုရား ဆွမ်းတော် လာတင်တာ။'

' ဪ ... ဟုတ်။ မားမားကလည်း ဘာလို့ မား ကို အစောကြီး ထ ခိုင်းရတာလဲ။ မားက မနေ့ကမှ ရောက်တာကို။'

ဝမ်မား ရှောင်းလေးကို တွဲပေးရင်း လှေခါးကနေ ဆင်းလာပြီး ...

' ရပါတယ်ကွယ်။ မား လည်း ပေကျင်းမှာတုန်းက ခုလို စောစော ထ တဲ့ အကျင့် ရှိပါတယ်။'

သူတို့ အောက် ရောက်လာတော့ ...

' ဟော ... ဘေဘီ ပါ နိုးနေပြီလား။'

' ဟုတ် မားမား။'

' ဒါဆို လာ ... မားမား တို့ ခြံထဲမှာ လမ်း ခန သွားလျှောက်ကြရအောင်။'

ရှောင်းကျန့် နဲ့ ဝမ််မား ရှောင်မား ရှေ့ကနေ ဦးဆောင်ပြီး အိမ်ထဲက ထွက်တော့ နှစ်ယောက်သား နောက်ကနေ လိုက်သွား လိုက်ကြသည်။

~~~~~~~~

' ဟင် !!!.

ချာတိတ်က ထ သွားပြီလား။'

ရိပေါ် နိုးလာလို့ ဘေးကို စမ်းလိုက်တော့ မနွေးတော့တဲ့ အိပ်ယာခင်းကိုပဲ စမ်းမိတာကြောင့် ချာတိတ် သူ့ကို မနှိုးပဲ ထ သွားပြီဆိုတာ သိလိုက်သည်။

သူ ပေကျင်းကို ၁ လ ကျော်ကျော်လောက် သွားလိုက်တာ ချာတိတ်က ည မအိပ်ခင် လုပ်တဲ့ အကျင့် ရော မနက် အိပ်ယာ ထ ရင် လုပ်ရမယ့် အကျင့်ရော အကုန်မေ့လိုက်ပြီပဲ။