Ep15 : ប៉ាម៉ាក់បង្កើត
ប៊ែលឡាត្រឡប់មកផ្ទះវិញ ខឹងដាច់ក្បាលដាច់ កន្ទុយ។ នាងបោកប្រាស់សម្ភារៈក្នុងបន្ទប់ឡើងរញររញាយ ទន្ទ្រាំជើង ញីក្បាលស្រែកបញ្ចេញកំហឹង។
«ក្តៅចិត្តណាស់!! អាយ៎!!» នាងខឹងជុងហ្គុកខ្លាំងមែនទែន ដែលដេញនាងគ្មានទុកមុខ ថែមទាំងយកអាក្មេងរាងដូចមនុស្សស្រីនោះ សំខាន់ជាងនាង។ ត្រឹមបាវបម្រើធម្មតាសោះ ហេតុអីឲ្យតម្លៃ ហើយដូចជាយកចិត្តទុកដាក់ជាមួយខ្លាំងម្ល៉េះ ដល់ពេលនាងវិញ ទុកដូចជាខ្យល់អាកាស។
នាងក្រមុំដកដង្ហើមវែង យកទូរសព្ទ័មកមើល ក៏ឃើញថាឪពុកខលមក។
«លោកប៉ា»
( ក្រែងយើងឲ្យឯងទៅរកជុងហ្គុក? ហេតុអីឯងមកផ្ទះវិញ? ) ឮសំណួរគាត់ហើយ ធ្វើឲ្យនាងកាន់តែខឹងមួម៉ៅ នេះប្រាកដជាពួកអ្នកបម្រើអស់នោះ ខលប្រាប់មិនខាន។
«ខ្ញុំទៅហើយ តែគេដេញខ្ញុំមកវិញ» នាងខ្លួនឯងក៏មិនចង់ទៅរកជុងហ្គុកដែរ ព្រោះតែមើលដឹងថាជុងហ្គុកមិនចូលចិត្តនាង ហើយនាងតែងតែអាម៉ាសរាល់ពេលទៅជួបគេ។
បើមិនដោយសារសម្ពាធពីឪពុក នាងក៏មិនទៅដែរ។
( យើងឲ្យឯងព្យាយាមស្និតស្នាលជាមួយវា កន្លងផុតទៅប៉ុន្មានខែហើយ ឯងធ្វើអីបានខ្លះ? បើនៅតែបែបនេះ ពេលណាឯងបានរៀបការជាមួយវាទៅ? ) ប្រាប់ហេតុផលហើយ ក៏នៅតែត្រូវស្តីបន្ទោសឲ្យ។
ប៊ែលឡាខាំមាត់ណែន ទប់កំហឹងមិនឲ្យឈ្លោះគ្នាជាមួយឪពុក។ រាល់ថ្ងៃនេះ នាងរស់នៅដូចជាទាសកររបស់គាត់អីចឹង គាត់ឲ្យនាងរៀនអី នាងត្រូវតែរៀនហ្នឹង ធ្វើតាមគាត់បញ្ជាគ្រប់បែបយ៉ាង ហើយពេលណាក៏ត្រូវស្តីបន្ទោសឲ្យ។ អ្វីដែលគ្រប់គ្នាមើលឃើញ មិនមែនជាការពិតទាំងអស់ នាងមិនអាចធ្វើតាមចិត្តខ្លួនឯង រស់នៅជាខ្លួនឯង មិនអាចសូមបីតែតវ៉ា។ នាងរស់នៅជាមួយការសម្តែងធ្វើជារឹងមាំ សម្តែងធ្វើជាក្រអឺតក្រទម នាងសម្តែងឲ្យប៉ារបស់ជុងហ្គុកស្រលាញ់ ចង់បាននាងជាកូនប្រសាតាមអ្វីដែលប៉ារបស់នាងបញ្ជា សម្តែងរាល់ពេលនៅជាមួយជុងហ្គុក សម្តែងធ្វើជារករឿងជីមីន ទាំងដែលនាងគ្មានអ្វីគុំគួនគេសោះ ក៏ព្រោះតែចង់ឲ្យគេខ្លាច ហើយគោរពនាង។
YOU ARE READING
ព្រំដែនស្នេហ៍ អ្នកប្រុសបេះដូងថ្ម
Romanceជីមីន វ៉មី លូតលាស់ធំធាត់ក្រោមការចិញ្ចឹមបីបាច់របស់លោកម្ចាស់ម៉ាហ្វៀ តួនាទីរបស់គេគឺនៅបម្រើ ជុងហ្គុក ដាវិនឃៀល ដែលត្រូវជាកូនប្រុសតែម្នាក់គត់របស់លោកម្ចាស់ ក្នុងនាមជាអ្នកបម្រើផ្ទាល់ខ្លួន។ តើនឹងមានអ្វីកើតឡើង នៅពេលដែលគេលះបង់ភាពបរិសុទ្ធរបស់ខ្លួនឯងឲ្យទៅជុងហ្គ...
